Ludhiana News: ਅੱਜ ਪੀ.ਏ.ਯੂ. ਵਿੱਚੋਂ ਗ੍ਰੈਜੂਏਸ਼ਨ ਦੀ ਪੜ੍ਹਾਈ ਮੁਕੰਮਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਡਿਗਰੀਆਂ ਅਤੇ ਇਨਾਮ ਵੰਡਣ ਵਾਸਤੇ ਕਾਨਵੋਕੇਸ਼ਨ ਕਰਵਾਈ ਗਈ। ਸਮਾਰੋਹ ਦੇ ਮੁੱਖ ਮਹਿਮਾਨ ਭਾਰਤੀ ਖੇਤੀ ਖੋਜ ਪ੍ਰੀਸ਼ਦ ਦੇ ਖੇਤੀ ਪਸਾਰ ਬਾਰੇ ਉਪ ਨਿਰਦੇਸ਼ਕ ਜਨਰਲ ਡਾ. ਰਾਜਬੀਰ ਸਿੰਘ ਸਨ। ਸਮਾਰੋਹ ਦੀ ਪ੍ਰਧਾਨਗੀ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ ਨੇ ਕੀਤੀ। ਇਸ ਤੋਂ ਇਲਾਵਾ ਪੀ.ਏ.ਯੂ. ਦੇ ਪ੍ਰਬੰਧਕੀ ਬੋਰਡ ਦੇ ਮੈਂਬਰ, ਉੱਚ ਅਧਿਕਾਰੀ, ਵੱਖ-ਵੱਖ ਵਿਸ਼ਿਆ ਦੇ ਮਾਹਿਰ ਅਧਿਆਪਕ ਅਤੇ ਵਿਦਿਆਰਥੀ ਮੌਜੂਦ ਸਨ। ਡਿਗਰੀ ਵੰਡ ਸਮਾਰੋਹ ਦੌਰਾਨ ਬੀ ਐੱਸ ਸੀ ਐਗਰੀਕਲਚਰ (ਆਨਰਜ਼), ਬੀ ਐੱਸ ਸੀ ਬਾਇਓਤਕਾਨਲੋਜੀ (ਆਨਰਜ਼), ਬੀ ਟੈੱਕ ਭੋਜਨ ਤਕਨਾਲੋਜੀ ਪਾਸ ਕਰਨ ਵਾਲੇ 160 ਤੋਂ ਵਧੇਰੇ ਵਿਦਿਆਰਥੀਆਂ ਨੂੰ ਡਿਗਰੀਆਂ, ਮੈਡਲ ਅਤੇ ਮੈਰਿਟ ਸਰਟੀਫਿਕੇਟ ਤਕਸੀਮ ਕੀਤੇ ਗਏ।ਆਪਣੇ ਕਾਨਵੋਕੇਸ਼ਨ ਭਾਸ਼ਣ ਵਿਚ ਡਾ. ਰਾਜਬੀਰ ਸਿੰਘ ਨੇ ਪੜਾਈ ਮੁਕੰਮਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦਿਆਂ ਉਹਨਾਂ ਲਈ ਉਤਸ਼ਾਹ ਅਤੇ ਪ੍ਰੇਰਨਾ ਨਾਲ ਭਰੇ ਸ਼ਬਦ ਕਹੇ। ਡਾ. ਰਾਜਬੀਰ ਸਿੰਘ ਨੇ ਕਿਹਾ ਕਿ ਡਿਗਰੀ ਮੁਕੰਮਲ ਕਰਨੀ ਸਿੱਖਣ ਦਾ ਅੰਤ ਨਹੀਂ ਬਲਕਿ ਇਸਦੀ ਸ਼ੁਰੂਆਤ ਹੈ। ਇਸ ਤੋਂ ਬਾਅਦ ਸੇਵਾ ਸਮਰਪਣ ਅਤੇ ਸੰਸਕਾਰਾਂ ਦੀ ਅਸਲ ਪਰਖ ਸ਼ੁਰੂ ਹੁੰਦੀ ਹੈ।
ਇਹ ਵੀ ਪੜ੍ਹੋ Bathinda News:ਡੀਸੀ ਤੇ ਐਸਐਸਪੀ ਨੇ ਜ਼ਿਲ੍ਹੇ ਦੀ ਟਾਪਰ ਵਿਦਿਆਰਥਣ ਸਿਮਰਨਜੋਤ ਕੌਰ ਦਾ ਕੀਤਾ ਸਨਮਾਨ
ਖੇਤੀਬਾੜੀ ਕਾਲਜ ਦੇ ਡੀਨ ਡਾ. ਚਰਨਜੀਤ ਸਿੰਘ ਔਲਖ ਨੇ ਸਵਾਗਤੀ ਸ਼ਬਦ ਬੋਲਦਿਆਂ ਕਾਨਵੋਕੇਸ਼ਨ ਰਿਪੋਰਟ ਪੇਸ਼ ਕੀਤੀ। ਉਹਨਾਂ ਨੇ ਕਾਲਜ ਦੇ ਇਤਿਹਾਸ ਅਤੇ ਇਸਦੀ ਸਥਾਪਨਾ ਦੇ ਮੰਤਵ ਬਾਰੇ ਚਾਨਣਾ ਪਾਇਆ। ਡਾ. ਔਲਖ ਨੇ ਖੇਤੀਬਾੜੀ ਤੋਂ ਇਲਾਵਾ ਖੇਡਾਂ, ਸੱਭਿਆਚਾਰਕ ਗਤੀਵਿਧੀਆਂ, ਪ੍ਰਸ਼ਾਸਨਿਕ ਸੇਵਾਵਾਂ, ਫੌਜ ਅਤੇ ਹੋਰ ਖੇਤਰਾਂ ਵਿਚ ਯੂਨੀਵਰਸਿਟੀ ਦੇ ਸਾਬਕਾ ਵਿਦਿਆਰਥੀਆਂ ਦੀਆਂ ਪ੍ਰਾਪਤੀਆਂ ਨੂੰ ਗਿਣਾਇਆ। ਸਮਾਰੋਹ ਦਾ ਸੰਚਾਲਨ ਕੀਟ ਵਿਗਿਆਨੀ ਡਾ. ਕਮਲਦੀਪ ਸਿੰਘ ਸਾਂਘਾ ਨੇ ਕੀਤਾ।ਜਿਨ੍ਹਾਂ ਵਿਦਿਆਰਥੀਆਂ ਨੂੰ ਗੋਡਲ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ ਉਹਨਾਂ ਵਿਚ ਬੀ ਐੱਸ ਐਗਰੀਕਲਚਰ (ਆਨਰਜ਼) ਦੇ ਸ਼੍ਰੀ ਸਤਿੰਦਰ ਸਿੰਘ, ਕੁਮਾਰੀ ਸ਼ਿਵਰੀਤ ਕੌਰ, ਕੁਮਾਰੀ ਲਵਜੋਤ ਕੌਰ ਅਤੇ ਕੁਮਾਰੀ ਸੋਨਮ ਸ਼ਾਮਿਲ ਸਨ। ਬੀ ਐੱਸ ਸੀ ਬਾਇਓਤਕਨਾਲੋਜੀ ਦੇ ਕੁਮਾਰੀ ਭਵਨਦੀਪ ਕੌਰ, ਕੁਮਾਰੀ ਸਪਨਦੀਪ ਕੌਰ, ਕੁਮਾਰੀ ਰਵਨੀਤ ਕੌਰ, ਕੁਮਾਰੀ ਬਲਿਹਾਰ ਕੌਰ ਅਤੇ ਕੁਮਾਰੀ ਧਰਿਤੀ ਅਗਰਵਾਲ ਨੂੰ ਗੋਲਡ ਮੈਡਲ ਪ੍ਰਦਾਨ ਕੀਤੇ ਗਏ। ਬੀ ਟੈੱਕ ਭੋਜਨ ਤਕਨਾਲੋਜੀ ਦੇ ਵਿਦਿਆਰਥੀਆਂ ਕੁਮਾਰੀ ਸਿਮਰਨ ਕੌਰ ਜਵੰਦਾ, ਕੁਮਾਰੀ ਮੁਸਕਾਨ ਗੁਪਤਾ, ਕੁਮਾਰੀ ਨਵਜੋਤ ਕੌਰ ਅਤੇ ਕੁਮਾਰੀ ਜਸਮੀਨ ਕੌਰ ਨੂੰ ਤਮਗੇ ਪ੍ਰਦਾਨ ਕੀਤੇ ਗਏ। ਹੱਸਮੁੱਖ ਮੈਡਲ ਕੁਮਾਰੀ ਮਨਜੋਤ ਕੌਰ ਲੇਖੀ, ਸ਼ਿਵਰੀਤ ਕੌਰ, ਅਰਸ਼ਦੀਪ ਸਿੰਘ ਅਤੇ ਉੱਜਲਪ੍ਰੀਤ ਕੌਰ ਢੱਟ ਨੁੰ ਦਿੱਤਾ ਗਿਆ।
ਇਹ ਵੀ ਪੜ੍ਹੋ ਅਬੋਹਰ ‘ਚ ਨਾਮੀ ਟੇਲਰ ਸ਼ੋਅਰੂਮ ਦੇ ਮਾਲਕ ਸੰਜੇ ਵਰਮਾ ਦਾ ਦਿਨ-ਦਿਹਾੜੇ ਗੋ+ਲੀ+ਆਂ ਮਾਰ ਕੇ ਕ+ਤ+ਲ
ਡਾ. ਸੁਖਦਿਆਲ ਨਿਝਾਵਨ ਮੈਡਲ ਕੁਮਾਰੀ ਜਗਮਨਦੀਪ ਕੌਰ ਅਤੇ ਸ਼੍ਰੀ ਮੋਹਕਮ ਸਿੰਘ ਦੇ ਨਾਲ ਕੁਮਾਰੀ ਪੱਲਵੀ ਨੂੰ ਦਿੱਤੇ ਗਏ।ਸ਼੍ਰੀ ਅਤਿੰਦਰ ਸਿੰਘ, ਕੁਮਾਰੀ ਸ਼ਿਵਰੀਤ ਕੌਰ, ਸ਼੍ਰੀ ਮਹਿਤਾਬ ਸਿੰਘ ਅਤੇ ਕੁਮਾਰੀ ਸੋਨਮ ਨੂੰ ਡਾ. ਰਾਮਧਨ ਸਿੰਘ ਮੈਡਲ ਪ੍ਰਦਾਨ ਕੀਤੇ ਗਏ ਜਦਕਿ ਸ਼੍ਰੀ ਸਾਹਿਲ ਕੁਮਾਰ, ਸ਼੍ਰੀ ਗੁਰਪਿੰਦਰ ਸਿੰਘ, ਕੁਮਾਰੀ ਲਵਜੋਤ ਕੌਰ ਅਤੇ ਰਿਆ ਮਹਾਜਨ ਨੂੰ ਐੱਸ ਐੱਸ ਲਾਭ ਸਿੰਘ ਮੈਡਲ ਨਾਲ ਨਿਵਾਜ਼ਿਆ ਗਿਆ। ਇਸ ਵਾਰ ਡਾ. ਜਗਦੀਸ਼ ਚੰਦ ਮੈਡਲ ਕੁਮਾਰੀ ਸਿਮਰਨਜੀਤ ਕੌਰ ਗਿੱਲ, ਸ਼੍ਰੀ ਗੁਰਸ਼ਮਿੰਦਰ ਸਿੰਘ, ਕੁਮਾਰੀ ਹਰਲਿਵਲੀਨ ਕੌਰ ਅਤੇ ਸ਼੍ਰੀ ਰਾਜਨਦੀਪ ਸਿੰਘ ਨੂੰ ਮਿਲੇ। ਯੂ ਪੀ ਐੱਲ ਫਸਲ ਸੁਰੱਖਿਆ ਮੈਡਲ ਸ਼੍ਰੀ ਗੁਰਬੀਰ ਸਿੰਘ ਅਤੇ ਕੁਮਾਰੀ ਕਸ਼ਿਸ਼ ਵਰਮਾ ਨੂੰ ਦਿੱਤੇ ਗਏ। ਡਾ. ਮੋਧ ਸਿੰਘ ਮੈਡਲ ਕੁਮਾਰੀ ਸੰਦੀਪ ਕੌਰ, ਕੁਮਾਰੀ ਪ੍ਰਿਅਮ ਕਥੂਰੀਆ ਅਤੇ ਕੁਮਾਰੀ ਵੰਸ਼ਿਕਾ ਜਿੰਦਲ ਨੂੰ ਮਿਲੇ। ਡਾ. ਜੇ ਐੱਸ ਪਰੂਥੀ ਪਲੇਕ ਪੁਰਸਕਾਰ ਸ਼੍ਰੀ ਚਿਰਾਗ ਗੁਪਤਾ, ਕੁਮਾਰੀ ਸਿਮਰਨ ਕੌਰ ਅਤੇ ਕੁਮਾਰੀ ਉੱਜਲ ਪ੍ਰੀਤ ਕੌਰ ਢੱਟ ਨੂੰ ਦਿੱਤੇ ਗਏ। ਡਾ. ਜੀਵਨ ਸਿੰਘ ਸਿੱਧੂ ਮੈਡਲ ਲਈ ਕੁਮਾਰੀ ਗੁਰਸਿਮਰਨ ਕੌਰ, ਕੁਮਾਰੀ ਸ਼ੁਭਲੀਨ ਕੌਰ, ਸ਼੍ਰੀ ਹਰਜੋਤ ਸਿੰਘ ਅਤੇ ਕੁਮਾਰੀ ਸ਼ੁਭਾਸ਼ਵੀ ਮਹੇਸ਼ਵਰੀ ਦੀ ਚੋਣ ਹੋਈ। ਇਸ ਤੋਂ ਇਲਾਵਾ ਵਿਦਿਆਰਥੀਆਂ ਨੂੰ ਮੈਰਿਟ ਸਰਟੀਫਿਕੇਟ ਵੀ ਪ੍ਰਦਾਨ ਕੀਤੇ ਗਏ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
