Bathinda News: 27-28 ਜੁਲਾਈ ਦੀ ਅੱਧੀ ਰਾਤ ਨੁੰ ਬਠਿੰਡਾ ਦੇ ਕਸਬਾ ਮੋੜ ਮੰਡੀ ਦੇ ਬੱਸ ਅੱਡੇ ਵਿਚੋਂ ਪੀਆਰਟੀਸੀ ਦੇ ਬਠਿੰਡਾ ਡਿੱਪੂ ਦੀ ਸਰਕਾਰੀ ਬੱਸ ਨੂੰ ਚੋਰੀ ਕਰਨ ਵਾਲੇ ਮੁਲਜਮ ਨੂੰ ਮੋੜ ਪੁਲਿਸ ਨੇ ਕਾਬੂ ਕਰ ਲਿਆ ਹੈ। ਮੁਲਜਮ ਦੀ ਪਹਿਚਾਣ ਅਮਨਿੰਦਰ ਸਿੰਘ ਉਰਫ਼ ਲੰਬੂ ਵਾਸੀ ਮੋੜ ਮੰਡੀ ਦੇ ਤੌਰ ‘ਤੇ ਹੋਈ ਹੈ। ਪੁਲਿਸ ਨੇ ਮੁਲਜਮ ਦੇ ਕੋਲੋਂ ਡੁਪਲੀਕੇਟ ਚਾਬੀਆਂ ਤੇ ਹੋਰ ਔਜ਼ਾਰ ਵੀ ਬਰਾਮਦ ਕਰਵਾਏ ਹਨ, ਜਿਹੜੇ ਚੋਰੀ ਕਰਨ ਦੀ ਵਰਤੋਂ ਵਿਚ ਆਉਂਦੇ ਸਨ। ਮੁਢਲੀ ਪੁਛਗਿਛ ਤੋਂ ਇਹ ਵੀ ਪਤਾ ਚੱਲਿਆ ਕਿ ਮੁਲਜਮ ਕੁੱਝ ਸਮਾਂ ਪਹਿਲਾਂ ਮੋੜ ਮੰਡੀ ਦੀ ਟਰੱਕ ਯੂਨੀਅਨ ਕੋਲੋਂ ਇੱਕ ਟਰੱਕ ਵੀ ਚੋਰੀ ਕਰ ਚੁੱਕਿਆ ਹੈ। ਦਸਿਆ ਜਾ ਰਿਹਾ ਕਿ ਲੰਬੂ ਕੁੱਝ ਸਮਾਂ ਵੱਖ ਵੱਖ ਟਰੱਕਾਂ ਵਾਲਿਆਂ ਨਾਲ ਹੈਲਪਰ ਦੇ ਤੌਰ ‘ਤੇ ਕੰਮ ਕਰ ਚੁੱਕਿਆ ਹੈ, ਜਿਸ ਕਾਰਨ ਉਸਨੂੰ ਬੱਸ ਟਰੱਕ ਆਦਿ ਚਲਾਉਣਾ ਆਉਂਦਾ ਹੈ।
ਇਹ ਵੀ ਪੜ੍ਹੋ ਮੀਤ ਹੇਅਰ ਨੇ ਸੰਸਦ ਚ ਆਪ੍ਰੇਸ਼ਨ ਸੰਧੂਰ ਉੱਤੇ ਬਹਿਸ ਦੌਰਾਨ ਫੇਲ੍ਹ ਵਿਦੇਸ਼ ਨੀਤੀ ਦਾ ਮੁੱਦਾ ਚੁੱਕਿਆ
ਮੁਲਜਮ ਨੇ ਇਹ ਵੀ ਮੰਨਿਆ ਹੈ ਕਿ ਚੋਰੀ ਕੀਤੀ ਬੱਸ ਉਸਨੇ ਅੱਗੇ ਵੇਚ ਦੇਣੀ ਸੀ। ਬਠਿੰਡਾ ਦੇ ਐਸਪੀ ਜਸਮੀਤ ਸਿੰਘ ਨੇ ਮੋੜ ਮੰਡੀ ਪੁਲਿਸ ਵੱਲੋਂ ਮੁਲਜਮ ਨੂੰ ਕਾਬੂ ਕਰਨ ਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ਉਸਨੁੰ ਅੱਜ ਅਦਾਲਤ ਵਿਚ ਪੇਸ਼ ਕਰਕੇ ਹੋਰ ਡੂੰਘਾਈ ਨਾਲ ਪੁਛਗਿਛ ਕੀਤੀ ਜਾਵੇਗੀ। ਜਿਕਰਯੋਗ ਹੈ ਕਿ ਬੱਸ ਅੱਡੇ ਵਿਚੋਂ ਸਰਕਾਰੀ ਬੱਸ ਚੋਰੀ ਹੋਣ ਦੀ ਖਬਰ ਕਾਫ਼ੀ ਅਚੰਭੇ ਵਾਲੀ ਸੀ। ਜਿਸਦੇ ਚੱਲਦੇ ਪੁਲਿਸ ਦੇ ਨਾਲ ਪੀਆਰਟੀਸੀ ਦੇ ਅਧਿਕਾਰੀਆਂ ਨੂੰ ਵੀ ਹੱਥਾਂ ਪੈਰਾਂ ਦੀ ਪੈ ਗਈ ਸੀ। ਦਸਣਾ ਬਣਦਾ ਹੈ ਕਿ ਚੋਰੀ ਹੋਈ ਇਹ ਬੱਸ (ਨੰਬਰ ਪੀਬੀ 03 ਬੀਐਚ-6872) ਮੋੜ ਮੰਡੀ ਦੇ ਬੱਸ ਅੱਡੇ ਤੋਂ ਕੁੱਝ ਕਿਲੋਮੀਟਰ ਦੂਰ ਹੀ ਬਰਮਦ ਹੋ ਗਈ ਸੀ, ਕਿਉਂਕਿ ਬੱਸ ਚਿੱਕੜ ਵਿਚ ਫ਼ਸ ਗਈ ਤੇ ਮੁਲਜਮ ਉਸਨੂੰ ਕੱਢ ਨਾ ਸਕਿਆ, ਜਿਸਦੇ ਚੱਲਦੇ ਉਥੇ ਹੀ ਛੱਡ ਕੇ ਭੱਜ ਗਿਆ। ਇਸ ਬੱਸ ਨੇ ਮੋੜ ਤੋਂ ਮਾਨਸਾ ਲਈ ਪਹਿਲਾ ਟਾਈਮ ਚੁੱਕਣਾ ਹੁੰਦਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
