ਬਠਿੰਡਾ, 15 ਜੁਲਾਈ: ਜਿੰਨੇ ਜਿਆਦਾ ਰੁੱਖ ਹੋਣਗੇ, ਉੱਨੇ ਜਿਆਦਾ ਸੁੱਖ ਹੋਣਗੇ, ਰੁੱਖ ਸਾਨੂੰ ਛਾਂ ਦੇ ਨਾਲ ਨਾਲ ਆਕਸੀਜਨ ਅਤੇ ਹੋਰ ਕਈ ਪ੍ਰਕਾਰ ਦੀਆਂ ਸੁਖ ਸਹੂਲਤਾਂ ਪ੍ਰਦਾਨ ਕਰਦੇ ਹਨ। ਇਸ ਨਾਅਰੇ ਤਹਿਤ ਅੱਜ ਪੀ ਆਰ ਟੀ ਸੀ ਬਠਿੰਡਾ ਡਿੱਪੂ ਦੇ ਵਿਹੜੇ ਵਿੱਚ ਕਈ ਤਰਾਂ ਦੇ ਛਾਂ ਦਾਰ ਰੁੱਖ ਜਿਵੇਂ ਨਿੰਮ, ਟਾਹਲੀ, ਜਾਮਣ, ਬੋਹੜ , ਪਿੱਪਲ ਅਤੇ ਸੁਖਚੈਨ ਆਦਿ ਲਗਾਏ ਗਏ।
ਤੰਦਰੁਸਤ ਜੀਵਨ ਲਈ ਸਾਡਾ ਆਲਾ ਦੁਆਲਾ ਹਰਿਆ ਭਰਿਆ ਹੋਣਾ ਬਹੁਤ ਜ਼ਰੂਰੀ : ਜਗਰੂਪ ਗਿੱਲ
ਇਸ ਮੌਕੇ ਡਿੱਪੂ ਦੇ ਜਰਨਲ ਮੈਨੇਜਰ ਅਤੇ ਸਟਾਫ ਤੋਂ ਇਲਾਵਾ ਡੀਐਸਪੀ ਸਿਟੀ ਕੁਲਦੀਪ ਸਿੰਘ ਵੀ ਵਿਸ਼ੇਸ ਤੌਰ ’ਤੇ ਪੁੱਜੇ। ਇਸ ਮੌਕੇ ਪਨਬੱਸ ਪੀ ਆਰ ਟੀ ਸੀ ਵਰਕਰ ਯੂਨੀਅਨ 25/11 ਦੇ ਜਰਨਲ ਸਕੱਤਰ ਹਰਤਾਰ ਸ਼ਰਮਾ ਨੇ ਦਸਿਆ ਕੇ ਇਹ ਉਪਰਾਲਾ ਅਸੀਂ ਸਮੂਹ ਸਟਾਫ ਨੇ ਰਲਮਿਲ ਕੇ ਹੀ ਕੀਤਾ ਹੈ ਅਤੇ ਪਹਿਲਾਂ ਵੀ ਡਿੱਪੂ ਵਿੱਚ ਲੱਗਭੱਗ ਚਾਲੀ ਪੰਜਾਹ ਛਾਂ ਦਾਰ ਰੁੱਖ ਲਾ ਕੇ ਵਾਤਾਵਰਨ ਦੀ ਸ਼ੁੱਧਤਾ ਨੂੰ ਕਾਇਮ ਰੱਖਣ ਵਿੱਚ ਯੋਗਦਾਨ ਪਾਇਆ ਗਿਆ ਹੈ।
Share the post "ਰੁੱਖ ਲਗਾਓ ਮੁਹਿੰਮ ਤਹਿਤ ਪੀ ਆਰ ਟੀ ਸੀ ਦੇ ਵਿਹੜੇ ’ਚ ਲਗਾਏ ਛਾਂ-ਦਾਰ ਰੁੱਖ"
