ਹਰਿਆਣਾ ਕੈਬੀਨੇਟ ਦੀ ਮੀਟਿੰਗ ਵਿਚ ਕੀਤਾ ਗਿਆ ਫੈਸਲਾ, 28 ਏਜੰਡੇ ਵੀ ਹੋਏ ਪੇਸ਼
ਸੂਬੇ ਵਿਚ ਗਰੁੱਪ ਸੀ ਅਤੇ ਡੀ ਦੇ ਅਹੁਦਿਆਂ ‘ਤੇ ਜਲਦੀ ਕੀਤੀ ਜਾਵੇਗੀ ਭਰਤੀਆਂ
ਸੁਖਜਿੰਦਰ ਮਾਨ
ਚੰਡੀਗੜ੍ਹ 8 ਫਰਵਰੀ: ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਹਰਿਆਣਾ ਵਿਧਾਨਸਭਾ ਦਾ ਬਜਟ ਸੈਸ਼ਨ 2 ਮਾਰਚ ਤੋਂ ਸ਼ੁਰੂ ਹੋਵੇਗਾ। ਇਸ ਸਬੰਧ ਵਿਚ ਮਾਣਯੋਗ ਰਾਜਪਾਲ ਅਤੇ ਵਿਧਾਨਸਭਾ ਸਪੀਕਰ ਨੂੰ ਪੱਤਰ ਭੇਜਿਆ ਜਾਵੇਗਾ। ਸੈਸ਼ਨ ਕਿੰਨੇ ਦਿਨ ਚੱਲੇਗਾ, ਇਸ ਦਾ ਫੈਸਲਾ ਬਿਜਨੈਸ ਏਡਵਾਈਜਰੀ ਕਮੇਟੀ ਦੀ ਮੀਟਿੰਗ ਵਿਚ ਹੋਵੇਗਾ। ਮੁੱਖ ਮੰਤਰੀ ਨਵੇਂ ਸਾਲ-2022 ਵਿਚ ਆਯੋਜਿਤ ਹਰਿਆਣਾ ਕੈਬੀਨੇਟ ਦੀ ਪਹਿਲੀ ਮੀਟਿੰਗ ਦੇ ਬਾਅਦ ਪੈ੍ਰਸ ਕਾਨਫ੍ਰੈਂਸ ਨੂੰ ਸੰਬੋਧਿਤ ਕਰ ਰਹੇ ਸਨ। ਇਸ ਦੌਰਾਨ ਮੁੱਖ ਮੰਤਰੀ ਨੇ ਜਾਣਕਾਰੀ ਦਿੱਤੀ ਕਿ ਕੈਬੀਨੇਟ ਮੀਟਿੰਗ ਵਿਚ 28 ਏਜੰਡੇ ਰੱਖੇ ਗਏ ਸਨ। ਇਸ ਵਿਚ ਸ਼ਾਹਬਾਦ ਖੰਡ ਮਿੱਲ ਨੂੰ 60 ਕੇਐਲਪੀਡੀ ਏਥੋਨਾਲ ਪਲਾਂਟ ਦੀ ਸਥਾਪਨਾ ਦੇ ਲਈ 8.92 ਕਰੋੜ ਰੁਪਏ ਦੇ ਕਰਜਾ ਨੂੰ ਮੰਜੂਰੀ ਪ੍ਰਦਾਨ ਕੀਤੀ ਗਈ। ਇਸ ਦੇ ਨਾਲ-ਨਾਲ ਪੰਜਾਬ ਡਿਸਟਲਰੀ ਨਿਯਮ 1932 ਵਿਚ ਸੋਧ ਦੇ ਪ੍ਰਸਤਾਵ ਨੂੰ ਮੰਜੂਰੀ ਦਿੱਤੀ ਗਈ ਹੈ। ਇਸ ਦੇ ਤਹਿਤ ਹੁਣ ਸੂਬੇ ਦੀ ਸਾਰੀ ਡਿਸਟਰਲਰੀ ਵਿਚ ਫਲੋ ਮੀਟਰ ਲਗਾਏ ਜਾਣਗੇ, ਜਿਸ ਨਾਲ ਉਨ੍ਹਾਂ ਵਿਚ ਬਣ ਰਹੀ ਸ਼ਰਾਬ ਤੇ ਸਿਪ੍ਰਟ ਨੂੰ ਕਾਊਂਡਟ ਕੀਤਾ ਜਾਵੇਗਾ। ਇਸ ਦੀ ਮਾਨੀਟਰਿੰਗ ਲਗਾਤਾਰ ਸਰਕਾਰ ਵੱਲੋਂ ਕੀਤੀ ਜਾਵੇਗੀ। ਕੇਂਦਰ ਸਰਕਾਰ ਦੀ ਤਰਜ ‘ਤੇ ਹਰਿਆਣਾ ਸਰਕਾਰ ਨੇ ਵੀ ਲਾ ਕਮਿਸ਼ਨ ਦੀ ਸਿਫਾਰਿਸ਼ ‘ਤੇ ਅਨੁਪ੍ਰਯੋਗੀ ਹੋ ਚੁੱਕੇ 20 ਐਕਟ ਨੂੰ ਰਿਪੀਲਿੰਗ ਕਰਨ ਦਾ ਫੈਸਲਾ ਕੀਤਾ ਹੈ।
ਗਰੁੱਪ ਸੀ ਅਤੇ ਡੀ ਦੀ ਭਰਤੀ ਜਲਦ
ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਸੂਬੇ ਵਿਚ ਗਰੁੱਪ ਸੀ ਅਤੇ ਡੀ ਦੇ ਅਹੁਦਿਆਂ ‘ਤੇ ਜਲਦੀ ਭਰਤੀਆਂ ਕੀਤੀਆਂ ਜਾਣਗੀਆਂ। ਸਾਰੇ ਵਿਭਾਗਾਂ ਤੋਂ 11 ਫਰਵਰੀ ਤਕ ਗਰੁੱਪ ਸੀ ਅਤੇ ਡੀ ਕੇ ਅਹੁਦਿਆਂ ਦੀ ਜਰੂਰਤ ਅਨੁਸਾਰ ਡਿਮਾਂਡ ਭੇਜਣ ਨੂੰ ਕਿਹਾ ਗਿਆ ਹੈ। ਇਸ ਦੇ ਬਾਅਦ ਹਰਿਆਣਾ ਕਰਮਚਾਰੀ ਚੋਣ ਕਮਿਸ਼ਨ ਨੂੰ ਸੂਚਿਤ ਕਰ ਭਰਤੀਆਂ ਦਾ ਇਸ਼ਤਿਹਾਰ ਕੱਢਿਆ ਜਾਵੇਗਾ ਅਤੇ ਕਾਮਨ ਏਂਟਰੈਂਸ ਟੇਸਟ ਦੇ ਲਈ ਪੋਰਟਲ ਖੋਲਿਆ ਜਾਵੇਗਾ। ਹੁਣ ਤਕ ਇਸ ਪੋਰਟਲ ‘ਤੇ 8 ਲੱਖ ਰਜਿਸਟ੍ਰੇਸ਼ਣ ਹੋ ਚੁੱਕੇ ਹਨ। ਜਲਦੀ ਇਸੀ ਪ੍ਰਕ੍ਰਿਆ ਨੂੰ ਪੂਰਾ ਕਰ ਕੇ ਟੇਸਟ ਆਯੋਜਿਤ ਕੀਤਾ ਜਾਵੇਗਾ ਅਤੇ ਭਰਤੀ ਕੀਤੀ ਜਾਵੇਗੀ। ਗਰੁੱਪ ਡੀ ਦੇ ਲਈ ਇਕ ਟੇਸਟ ਆਯੋਜਿਤ ਹੋਵੇਗਾ ਜਦੋਂ ਕਿ ਗਰੁੱਪ ਸੀ ਦੀ ਭਰਤੀ ਦੇਲਈ ਦੋ ਟੇਸਟ ਹੋਣਗੇ।
65 ਸਾਲ ਉਮਰ ਪੂਰੀ ਕਰ ਚੁੱਕੇ ਨੰਬਰਦਾਰਾਂ ਦਾ ਹੋਵੇਗਾ ਮੈਡੀਕਲ ਚੈਕਅੱਪ
ਇਕ ਸੁਆਲ ਦਾ ਜਵਾਬ ਦਿੰਦੇ ਹੋਏ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ 65 ਸਾਲ ਉਮਰ ਪੂਰੀ ਕਰ ਚੁੱਕੇ ਨੰਬਰਦਾਰਾਂ ਦਾ ਮੈਡੀਕਲ ਚੈਕਅੱਪ ਹੋਵੇਗਾ। ਜੋ ਵੀ ਨੰਬਰਦਾਰ ਇਸ ਮੈਡੀਕਲ ਚੈਕ ਅੱਪ ਵਿਚ ਫਿੱਟ ਪਾਏ ਜਾਣਗੇ, ਉਨ੍ਹਾਂ ਦੀ ਸੇਵਾਵਾਂ ਹੀ ਅੱਗੇ ਜਾਰੀ ਰੱਖੀਆਂ ਜਾਣਗੀਆਂ ਨਹੀਂਤਾਂ ਉਨ੍ਹਾਂ ਨੂੰ ਸੇਵਾ ਮੁਕਤ ਕਰ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ, ਨੰਬਰਦਾਰੀ ਵਿਚ ਸਰਬਰਾ ਪ੍ਰਥਾ ਨੂੰ ਵੀ ਖਤਮ ਕੀਤਾ ਜਾਵੇਗਾ।
60 ਸਾਲ ਉਮਰ ਪੂਰੀ ਕਰਨ ‘ਤੇ ਆਪਣੇ ਆਪ ਆਵੇਗੀ ਬੁਢਾਪਾ ਪੈਂਸ਼ਨ
ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਦਸੰਬਰ ਮਹੀਨੇ ਦੀ ਬੁਢਾਪਾ ਪੈਂਸ਼ਨ 7 ਫਰਵਰੀ ਨੂੰ ਖਾਤਿਆਂ ਵਿਚ ਪਾ ਦਿੱਤੀ ਗਈ ਹੈ, ਜਦੋਂ ਕਿ ਜਨਵਰੀ ਮਹੀਨੇ ਦੇ ਪਂੈਸ਼ਨ 8 ਫਰਵਰੀ ਨੂੰ ਪਾਈ ਜਾ ਰਹੀ ਹੈ। ਪਂੈਸ਼ਨ ਨੂੰ ਪਰਿਵਾਰ ਪਹਿਚਾਣ ਪੱਤਰ ਨਾਲ ਜੋੜਿਆ ਜਾ ਰਿਹਾ ਹੈ। ਭਵਿੱਖ ਵਿਚ ਯੋਗ ਵਿਅਕਤੀਆਂ ਨੂੰ ਕੋਈ ਪਰੇਸ਼ਾਨੀ ਨਹੀ ਆਵੇਗੀ। ਇਸ ਤੋਂ ਇਲਾਵਾ ਜੋ ਵੀ ਵਿਅਕਤੀ 60 ਸਾਲ ਦੀ ਉਮਰ ਪੂਰੀ ਕਰ ਲਵੇਗਾ ਅਤੇ ਉਹ ਯੋਗ ਹੋਵੇਗਾ ਤਾਂ ਉਸ ਦੀ ਖੁਦ ਤੋਂ ਪੈਂਸ਼ਨ ਸ਼ੁਰੂ ਹੋ ਜਾਵੇਗੀ।
ਧਰਮ ਬਦਲਾਅ ਰੋਕਣ ਲਈ ਬਿੱਲ ਕੈਬੀਨੇਟ ਵਿਚ ਪਾਸ
ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਧਰਮ ਬਦਲਾਅ ਕੀਤੇ ਬਿਨ੍ਹਾਂ ਕੋਈ ਵਿਆਹ ਕਰਦਾ ਹੈ ਤਾਂ ਉਸ ‘ਤੇ ਕੋਈ ਰੋਕ ਨਹੀਂ ਹੈ ਪਰ ਕੋਈ ਪੈਸੇ ਦੇ ਲਾਲਚ ਵਿਚ ਜਬਰਨ ਕਿਸੇ ਦਾ ਧਰਮ ਬਦਲਾਅ ਕਰਵਾਉਂਦਾ ਹੈ ਤਾਂ ਉਸ ਦੇ ਖਿਲਾਫ ਸਖਤ ਤੋਂ ਸਖਤ ਕਾਰਵਾਈ ਹੋਵੇਗੀ। ਇਸ ਸਬੰਧ ਵਿਚ ਕੈਬੀਨੇਟ ਨੇ ਗੈਰ-ਕਾਨੁੰਨੀ ਧਰਮ ਬਦਲਣ ਰੋਕਥਾਮ ਬਿੱਲ 2022 ਨੂੰ ਮੰਜੂਰੀ ਦੇ ਦਿੱਤੀ ਹੈ। ਪਿਛਲੇ ਦਿਨਾਂ ਯਮੁਨਾਨਗਰ , ਮੇਵਾਤ, ਗੁਰੂਗ੍ਰਾਮ ਅਤੇ ਪਾਣੀਪਤ ਜਿਲ੍ਹੇ ਵਿਚ ਜਬਰਨ ਧਰਮ ਬਦਲਾਅ ਦੇ ਮਾਮਲੇ ਆਏ ਸਨ। ਉਨ੍ਹਾਂ ਨੂੰ ਰੋਕਨ ਲਈ ਹੀ ਇਸ ਬਿੱਲ ਨੂੰ ਮੰਜੂਰੀ ਦਿੱਤੀ ਗਈ ਹੈ।
ਪੰਜਾਬ, ਯੂਭੀ ਅਤੇ ਉਤਰਾਖੰਡ ਵਿਚ ਚੋਣ ਪ੍ਰਚਾਰ ਕਰਨ ਜਾਣਗੇ ਮੁੱਖ ਮੰਤਰੀ
5 ਰਾਜ ਦੇ ਵਿਧਾਨਸਭਾ ਚੋਣ ਦੇ ਸਬੰਧ ਵਿਚ ਪੁੱਛੇ ਗਏ ਸੁਆਲ ਦਾ ਜਵਾਬ ਦਿੰਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ 5 ਸੂਬਿਆਂ ਨੇ ਚੋਣ ਪ੍ਰਚਾਰ ਵਿਚ ਉਨ੍ਹਾਂ ਦੀ ਡਿਊਟੀ ਵੀ ਲਗਾਈ ਹੈ। ਬੀਤੇ ਦਿਨਾਂ 1 ਦਿਨ ਦੇ ਲਈ ਉਤਰਾਖੰਡ ਵਿਚ ਚੋਣ ਪ੍ਰਚਾਰ ਕਰਨ ਗਏ ਸਨ। ਹੁਣ ਆਉਣ ਵਾਲੇ ਦਿਨਾਂ ਵਿਚ 4 ਦਿਨ ਉਤਰਪ੍ਰਦੇਸ਼, 2 ਦਿਨ ਪੰਜਾਬ ਅਤੇ 1 ਦਿਨ ਉਤਰਾਖੰਡ ਵਿਚ ਚੋਣ ਪ੍ਰਚਾਰ ਦੇ ਲਈ ਜਾਣਗੇ। ਸਾਰੇ ਸੂਬਿਆਂ ਵਿਚ ਭਾਜਪਾ ਸਰਕਾਰ ਬਨਾਉਣ ਜਾ ਰਹੀ ਹੈ।
ਨਿਜੀ ਖੇਤਰ ਵਿਚ 75 ਫੀਸਦੀ ਨੌਕਰੀਆਂ ਦੇ ਰਾਖਵਾਂ ਦੀ ਸੁਪਰੀਮ ਕੋਰਟ ਤਕ ਲੜਣਗੇ ਲੜਾਈ
ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਨਿਜੀ ਖੇਤਰ ਵਿਚ 75 ਫੀਸਦੀ ਖੇਤਰ ਵਿਚ 75 ਫੀਸਦੀ ਨੌਕਰੀਆਂ ਵਿਚ ਹਰਿਆਣਾ ਦੇ ਨਿਵਾਸੀਆਂ ਨੂੰ ਰਾਖਵਾਂ ਦਿੱਤੇ ਜਾਣ ਦੇ ਮਾਮਲੇ ਵਿਚ ਸਰਕਾਰ ਮਜਬੂਤੀ ਨਾਲ ਲੜਾਈ ਲੜੇਗੀ। ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਫੈਸਲੇ ਦੇ ਖਿਲਾਫ ਸੁਪਰੀਮ ਕੋਰਟ ਵਿਚ ਅਪੀਲ ਕੀਤੀ ਹੈ। ਅਗਲੇ 11 ਫਰਵਰੀ ਨੂੰ ਇਸ ਦੀ ਸੁਣਵਾਈ ਹੋਵੇਗੀ।
ਨਵੇਂ ਮਂੈਬਰਾਂ ਦਾ ਸਵਾਗਤ ਕੀਤਾ
ਕੈਬੀਨੇਟ ਦੇ ਨਵੇਂ ਮੈਂਬਰ ਦੇਵੇਂਦਰ ਸਿੰਘ ਬਬਲੀ ਤੇ ਕਮਲ ਗੁਪਤਾ ਦੀ ਪਹਿਲੀ ਕੈਬੀਨੇਟ ਮੀਟਿੰਗ ਸੀ, ਇਸ ਲਈ ਮੁੱਖ ਮੰਤਰੀ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ।
ਲਤਾ ਮੰਗੇਸ਼ਕਰ ਨੂੰ ਦਿੱਤੀ ਸ਼ਰਧਾਂਜਲੀ
ਕੈਬੀਨੇਟ ਮੀਟਿੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਸਵਰਕੋਕਿਲਾ ਭਾਰਤ ਰਤਨ ਲਤਾ ਮੰਗੇਸ਼ਕਰ ਦੇ ਨਿਧਨ ‘ਤੇ ਦੋ ਮਿੰਟ ਦਾ ਮੌਨ ਰੱਖ ਕੇ ਉਨ੍ਹਾਂ ਦੀ ਆਤਮਿਕ ਸ਼ਾਂਤੀ ਦੇ ਲਈ ਪ੍ਰਾਰਥਨਾ ਕੀਤੀ ਗਈ।
Share the post "2 ਮਾਰਚ ਤੋਂ ਸ਼ੁਰੂ ਹੋਵੇਗਾ ਹਰਿਆਣਾ ਵਿਧਾਨਸਭਾ ਦਾ ਬਜਟ ਸੈਸ਼ਨ – ਮਨੋਹਰ ਲਾਲ"
