ਬਲਵਿੰਦਰ ਸਿੰਘ ਸਰਬਸਹਿਮਤੀ ਦੇ ਨਾਲ ਬਣੇ ਕਮਲਾ ਨਹਿਰੂ ਨਗਰ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ

ਨਵੀਂ ਕਮੇਟੀ ਕਲੋਨੀ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਵਾਉਣ ਲਈ ਜੁਟੀ
ਸੁਖਜਿੰਦਰ ਮਾਨ
ਬਠਿੰਡਾ, 30 ਮਾਰਚ: ਕਮਲਾ ਨਹਿਰੂ ਨਗਰ ਵੈਲਫੇਅਰ ਸੁਸਾਇਟੀ ਦੀ ਨਵੀਂ ਕਮੇਟੀ ਸਰਬਸਹਿਮਤੀ ਦੇ ਨਾਲ ਚੁਣੀ ਗਈ, ਜਿਸ ਵਿੱਚ ਬਲਵਿੰਦਰ ਸਿੰਘ ਸੇਵਾ ਮੁਕਤ ਐਕਸਿਅਨ ਨੂੰ ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਇਸਦੇ ਨਾਲ ਹੀ ਲੰਬੇ ਸਮਾਂ ਬਾਅਦ ਬਣੀ ਇਸ ਕਮੇਟੀ ਵਿੱਚ ਮੀਤ-ਪ੍ਰਧਾਨ ਦੀ ਜਿੰਮੇਵਾਰੀ ਹਰਕਿਰਤ ਸਿੰਘ ਸਰਾਂ ਨੂੰ ਦਿੱਤੀ ਗਈ ਅਤੇ ਜਨਰਲ-ਸਕੱਤਰ ਜਰਨੈਲ ਸਿੰਘ, ਖਜਾਂਚੀ ਭਗੀਰਥ ਲਾਲ ਅਤੇ ਮਮਤਾ ਸਿੰਗਲਾ ਨੂੰ ਜੁਆਇੰਟ ਸਕੱਤਰ ਬਣਾਇਆ ਗਿਆ। ਇਸਦੇ ਇਲਾਵਾ ਬਣਾਏ ਗਏ ਮੈਬਰਾਂ ਵਿੱਚ ਆਦਰਸ਼ ਪਾਲ ਸਿੰਘ, ਅਨੁਰਾਗ ਵਾਸੁਦੇਵ, ਐਚਐਸ ਪੁਰੀ, ਕੌਰ ਸਿੰਘ, ਕੁਲਵੰਤ ਸਿੰਘ, ਡਾ . ਫੂਲੰਿਦਰ ਪ੍ਰੀਤ ਕੌਰ, ਰਾਜਕੁਮਾਰ ਗਰਗ, ਰੇਖਾ ਰਾਣੀ, ਵਿਜੇ ਕੁਮਾਰ, ਸੌਰਭ ਖਟਨਵਾਲ, ਕੈਪਟਨ ਗੁਰਦੇਵ ਸਿੰਘ, ਵਿਸ਼ਨ ਸਿੰਘ, ਰਾਜਵਿੰਦਰ ਸਿੰਘ, ਆਸ਼ਾ ਗੁਪਤਾ ਅਤੇ ਵਿਜੇ ਜੈਨ ਦੇ ਨਾਮ ਸ਼ਾਮਿਲ ਹੈ। ਨਵੇ ਬਣੇ ਪ੍ਰਧਾਨ ਬਲਵਿੰਦਰ ਸਿੰਘ ਨੇ ਕਿਹਾ ਕਿ ਨਵੀਂ ਕਮੇਟੀ ਕਲੋਨੀ ਦੀ ਹਰ ਸਮੱਸਿਆ ਨੂੰ ਛੇਤੀ ਤੋਂ ਛੇਤੀ ਹੱਲ ਕਰਵਾਉਣ ਲਈ ਪੂਰੀ ਤਰ੍ਹਾਂ ਯਤਨਸ਼ੀਲ ਰਹੇਗੀ, ਜਿਸ ਵਿੱਚ ਵੱਡੀ ਸਮੱਸਿਆ ਬਰਸਾਤੀ ਪਾਣੀ ਦੀ ਨਿਕਾਸੀ ਦੀ ਹੈ ਅਤੇ ਕਲੋਨੀ ਵਿੱਚ ਸਾਰਿਆਂ ਨੂੰ ਨਾਲ ਲੈ ਕੇ ਚੱਲਦੇ ਹੋਏ ਭਾਈਚਾਰਕ ਸਾਂਝ ਨੂੰ ਹੱਲਾਸ਼ੇਰੀ ਦਿੱਤੀ ਜਾਵੇਗੀ।