Talwandi Sabo News: ਗੁਰੂ ਕਾਸ਼ੀ ਯੂਨੀਵਰਸਿਟੀ ਵੱਲੋਂ ਇੱਕ ਹੋਰ ਅਕਾਦਮਿਕ ਉਪਲਬਧੀ ਹਾਸਿਲ ਕਰਦਿਆਂ ਸ. ਗੁਰਲਾਭ ਸਿੰਘ ਸਿੱਧੂ ਚਾਂਸਲਰ ਵੱਲੋਂ ਡਾ. ਪੀਯੂਸ਼ ਵਰਮਾ ਰਜਿਸਟਰਾਰ ਦੀ ਕਿਤਾਬ “ਸਸਟੇਨਬਲ ਐਨਰਜ਼ੀ ਐਂਡ ਫਿਉਲਜ- ਮੈਟੀਰਿਅਲ, ਪ੍ਰੋਸੈਸਿੰਗ, ਮੈਥਡਜ਼ ਐਂਡ ਡਿਵਲਪਮੈਂਟ” ਰਿਲੀਜ਼ ਕੀਤੀ ਗਈ। ਇਸ ਮੌਕੇ ਸ. ਸੁਖਰਾਜ ਸਿੰਘ ਸਿਧੂ, ਮੈਨੇਜ਼ਿੰਗ ਡਾਇਰੈਕਟਰ, ਪ੍ਰੋ.(ਡਾ.) ਰਾਮੇਸ਼ਵਰ ਸਿੰਘ ਵਾਈਸ ਚਾਂਸਲਰ, ਡਾ. ਯੋਗੇਸ਼ ਸ਼ਰਮਾ ਉਘੇ ਸਿੱਖਿਆ ਸ਼ਾਸਤਰੀ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ। ਇਹ ਕਿਤਾਬ ਨਵੀਆਂ ਖੋਜ਼ਾਂ, ਨਵੀਨਤਮ ਵਿਕਾਸ ਰਾਹੀਂ ਟਿਕਾਉ ਊਰਜਾ ਅਤੇ ਉਤਪਾਦਨ ਤੇ ਆਧਾਰਿਤ ਅੰਤਰ-ਰਾਸ਼ਟਰੀ ਲੇਖਕਾਂ ਵੱਲੋਂ ਸੰਪਾਦਿਤ ਹੈ ਜੋ ਪ੍ਰਸਿੱਧ ਟੇਲਰ ਐਂਡ ਫਰਾਂਸਿਸ ਗਰੁੱਪ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ
ਇਸ ਮੌਕੇ ਚਾਂਸਲਰ ਸਿੱਧੂ ਨੇ ਕਿਹਾ ਕਿ ਇਹ ਕਿਤਾਬ ਦੁਨੀਆ ਨੂੰ ਦਰਪੇਸ਼ ਆ ਰਹੀਆਂ ਊਰਜਾ ਸੰਬੰਧੀ ਚੁਣੌਤੀਆਂ ਤੇ ਉਨ੍ਹਾਂ ਦੇ ਸਮਾਧਾਨ ਬਾਰੇ ਰਸਤਾ ਦਿਖਾਉਂਦੀ ਹੈ। ਹੱਥਲੀ ਕਿਤਾਬ ਵਿਦਵਾਨਾਂ, ਨੀਤੀ ਨਿਰਧਾਰਕਾਂ, ਨੀਤੀ ਘਾੜਿਆਂ ਤੇ ਊਰਜਾ ਦੇ ਖੇਤਰ ਵਿੱਚ ਕੰਮ ਕਰ ਰਹੇ ਖੋਜਾਰਥੀਆਂ ਲਈ ਲਾਭਕਾਰੀ ਸਾਬਿਤ ਹੋਵੇਗੀ। ਵਾਈਸ ਚਾਂਸਲਰ ਡਾ. ਸਿੰਘ ਨੇ ਸੰਪਾਦਕਾਂ ਦੇ ਕੰਮ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਇਸ ਉਪਰਾਲੇ ਨੇ ਯੂਨੀਵਰਸਿਟੀ ਦੀ ਅਕਾਦਮਿਕ ਪਹੁੰਚ ਨੂੰ ਹੋਰ ਮਜ਼ਬੂਤ ਕੀਤਾ ਹੈ ਜੋ ਨਵੇਂ ਲੇਖਕਾਂ ਲਈ ਪ੍ਰੇਰਨਾਦਾਇਕ ਸਰੋਤ ਹੈ। ਡਾ. ਸ਼ਰਮਾ ਨੇ ਕਿਤਾਬ ਦੀ ਇੰਟਰ ਡਿਸਪਲਿਨਰੀ ਅਤੇ ਵਿਵਹਾਰਿਕ ਮਹੱਤਤਾ ਦੀ ਪ੍ਰਸ਼ੰਸਾ ਕੀਤੀ।
ਇਹ ਵੀ ਪੜ੍ਹੋ Bathinda News; ਬਠਿੰਡਾ ਦੇ ਪਾਣੀ ਨਾਲ ਭਰੇ ਹੋਏ ਅੰਡਰ ਬ੍ਰਿਜ ਵਿਚੋਂ ਲਾ+ਸ਼ ਬਰਾਮਦ, ਪੁਲਿਸ ਵੱਲੋਂ ਜਾਂਚ ਜਾਰੀ
ਸੰਪਾਦਕ ਡਾ. ਵਰਮਾ ਨੇ ਦੱਸਿਆ ਕਿ ਕਿਤਾਬ ਵਿੱਚ ਸੂਰਜੀ ਊਰਜਾ ਦਾ ਸਦਉਪਯੋਗ, ਊਰਜਾ ਪ੍ਰਬੰਧਨ, ਰਣਨੀਤੀਆਂ, ਐਡਵਾਂਸ ਮਟੀਰੀਅਲ, ਕੈਟਲੈਟਿਕ ਪ੍ਰਕਿਰਿਆਵਾਂ ਅਤੇ ਟਿਕਾਊ ਊਰਜਾ ਦੇ ਮੁਲਾਂਕਣ ਵਰਗੇ ਅਹਿਮ ਵਿਸ਼ਿਆਂ ‘ਤੇ ਚਰਚਾ ਕੀਤੀ ਗਈ ਹੈ। ਸੰਪਾਦਕਾਂ ਅਨੁਸਾਰ ਇਹ ਕਿਤਾਬ ਥਿਉਰੀ ਤੇ ਪ੍ਰੈਕਟੀਕਲ ਐਪਲੀਕੇਸ਼ਨ ਵਿਚਕਾਰ ਪੁੱਲ ਦਾ ਕੰਮ ਕਰਦੀ ਹੈ ਤੇ ਨਵੀਨੀਕਰਨ ਊਰਜਾ ਪ੍ਰਣਾਲੀਆਂ ਦੀ ਨਕਸ਼ਾਬੰਦੀ, ਕਾਰਗੁਜ਼ਾਰੀ ਮੂਲਾਂਕਣ ਅਤੇ ਵਿਉਂਤਾ ਦਾ ਵਿਸ਼ਲੇਸ਼ਣ ਕਰਦੀ ਹੈ। ਉਨ੍ਹਾਂ ਵਰਸਿਟੀ ਪ੍ਰਬੰਧਕਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਇਹ ਸਮਾਰੋਹ ਵਰਸਿਟੀ ਦੀ ਅਕਾਦਮਿਕ ਉਤਕ੍ਰਿਸ਼ਟਤਾ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
