ਲੁਧਿਆਣਾ: ਲੁਧਿਆਣਾ ਵਿਚ ਘਰ ਹੋਈ ਚੋਰੀ ਦਾ ਇਕ ਮਾਮਲਾ ਸਾਹਮਣੇ ਆਇਆ ਹੈ। ਚੋਰ ਜਦੋ ਘਰ ‘ਚ ਚੋਰੀ ਕਰ ਰਿਹਾ ਸੀ ਤਾਂ ਘਰ ਵਿਚ ਰਹਿੰਦਾ ਪਰਿਵਾਰ ਅਚਾਨਕ ਘਰ ਆ ਜਾਂਦਾਂ ਹੈ। ਚੋਰ ਡਰ ਤੋਂ ਘਰ ਦੀ ਛੱਤ ਤੋਂ ਛਾਲ ਮਾਰ ਦਿੰਦਾ ਹੈ। ਛੱਤ ਤੋਂ ਛਾਲ ਮਾਰਨ ਕਰਕੇ ਚੋਰ ਦੀਆਂ ਦੋਵੇ ਲੱਤਾਂ ਟੁੱਟ ਗਈਆ ਹਨ। ਇਸ ਤੋਂ ਇਲਾਵਾ ਚੋਰ ਨੂੰ ਹੋਰ ਗੰਭੀਰ ਸੱਟਾਂ ਵੀ ਲੱਗੀਆਂ ਹਨ।
ਫਿਲਹਾਲ ਪੁਲਿਸ ਵੱਲੋਂ ਚੋਰ ਨੂੰ ਫ਼ੜ੍ਹ ਲਿਆ ਗਿਆ ਹੈ ਤੇ ਹਸਪਤਾਲ ਇਲਾਜ ਲਈ ਲੈ ਜਾਇਆ ਗਿਆ ਹੈ। ਚੋਰ ਕੋਲੋ ਘਰ ‘ਚੋ ਚੋਰੀ ਕੀਤਾ ਗਿਆ ਕੁਝ ਕੀਮਤੀ ਸਮਾਨ ਵੀ ਫੜ੍ਹੀਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਤਿੰਨ ਚੋਰਾਂ ਦਾ ਗਿਰੋਹ ਸੀ ਜਿਸ ਵਿਚ 2 ਮੌਕੇ ਤੋਂ ਫ਼ਰਾਰ ਹੋ ਗਏ ਤੇ ਇਕ ਛੱਤ ਤੋਂ ਡਿੱਗ ਗਿਆ। ਚੋਰ ਜਦੋਂ ਚੋਰੀ ਕਰਨ ਆਏ ਸੀ ਤਾਂ ਉਸ ਸਮੇਂ ਘਰ ਦਾ ਪਰਿਵਾਰ ਗੁਰਦੁਆਰਾ ਸਾਹਿਬ ਵਿਚ ਮੱਥਾਂ ਟੇਕਣ ਗਿਆ ਸੀ।
