ਡੇਰਾਬਸੀ: ਡੇਰਾਬਸੀ ਦੇ ਵਿੱਚ ਉਸ ਸਮੇਂ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਜਦੋਂ ਇੱਕ ਘਰ ਦੇ ਵਿੱਚ ਏਸੀ ਬਲਾਸਟ ਹੋਣ ਕਾਰਨ ਜ਼ਬਰਦਸ਼ਤ ਧਮਾਕਾ ਹੋ ਗਿਆ।ਅਤੇ ਪੂਰੇ ਘਰ ਨੂੰ ਅੱਗ ਲਗ ਗਈ ਤੇ ਪੂਰੇ ਘਰ ਦਾ ਸਾਮਾਨ ਸੜ ਕੇ ਸੁਆਹ ਹੋ ਗਿਆ। ਪਰ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ।ਅਤੇ ਫਾਇਰ ਬ੍ਰਿਗੇਡ ਦੀ ਟੀਮਾਂ ਨੇ ਮੌਕੇ ਤੇ ਪਹੁੰਚ ਕੇ ਕਾਫੀ ਮੁਸ਼ਕਤ ਤੋਂ ਬਾਅਦ ਅੱਗ ‘ਤੇ ਕਾਬੂ ਪਾਇਆ।
ਜਾਣਕਾਰੀ ਮੁਤਾਬਕ ਪਰਿਵਾਰ ਨੇ 31 ਮਈ ਨੂੰ ਏਸੀ ਖਰੀਦਿਆ ਸੀ। ਅਤੇ ਪਹਿਲੀ ਮੰਜ਼ਿਲ ਦੇ ਹਾਲ ‘ਚ 3-4 ਦਿਨ ਪਹਿਲਾਂ ਲਗਾਇਆਂ ਸੀ। ਕਰੀਬ ਸਾਢੇ 11 ਵਜੇ ਜੱਦ ਪੂਰਾ ਪਰਿਵਾਰ ਏਸੀ ਹੇਠਾਂ ਬੈਠੇ ਸਨ ਤਾਂ ਅਚਾਨਕ ਏਸੀ ਬਲਾਸਟ ਹੋ ਗਿਆ। ਜਿਸ ਕਾਰਨ ਪਹਿਲਾਂ ਸੌਭਿਆਂ ਨੂੰ ਅੱਗ ਲਗੀ ਤੇ ਫਿਰ ਪੂਰਾ ਘਰ ਅੱਗ ਦੀ ਲਪੇਟ ‘ਚ ਆ ਗਿਆ। ਅੱਗ ਲੱਗਣ ਨਾਲ ਘਰ ਵਿਚ ਪਏ ਸੋਨੇ ਦੇ ਗਹਿਣੇ, ਐੱਲ. ਈ. ਡੀ, ਮੰਦਰ, ਕੀਮਤੀ ਸੋਫ਼ਾ ਅਤੇ ਹੋਰ ਸਮਾਨ ਸੜ ਗਿਆ। ਜਿਸ ਨਾਲ ਉਸ ਦਾ ਕਰੀਬ ਸਾਢੇ 6-7 ਲੱਖ ਰੁਪਏ ਦਾ ਨੁਕਸਾਨ ਹੋ ਗਿਆ।
