SAS Nagar News:ਜ਼ਿਲ੍ਹਾ ਮੋਹਾਲ਼ੀ ਪੁਲਿਸ ਵੱਲੋਂ ਸੀਨੀਅਰ ਕਪਤਾਨ ਪੁਲਿਸ ਹਰਮਨਦੀਪ ਸਿੰਘ ਹਾਂਸ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਮਾੜੇ ਅਨਸਰਾਂ ਵਿਰੁੱਧ ਚਲਾਈ ਮੁਹਿਮ ਦੌਰਾਨ ਸੀ.ਆਈ.ਏ. ਸਟਾਫ ਇੰਚਾਰਜ ਇੰਸਪੈਕਟਰ ਹਰਮਿੰਦਰ ਸਿੰਘ ਦੀ ਟੀਮ ਵੱਲੋਂ ਲੁੱਟ/ਖੋਹ ਕਰਨ ਵਾਲ਼ਾ 6 ਮੈਂਬਰੀ ਗਿਰੋਹ ਗ੍ਰਿਫਤਾਰ ਕੀਤਾ ਹੈ। ਇਹ ਗਿਰੋਹ ਰਾਤ ਸਮੇਂ ਜ਼ਿਲ੍ਹਾ ਮੋਹਾਲ਼ੀ ਵਿੱਚ ਪੈਂਦੀਆਂ ਮੇਨ ਸੜਕਾਂ ਅਤੇ ਏਅਰਪੋਰਟ ਰੋਡ ‘ਤੇ ਰਾਹਗੀਰਾ,ਕਾਰ ਚਾਲਕਾਂ ਨੂੰ ਧੋਖੇ ਨਾਲ਼ ਆਪਣੇ ਜਾਲ਼ ਵਿੱਚ ਫਸਾਕੇ, ਉਹਨਾਂ ਪਾਸੋਂ ਸਮਾਨ ਦੀ ਲੁੱਟ/ਖੋਹ, ਸਨੈਚਿੰਗ ਅਤੇ ਬਲੈਕਮੇਲ ਕਰਕੇ ਜਬਰੀ ਪ੍ਰਾਪਤੀ ਕਰਦੇ ਸਨ। ਇਸ ਗਿਰੋਹ ਦੇ ਮੈਂਬਰਾਂ ਕੋਲੋਂ 4 ਮਹਿੰਗੇ ਮੋਬਾਇਲ ਫੋਨ ਅਤੇ ਇੱਕ ਪ੍ਰੈਸ ਰਿਪੋਰਟ ਮਾਈਕ ਫੋਨ ਬ੍ਰਾਮਦ ਕਰਨ ਵਿੱਚ ਸਫਲਤਾ ਹਾਸਿਲ ਕੀਤੀ ਹੈ। ਪੁਲਿਸ ਦੇ ਇੱਕ ਬੁਲਾਰੇ ਨੇ ਦਸਿਆ ਕਿ ਸੀ.ਆਈ.ਏ. ਸਟਾਫ ਦੇ ASI ਕਰਨਵੀਰ ਸਿੰਘ ਨੂੰ ਮੁੱਖਬਰੀ ਮਿਲ਼ੀ ਕਿ ਦੀਪਕ ਕੁਮਾਰ ਵਾਸੀ ਪਿੰਡ ਢੰਡਾਰਡੂ ਜਿਲਾ ਪੰਚਕੂਲਾ, ਹਰਜਿੰਦਰ ਸਿੰਘ ਉਰਫ ਲਾਡੀ ਵਾਸੀ ਪਿੰਡ ਛੱਤ, ਇਰਬਨਪ੍ਰੀਤ ਸਿੰਘ ਉਰਫ ਪਿੰਕੀ ਵਾਸੀ ਸਵਾਸਤਿਕ ਵਿਹਾਰ ਜੀਰਕਪੁਰ ਅਤੇ ਸੰਦੀਪ ਕੌਰ ਉਰਫ ਮਾਹੀ ਵਾਸੀ ਮੱਛੀਆ ਵਾਲ਼ੀ ਬਸਤੀ ਜੀਰਾ ਜ਼ਿਲ੍ਹਾ ਫਿਰੋਜਪੁਰ ਆਪਣੇ ਹੋਰ ਸਾਥੀ/ਸਾਥਣਾਂ ਨਾਲ਼ ਮਿਲਕੇ ਇੱਕ ਗਿਰੋਹ ਬਣਾਇਆ ਹੋਇਆ ਹੈ, ਜੋ ਇਹ ਰਾਤ ਸਮੇਂ ਜਿਲਾ ਮੋਹਾਲ਼ੀ ਵਿੱਚ ਪੈਂਦੀਆਂ ਮੇਨ ਸੜਕਾ ਅਤੇ ਏਅਰਪੋਰਟ ਰੋਡ ਤੇ ਰਾਹਗੀਰਾਂ, ਕਾਰ ਚਾਲਕਾਂ ਅਤੇ ਟਰੱਕ ਡਰਾਈਵਰਾਂ ਨੂੰ ਧੋਖੇ ਨਾਲ਼ ਆਪਣੇ ਜਾਲ਼ ਵਿੱਚ ਫਸਾਕੇ, ਉਹਨਾਂ ਪਾਸੋਂ ਸਮਾਨ ਦੀ ਲੁੱਟ/ਖੋਹ, ਸਨੈਚਿੰਗ ਅਤੇ ਬਲੈਕਮੇਲ ਕਰਕੇ ਜਬਰੀ ਪ੍ਰਾਪਰਤੀ ਕਰਦੇ ਹਨ।
ਇਹ ਵੀ ਪੜ੍ਹੋ ‘ਮਾਸਟਰ ਜੀ’ ਤੋਂ 20000 ਰੁਪਏ ਰਿਸ਼ਵਤ ਲੈਂਦਾ DEO ਦਫ਼ਤਰ ਦਾ ਕਲਰਕ ਰੰਗੇ ਹੱਥੀਂ ਕਾਬੂ
ਇਹ ਗਰੁੱਪ ਸਾਜਬਾਜ ਹੋ ਕੇ ਪਹਿਲਾਂ ਦੋਸ਼ੀ ਸੰਦੀਪ ਕੌਰ ਉਰਪ ਮਾਹੀ ਨੂੰ ਸੜਕਾਂ ‘ਤੇ ਜਾ ਰਹੇ ਰਾਹਗੀਰਾਂ ਅਤੇ ਟਰੱਕ ਡਰਾਈਵਰਾਂ ਨੂੰ ਰੋਕਕੇ ਉਹਨਾਂ ਨੂੰ ਆਪਣੇ ਜਾਲ਼ ਵਿੱਚ ਫਸਾਉਣ ਲਈ ਕਹਿੰਦੇ ਹਨ, ਜਦੋਂ ਸੰਦੀਪ ਕੌਰ ਨੂੰ ਆਪਣੇ ਜਾਲ਼ ਵਿੱਚ ਫਸਾਕੇ ਟਰੱਕ ਵਿੱਚ ਬੈਠ ਜਾਂਦੀ ਹੈ, ਫਿਰ ਉਹਨਾਂ ਟਰੱਕ ਡਰਾਈਵਰਾਂ ਅਤੇ ਰਾਹਗੀਰਾਂ ਨੂੰ ਬੇਅਬਾਦ ਜਗਾ ਵਿੱਚ ਲੈ ਜਾਂਦੀ ਹੈ। ਜਿੱਥੇ ਇਹ ਆਪਣੇ ਸਾਥੀਆਂ ਨੂੰ ਬੁਲਾ ਲੈਂਦੀ ਹੈ ਅਤੇ ਆਪਣੇ ਸਾਥੀਆਂ ਨਾਲ਼ ਮਿਲ਼ਕੇ ਉਹਨਾਂ ਨੂੰ ਬਲੈਕਮੇਲ ਕਰਕੇ ਸਮਾਨ/ਕੈਸ਼, ਮੋਬਾਇਲ ਫੋਨ ਆਦਿ ਦੀ ਲੁੱਟ/ਖੋਹ ਕਰਦੇ ਸਨ। ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਕਥਿਤ ਦੋਸ਼ੀਆਂ ਦੀ ਪੁੱਛਗਿੱਛ ਤੋਂ ਖੁਲਾਸਾ ਹੋਇਆ ਕਿ ਦੋਸ਼ਣ ਸੰਦੀਪ ਕੌਰ ਜੋ ਕਿ ਰਾਤ ਸਮੇਂ ਏਅਰਪੋਰਟ ਰੋਡ, ਜੀਰਕਪੁਰ-ਬਨੂੜ ਰੋਡ, ਜੀਰਕਪੁਰ-ਪੰਚਕੂਲਾ ਰੋਡ ਅਤੇ ਹੋਰ ਮੇਨ ਰੋਡਾ ਤੇ ਲੇਟ ਨਾਈਟ ਆਪਣੇ ਸਾਥੀਆਂ ਨਾਲ਼ ਲਾਈਵ ਲੋਕੇਸ਼ਨ ਸ਼ੇਅਰ ਕਰਕੇ ਇਕੱਲੀ ਖੜੀ ਹੋ ਜਾਂਦੀ ਸੀ ਤੇ ਆਉਂਦੇ ਜਾਂਦੇ ਰਾਹਗੀਰਾਂ ਪਾਸੋਂ ਰਸਤਾ ਪੁੱਛਣ ਅਤੇ ਲਿਫਟ ਲੈਣ ਦੇ ਬਹਾਨੇ ਉਹਨਾਂ ਦੀਆਂ ਕਾਰਾਂ, ਟਰੱਕਾਂ ਵਿੱਚ ਬੈਠ ਜਾਂਦੀ ਸੀ ਤੇ ਅੱਗੇ ਜਾ ਕੇ ਬਹਾਨੇ ਨਾਲ਼ ਉਹਨਾਂ ਨੂੰ ਆਪਣੇ ਜਾਲ਼ ਵਿੱਚ ਫਸਾਕੇ ਗੱਡੀ ਰੁਕਵਾ ਲੈਂਦੀ ਸੀ ਤੇ ਇਸੇ ਦੌਰਾਨ ਇਸਦੇ ਬਾਕੀ ਗੈਂਗ ਮੈਂਬਰ ਉੱਥੇ ਪੁੱਜਕੇ ਰਾਹਗੀਰ ਵਿਅਕਤੀ ਦੀ ਵੀਡੀਓ ਬਣਾਉਣੀ ਸ਼ੁਰੂ ਕਰ ਦਿੰਦੇ ਸਨ ਅਤੇ ਉਹਨਾਂ ਨੂੰ ਬਲੈਕਮੇਲ ਕਰਕੇ, ਉਹਨਾਂ ਪਾਸੋਂ ਸਾਰੇ ਪੈਸੇ, ਮੋਬਾਇਲ ਫੋਨ ਆਦਿ ਦੀ ਲੁੱਟ ਕਰ ਲੈਂਦੇ ਸਨ।
ਇਹ ਵੀ ਪੜ੍ਹੋ ਪੰਜਾਬ ਸਰਕਾਰ ਦੀ ਵੱਡੀ ਕਾਰਵਾਈ; ਜੇਲ੍ਹ ਸੁਪਰਡੈਂਟ ਸਹਿਤ ਜੇਲ੍ਹ ਵਿਭਾਗ ਦੇ ਦੋ ਦਰਜ਼ਨ ਅਧਿਕਾਰੀ ਤੇ ਕਰਮਚਾਰੀ ਮੁਅੱਤਲ
ਦੋਸ਼ੀ ਉਹਨਾਂ ਨੂੰ ਬਲੈਕਮੇਲ ਕਰਕੇ ਡਰਾਉਂਦੇ ਸਨ ਕਿ ਅਗਰ ਉਹਨਾਂ ਨੇ ਪੁਲਿਸ ਕੰਪਲੇਟ ਕੀਤੀ ਜਾਂ ਰੌਲ਼ਾ ਪਾਇਆ ਤਾਂ ਉਹਨਾਂ ਦੀ ਵੀਡੀਓ ਸ਼ੋਸ਼ਲ ਮੀਡੀਆਂ ਤੇ ਜਨਤਕ ਕਰ ਦੇਣਗੇ। ਦੋਸ਼ੀ ਇਰਬਨਪ੍ਰੀਤ ਸਿੰਘ ਅਤੇ ਦੋਸ਼ੀ ਹਰਜਿੰਦਰ ਸਿੰਘ ਉਰਫ ਲਾਡੀ ਵਾਰਦਾਤ ਕਰਨ ਸਮੇਂ ਆਪਣੇ ਆਪ ਨੂੰ ਪ੍ਰੈਸ ਰਿਪੋਰਟ ਦੱਸਦੇ ਸਨ। ਦੋਸ਼ੀਆਂਨ ਨੇ ਥਾਣਾ ਆਈ.ਟੀ. ਸਿਟੀ ਅਤੇ ਥਾਣਾ ਜੀਰਕਪੁਰ ਦੇ ਏਰੀਆ ਵਿੱਚ ਸਨੈਚਿੰਗ, ਲੁੱਟ/ਖੋਹ ਅਤੇ ਬਲੈਕਮੇਲਿੰਗ ਦੀਆਂ 20 ਤੋਂ ਵੱਧ ਵਾਰਦਾਤਾਂ ਨੂੰ ਅੰਜਾਮ ਦੇਣਾ ਮੰਨਿਆ ਹੈ। ਮੁਲਜਮ ਦੀਪਕ ਕੁਮਾਰ ਵਿਰੁਧ ਇਸ ਤੋਂ ਇਲਾਵਾ ਦੋਸ਼ੀ ਖਿਲਾਫ ਹਰਿਆਣਾ ਸਟੇਟ ਵਿੱਚ ਅੱਡ-ਅੱਡ ਧਾਰਾਵਾਂ ਅਧੀਨ ਕ੍ਰੀਬ 15 ਮੁਕੱਦਮਾ ਦਰਜ ਰਜਿਸਟਰ ਹਨ।ਜਦਕਿ ਹਰਜਿੰਦਰ ਸਿੰਘ ਉਰਫ ਲਾਡੀ ਵਿਰੁਧ ਆਰਮਜ ਐਕਟ, ਕਤਲ, ਲੜਾਈ-ਝਗੜੇ ਅਤੇ ਐਕਸਟੌਰਸ਼ਨ ਦੇ ਕ੍ਰੀਬ 07 ਮੁਕੱਦਮੇ ਦਰਜ ਹਨ। ਦੋਸ਼ੀ ਇਰਬਨਪ੍ਰੀਤ ਸਿੰਘ ਉਰਫ ਪਿੰਕੀ ਵਿਰੁਧ ਲੁੱਟ/ਖੋਹ, ਚੋਰੀ ਅਤੇ ਆਰਮਜ ਐਕਟ ਦੇ 04 ਮੁਕੱਦਮੇ ਦਰਜ ਹਨ।ਦੋਸ਼ਣ ਸੰਦੀਪ ਕੌਰ ਉਰਫ ਮਾਹੀ ਵਿਰੁਧ ਲੁੱਟ/ਖੋਹ ਅਤੇ ਐਕਸਟੌਰਸ਼ਨ ਦੇ 02 ਮੁਕੱਦਮੇ ਦਰਜ ਹਨ। ਦੋਸ਼ੀ ਉਪੇਂਦਰ ਪਨਵਰ ਉਰਫ ਲੱਕੀ ਵਿਰੁਧ ਆਰਮਜ ਐਕਟ ਅਤੇ ਜੂਏ ਦੇ 02 ਮੁਕੱਦਮੇ ਦਰਜ ਹਨ।ਜਦੋਂਕਿ ਇਸ ਗਿਰੋਹ ਵਿਚ ਸ਼ਾਮਲ ਸੰਨੀ ਕੁਮਾਰ ਸਚਦੇਵਾ ਵਾਸੀ ਪੰਚਪੀਰ ਨਗਰ ਅਬੋਹਰ, ਜਿਲਾ ਫਾਜਿਲਕਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
