ਬਠਿੰਡਾ, 4 ਮਈ: ਬਠਿੰਡਾ ਦੇ ਬਰਨਾਲਾ ਬਾਈਪਾਸ ’ਤੇ ਸਥਿਤ ਇਕ ਫਰਨੀਚਰ ਦੇ ਵੱਡੇ ਸ਼ੋਅ ਰੂਮ ਨੂੰ ਭਿਆਨਕ ਅੱਗ ਲੱਗ ਗਈ, ਜਿਸਦੇ ਨਾਲ ਲੱਖਾਂ ਰੁਪਏ ਦਾ ਫਰਨੀਚਰ ਤੇ ਹੋਰ ਸਮਾਨ ਸੜ ਕੇ ਸਵਾਹ ਹੋ ਗਿਆ। ਅਰਬਨ ਫਰਨੀਚਰ ਹਾਊਸ ਦੇ ਨਾਂ ’ਤੇ ਸਥਿਤ ਬਰਨਾਲਾ ਬਾਈਪਾਸ ਉਪਰ ਰਿਲਾਇੰਸ ਮਾਲ ਦੇ ਨਜ਼ਦੀਕ ਇਸ ਸ਼ੋਅਰੂਮ ਵਿਚ ਕਰੀਬ ਪੌਣੇ 4 ਦੇ ਕਰੀਬ ਅੱਗ ਲੱਗ ਗਈ। ਅੱਗ ਲੱਗਣ ਦੀ ਸੂਚਨਾ ਮਿਲਦੇ ਹੀ ਫਾਇਰ ਬਿ੍ਰਗੇਡ ਦੇ ਪੰਜ ਫਾਇਰ ਟੈਂਕਰਾਂ ਵੱਲੋਂ ਤਿੰਨ ਘੰਟਿਆਂ ਦੀ ਮੁਸੱਕਤ ਤੋਂ ਬਾਅਦ ਅੱਗ ’ਤੇ ਕਾਬੂ ਪਾਇਆ ਗਿਆ।
ਲੁਧਿਆਣਾ ਦੇ ਡੇਹਲੋਂ ਵਿੱਚ ਕਾਂਗਰਸ ਵੱਲੋਂ ਚੋਣ ਦਫ਼ਤਰ ਦਾ ਉਦਘਾਟਨ
ਹਾਲੇ ਤੱਕ ਅੱਗ ਲੱਗਣ ਦੇ ਕਾਰਨਾਂ ਬਾਰੇ ਕੱੁਝ ਪਤਾ ਨਹੀਂ ਲੱਗ ਸਕਿਆ। ਇਸ ਫਰਨੀਚਰ ਦੇ ਮਾਲਕ ਕਰਮਜੀਤ ਸਿੰਘ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਅੱਗ ਲੱਗਣ ਦੇ ਪਿੱਛੇ ਮੁਢਲੇ ਤੌਰ ’ਤੇ ਕੋਈ ਸ਼ਾਰਟ ਸਰਕਟ ਹੀ ਹੋ ਸਕਦਾ ਹੈ। ਉਨ੍ਹਾਂ ਅੱਗੇ ਦਸਿਆ ਕਿ ਉੱਪਰਲੀ ਮੰਜ਼ਿਲ ’ਤੇ ਸੋਫੇ, ਕੁਰਸੀਆਂ, ਬੈੱਡ ਵਗੈਰਾ ਦਾ ਸਟਾਕ ਪਿਆ ਹੋਇਆ ਸੀ ਜੋ ਬਿਲਕੁਲ ਰਾਖ ਹੋ ਗਿਆ।
