Bathinda News: Bathinda municipal corporation election; ਨਵੀਂ ਵਰਡਬੰਦੀ ਨੂੰ ਲੈ ਕੇ ਵਿਰੋਧੀਆਂ ਵੱਲੋਂ ਦਾਈਰ ਕੀਤੀਆਂ ਪਿਟੀਸ਼ਨਾਂ ਨੂੰ ਖ਼ਾਰਜ ਕਰਦਿਆਂ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਨੇ 31 ਦਸੰਬਰ ਨੂੰ ਹੋਈ ਵਾਰਡਬੰਦੀ ਦੀ ਨੋਟੀਫਿਕੇਸ਼ਨ ਨੂੰ ਸਹੀ ਕਰਾਰ ਦਿੱਤਾ ਹੈ। High Court ਦੇ ਹੁਕਮਾਂ ਤੋਂ ਬਾਅਦ ਹੁਣ Bathinda ਨਗਰ ਨਿਗਮ ਦੀਆਂ ਚੋਣਾਂ ਦਾ ਰਾਹ ਪੱਧਰਾ ਹੋ ਗਿਆ। ਅਦਾਲਤ ਦੇ ਫੈਸਲੇ ਤੋਂ ਬਾਅਦ ਨਗਰ ਨਿਗਮ ਦੀਆਂ ਚੋਣਾਂ ਹੁਣ ਨਵੀਂ ਵਾਰਡਬੰਦੀ ਦੇ ਆਧਾਰ ‘ਤੇ ਹੋਣਗੀਆਂ। ਉਧਰ, ਮਾਮਲਾ ਅਦਾਲਤ ਵਿਚ ਪੁੱਜਣ ਕਾਰਨ ‘ਦਿਲ’ ਸੁੱਟ ਕੇ ਬੈਠੇ ਚੋਣ ਲੜਣ ਦੇ ‘ਚਾਹਵਾਨ’ ਮੁੜ ਸਰਗਰਮ ਹੋ ਗਏ ਹਨ।
ਇਹ ਵੀ ਪੜ੍ਹੋ ਮੰਦਭਾਗੀ ਖ਼ਬਰ; ਕਰਜ਼ੇ ਦੀ ਮਾਰ ਹੇਠ ਆਏ ਦੋ ਸਕੇ ਕਿਸਾਨ ਭਰਾਵਾਂ ਨੇ ਕੀਤੀ ਆਤ/ਮਹੱ.ਤਿਆ
ਹਾਲਾਂਕਿ ਚੋਣਾਂ ਕਰਵਾਉਣ ਦਾ ਐਲਾਨ ਚੰਡੀਗੜ੍ਹ ਪੱਧਰ ‘ਤੇ ਲਿਆ ਜਾਣਾ ਹੈ ਪ੍ਰੰਤੂ ਨਿਗਮ ‘ਤੇ ਕਾਬਜ਼ ਮਹਿਤਾ ਧੜੇ ਵੱਲੋਂ ਚੋਣਾਂ ਜਲਦੀ ਕਰਵਾਉਣ ਲਈ ਭੱਜਦੋੜ ਸ਼ੁਰੂ ਕਰ ਦਿੱਤੀ ਹੈ। ਸਿਆਸੀ ਮਾਹਰ ਵੀ ਹੁਣ ਹੋਣ ਵਾਲੀਆਂ ਚੋਣਾਂ ਨੂੰ ਕਾਬਜ਼ ਧੜੇ ਲਈ ‘ਲਾਹੇਵੰਦ’ ਮੰਨ ਰਹੇ ਹਨ। ਜਿਕਰਯੋਗ ਹੈ ਕਿ ਬਠਿੰਡਾ ਨਗਰ ਨਿਗਮ ਦੇ 50 ਵਾਰਡਾਂ ਲਈ ਪਿਛਲੇ ਸਾਲ ਦੇ ਅਖ਼ੀਰ ਵਿਚ ਵਾਰਡਬੰਦੀ ਹੋਈ ਸੀ, ਜਿਸਦੇ ਉੱਪਰ ਵਿਰੌਧੀਆਂ ਵੱਲੋਂ ਇਤਰਾਜ਼ ਜਤਾਏ ਗਏ ਸਨ। ਇਸ ਵਾਰਡਬੰਦੀ ਵਿਚ ਕਈ ਸਿਆਸੀ ਆਗੂਆਂ ਨੂੰ ਆਪਣਾ ‘ਪੱਤਾ’ ਸਾਫ਼ ਹੋਣ ਦਾ ਖ਼ਦਸਾ ਜਾਪ ਰਿਹਾ।
ਇਹ ਵੀ ਪੜ੍ਹੋ PHRO ਨੇ NCB ਹਿਰਾਸਤ ਵਿੱਚ BSF ਜਵਾਨ ਦੀ ਸ਼ੱਕੀ ਮੌਤ ਦੀ ਉੱਚ-ਪੱਧਰੀ ਨਿਆਇਕ ਜਾਂਚ ਦੀ ਕੀਤੀ ਮੰਗ
ਇੰਨ੍ਹਾਂ ਚੋਣਾਂ ਦੇ ਵਿਚ ਆਪ ਮੁੜ ਨਿਗਮ ਦੀ ਸੱਤਾ ‘ਤੇ ਸਵਾਰ ਹੋਣ ਦੇ ਖ਼ਵਾਬ ਦੇਖ ਰਹੀ ਹੈ ਜਦਕਿ ਆਪਣੇ ‘ਹੱਥੀ’ ਸਾਰਾ ਕੁੱਝ ਲੁਟਾ ਚੁੱਕੀ ਕਾਂਗਰਸ ਨੂੰ ਮੁੜ ਨਵੇਂ ਸਿਰਿਓ ਰਣਨੀਤੀ ਤਿਆਰ ਕਰਨੀ ਪਏਗੀ। ਦੂਜੇ ਪਾਸੇ ਪਹਿਲੀ ਵਾਰ ਨਿਗਮ ਦੇ ਵਿਚ ਆਹਮੋ-ਸਾਹਮਣੇ ਟੱਕਰ ਦੇਣ ਦੀ ਤਿਆਰੀ ਵਿਚ ਅਕਾਲੀ-ਭਾਜਪਾ ਵਾਲਿਆਂ ਲਈ ਵੀ ਇਹ ਚੋਣਾਂ ਵੱਡਾ ਅਵਸਰ ਹੋਣਗੀਆਂ। ਹਾਲਾਂਕਿ ‘ਅਸਫ਼ਲ’ ਹੋਣ ‘ਤੇ ਚੋਣ ਨਤੀਜਿਆਂ ਦਾ ਵੱਡਾ ਅਸਰ ਵਿਧਾਨ ਸਭਾ ਚੋਣਾਂ ਉੱਪਰ ਵੀ ਪਏਗਾ। ਜਿਸਦੇ ਚੱਲਦੇ ਪਿਛਲੇ ਸਮੇਂ ਦੌਰਾਨ ‘ਘਿਓ-ਖਿਚੜੀ’ ਹੋ ਕੇ ਚੱਲ ਰਹੇ ਸਮੂਹ ਸਿਆਸੀ ਦਲਾਂ ਦੇ ਜਰਨੈਲਾਂ ਨੂੰ ਹੁਣ ਆਪਣੀ ਸਿਆਸੀ ‘ਹੌਂਦ’ ਬਚਾਉਣ ਲਈ ਇੱਕ-ਦੂਜੇ ਦੇ ਵਿਰੁਧ ‘ਲਕੀਰ’ ਕੱਢ ਕੇ ਲੜਣਾ ਪਏਗਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
