Tarn Taran News: Punjab Police (ਪੰਜਾਬ ਪੁਲਿਸ) ਨੇ ਆਪਣੇ ਹੀ ਅੱਧੀ ਦਰਜ਼ਨ ਮੁਲਾਜਮਾਂ ਵਿਰੁਧ ਵੱਡੀ ਕਾਰਵਾਈ ਕੀਤੀ ਹੈ। ਇਹ ਕਾਰਵਾਈ ਇੱਕ ਨਸ਼ਾ ਤਸਕਰ ਨੂੰ ਵਿਦੇਸ਼ ਭੱਜਣ ਤੋਂ ਰੋਕਣ ਵਿਚ ਢਿੱਲ ਵਰਤਣ ਦੇ ਮਾਮਲੇ ਵਿਚ ਕੀਤੀ ਗਈ ਹੈ। ਸੂਚਨਾ ਮੁਤਾਬਕ ਤਰਨਤਾਰਨ ਸੀਆਈਏ ਸਟਾਫ਼ ਦੇ ਇੰਸਪੈਕਟਰ ਪ੍ਰਭਜੀਤ ਸਿੰਘ, ਥਾਣੇਦਾਰ ਲਖਵਿੰਦਰ ਸਿੰਘ ਸਮੇਤ 4 ਹੋਰਨਾਂ ਨੂੰ ਮੁਅੱਤਲ ਕੀਤਾ ਗਿਆ ਤੇ ਨਾਲ ਹੀ ਦਸਿਆ ਜਾ ਰਿਹਾ ਕਿ ਇੰਨ੍ਹਾਂ ਵਿਰੁਧ ਪਰਚਾ ਵੀ ਦਰਜ਼ ਕੀਤਾ ਗਿਆ।
ਇਹ ਵੀ ਪੜ੍ਹੋ ਮਾਮਲਾ ਭਖਿਆ; AAP MLA ਨੇ ਮੁੱਖ ਖੇਤੀਬਾੜੀ ਅਫ਼ਸਰ ਦੀ ਬਦਲੀ ਲਈ ਮੰਤਰੀ ਨੂੰ ਲਿਖਿਆ ਪੱਤਰ
ਹਾਲਾਂਕਿ ਅਧਿਕਾਰੀਆਂ ਨੇ ਇਸਦੀ ਪੁਸ਼ਟੀ ਨਹੀਂ ਕੀਤੀ। ਮਿਲੀ ਸੂਚਨਾ ਅਨੁਸਾਰ ਲੁਧਿਆਣਾ ਪੁਲਿਸ ਵੱਲੋਂ 10 ਮਾਰਚ 2024 ਨੂੰ ਆਰਮਜ਼ ਐਕਟ ਤਹਿਤ ਸ਼ਹਿਨਾਜ਼ ਸਿੰਘ ਉਰਫ਼ ਸ਼ਾਨ ਭਿੰਡਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਉਸਦਾ ਪਾਸਪੋਰਟ ਅਦਾਲਤ ਵਿਚ ਹੀ ਜਬਤ ਸੀ। ਕੈਨੇਡਾ ਦੇ ਬਰੈਮਪਟਨ ਦਾ ਵਾਸੀ ਸ਼ਾਨ ਭਿੰਡਰ ਅੰਤਰਰਾਸ਼ਟਰੀ ਨਸ਼ਾ ਤਸਕਰ ਦਸਿਆ ਜਾ ਰਿਹਾ, ਜਿਸਦੇ ਕੋਲੋਂ ਅਮਰੀਕਾ ਦੇ ਵਿਚ ਵੱਡੀ ਮਾਤਰਾ ‘ਚ ਨਸ਼ੀਲੇ ਪਦਾਰਥ ਬਰਾਮਦ ਕੀਤੇ ਗਏ ਸਨ ਤੇ ਉਹ ਗ੍ਰਿਫਤਾਰੀ ਤੋਂ ਬਚਣ ਲਈ ਇੰਡੀਆ ਭੱਜ ਆਇਆ ਸੀ।
ਇਹ ਵੀ ਪੜ੍ਹੋ MLA Harmeet Singh Pathanmajra ਦਾ ਨਵਾਂ ਟਿਕਾਣਾ ਬਣੀ Bathinda Jail
ਇਸ ਦੌਰਾਨ ਲੁਧਿਆਣਾ ਪੁਲਿਸ ਵੱਲੋਂ ਦਰਜ਼ ਮੁਕੱਦਮੇ ਵਿਚ ਉਸਨੂੰ ਅਕਤੂਬਰ 2025 ਵਿਚ ਜਮਾਨਤ ਮਿਲ ਗਈ ਸੀ। ਮੂਲ ਰੂਪ ਵਿਚ ਬਟਾਲਾ ਦੇ ਰਹਿਣ ਵਾਲੇ ਸ਼ਾਨ ਭਿੰਡਰ ਨੇ ਜਮਾਨਤ ਮਿਲਣ ਤੋਂ ਬਾਅਦ ਇੰਸਪੈਕਟਰ ਪ੍ਰਭਜੀਤ ਸਿੰਘ ਤੇ ਥਾਣੇਦਾਰ ਲਖਵਿੰਦਰ ਸਿੰਘ ਆਦਿ ਦੀ ਮੱਦਦ ਨਾਲ ਪੁਲਿਸ ਤੋਂ ਐਨਓਸੀ ਲੈ ਕੇ ਅਦਾਲਤ ਵਿਚੋਂ ਆਪਣਾ ਪਾਸਪੋਰਟ ਰਿਲੀੱਜ ਕਰਵਾ ਲਿਆ ਤੇ ਮੁੜ ਵਿਦੇਸ਼ ਭੱਜ ਗਿਆ। ਜਿਸ ਕਾਰਨ ਹੁਣ ਪੁਲਿਸ ਨੂੰ ਹੱਥਾਂ ਪੈਰਾਂ ਦੀ ਪਈ ਹੋਈ ਹੈ ਤੇ ਸੀਆਈਏ ਇੰਚਾਰਜ਼ ਸਮੇਤ ਹੋਰਨਾਂ ਵਿਰੁਧ ਇਹ ਕਾਰਵਾਈ ਕੀਤੀ ਗਈ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
