Bathinda News:ਬਠਿੰਡਾ ਇਲਾਕੇ ਦੇ ਨਾਮਵਰ ਸਿਲਵਰ ਓਕਸ ਗਰੁੱਪ ਵੱਲੋਂ ਹੁਣ ਸਿਲਵਰ ਓਕਸ ਸਪੋਰਟਸ ਅਕੈਡਮੀ (SOSA) ਦਾ ਵਿਧੀਵਤ ਉਦਘਾਟਨ ਅਤੇ ਵੇਬਸਾਈਟ ਦੀ ਸ਼ੁਰੂਆਤ ਸਿਲਵਰ ਓਕਸ ਸਕੂਲ ਬੀਬੀਵਾਲਾ ਰੋਡ ਬਠਿੰਡਾ ਵਿਖੇ ਸਕੂਲ ਕਮੇਟੀ ਦੇ ਚੇਅਰਮੈਨ ਇੰਦਰਜੀਤ ਸਿੰਘ ਬਰਾੜ ਵੱਲੋਂ ਕੀਤੀ ਗਈ ਹੈ।ਇਸ ਸਮਾਗਮ ਵਿੱਚ ਸ਼੍ਰੀਮਤੀ ਮਾਲਵਿੰਦਰ ਕੌਰ ਸਿੱਧੂ ਡਾਇਰੈਕਟਰ ਸਿਲਵਰ ਓਕਸ ਸਕੂਲ ਬੀਬੀ ਵਾਲਾ ਰੋਡ, ਸ਼੍ਰੀਮਤੀ ਬਰਨਿੰਦਰ ਪਾਲ ਸੇਖੋਂ ਡਾਇਰੈਕਟਰ ਗਿਆਨਮੰਥਨ, ਨਵਦੀਪ ਸਿੰਘ ਡਾਇਰੈਕਟਰ ਸਿਲਵਰ ਓਕਸ ਸਪੋਰਟਸ ਅਕੈਡਮੀ ਅਤੇ ਸ਼੍ਰੀਮਤੀ ਨੀਲਮ ਵਰਮਾ ਪ੍ਰਿੰਸੀਪਲ ਸ਼ਾਮਿਲ ਸਨ।
ਇਹ ਵੀ ਪੜ੍ਹੋ Bathinda News; ਸਰੂਪ ਸਿੰਗਲਾ ਦੀ ਅਗਵਾਈ ਹੇਠ ਭਾਰਤੀ ਜਨਤਾ ਪਾਰਟੀ ਨੂੰ ਬਠਿੰਡਾ ‘ਚ ਮਿਲੀ ਮਜ਼ਬੂਤੀ
ਇਸ ਮੌਕੇ ਚੇਅਰਮੈਨ ਸ: ਬਰਾੜ ਨੇ ਦਸਿਆ ਕਿ ਸਿਲਵਰ ਓਕਸ ਸਪੋਰਟਸ ਅਕੈਡਮੀ ਇੱਕ ਦੂਰਅੰਦੇਸ਼ੀ ਭਰਿਆ ਪ੍ਰੋਜੈਕਟ ਹੈ, ਜਿਸਦਾ ਮੁੱਖ ਮਕਸਦ ਵਿਦਿਆਰਥੀਆਂ ਨੂੰ ਤੰਦਰੁਸਤ ਸਰੀਰ ਅਤੇ ਮਨ ਦੇ ਨਾਲ ਅਸਲ ਖਿਡਾਰੀ ਬਣਾਉਣਾ ਹੈ। ਇਸ ਅਕੈਡਮੀ ਵਿੱਚ ਵਿਦਿਆਰਥੀਆਂ ਨੂੰ ਨਿਰਦੇਸ਼ਿਤ ਖੇਡ ਟ੍ਰੇਨਿੰਗ, ਸਿਹਤ ਤੇ ਵੈਲਨੈੱਸ ਲੈਕਚਰ, ਆਫ਼ਤ ਪ੍ਰਬੰਧਨ ਬਾਰੇ ਜਾਗਰੂਕਤਾ ਅਤੇ ਲੀਡਰਸ਼ਿਪ-ਬਿਲਡਿੰਗ ਗਤੀਵਿਧੀਆਂ ਦੀ ਸਿਖਲਾਈ ਦਿੱਤੀ ਜਾਵੇਗੀ। SOSA ਵਿੱਚ ਹਰ ਖੇਡ ਵਿਭਾਗ ਲਈ ਪੂਰੀਆਂ ਸੁਵਿਧਾਵਾਂ ਉਪਲਬਧ ਹਨ, ਜਿਵੇਂ ਕਿ ਪ੍ਰੋਫੈਸ਼ਨਲ ਬਾਸਕਟਬਾਲ ਤੇ ਬੈਡਮਿੰਟਨ ਕੋਰਟ, ਐਥਲੈਟਿਕ ਟਰੈਕ ਅਤੇ ਫੀਲਡ, ਸ਼ੂਟਿੰਗ ਰੇਂਜ, ਘੁੜਸਵਾਰੀ ਲਈ ਅਖਾੜਾ, ਮਾਰਸ਼ਲ ਆਰਟਸ ਅਤੇ ਜਿਮਨਾਸਟਿਕ ਹਾਲ, ਸਕੇਟਿੰਗ ਅਤੇ ਪਿਕਲ ਬਾਲ ਖੇਡਣ ਲਈ ਖੇਤਰ ਅਤੇ ਯੋਗਾ ਤੇ ਫਿਟਨੈੱਸ ਜ਼ੋਨ।
ਇਹ ਵੀ ਪੜ੍ਹੋ Bathinda police ਦੀ ਵੱਡੀ ਕਾਮਯਾਬੀ; ਪ੍ਰਸਿੱਧ ਸਕੂਲ ਦੀ ਮਾਲਕਣ ਦੇ ਘਰੋਂ ਸੋਨਾ ਤੇ ਚਾਂਦੀ ਦੇ ਗਹਿਣੇ ਚੋਰੀ ਕਰਨ ਵਾਲਾ ਕਾਬੂ
ਇਹ ਸੁਵਿਧਾਵਾਂ ਵਿਦਿਆਰਥੀਆਂ ਨੂੰ ਸਿਖਿਅਕ ਕੋਚਾਂ ਦੀ ਮਦਦ ਨਾਲ ਵਿਧੀਵਤ ਅਤੇ ਵਿਸਤ੍ਰਿਤ ਖੇਡ ਪਾਠਕ੍ਰਮ ਦੇ ਅਧੀਨ, ਪ੍ਰੋਫੈਸ਼ਨਲ ਟ੍ਰੇਨਿੰਗ ਦੇਣਗੀਆਂ, ਜੋ ਉਨ੍ਹਾਂ ਨੂੰ ਉੱਚ ਪੱਧਰ ਦੇ ਮੁਕਾਬਲਿਆਂ ਲਈ ਤਿਆਰ ਕਰਣਗੀਆਂ।ਇੰਦਰਜੀਤ ਸਿੰਘ ਬਰਾੜ ਨੇ ਕਿਹਾ, “ਖੇਡਾਂ ਅਨੁਸ਼ਾਸਨ, ਟੀਮਵਰਕ ਅਤੇ ਸਹਿਨਸ਼ੀਲਤਾ ਪੈਦਾ ਕਰਦੀਆਂ ਹਨ। ਸਾਡੀ ਅਕੈਡਮੀ ਵਿਦਿਆਰਥੀਆਂ ਨੂੰ ਨਾ ਸਿਰਫ ਮੈਦਾਨ ਲਈ, ਸਗੋਂ ਭਵਿੱਖ ਦੇ ਚੁਣੌਤੀਆਂ ਲਈ ਵੀ ਤਿਆਰ ਕਰਨ ਲਈ ਵਿਧੀਵਤ ਟ੍ਰੇਨਿੰਗ ਦੇਣ ਲਈ ਵਚਨਬੱਧ ਹੈ।”ਨਵਦੀਪ ਸਿੰਘ ਨੇ ਕਿਹਾ, “SOSA ਸਿਰਫ ਮਨੋਰੰਜਨ ਲਈ ਖੇਡਾਂ ਦੀ ਗੱਲ ਨਹੀਂ ਕਰਦੀ। ਇਹ ਇੱਕ ਪ੍ਰੋਫੈਸ਼ਨਲ ਸਪੋਰਟਸ ਕਰਿਕੁਲਮ ਹੈ ਜੋ ਜੀਵਨ ਦੇ ਵਿਜੇਤਾ ਬਣਾਉਣ ਵੱਲ ਕੇਂਦਰਤ ਹੈ।”
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
