Firozpuer News: ਬੀਤੀ ਸ਼ਾਮ ਫ਼ਿਰੋਜਪੁਰ ਜ਼ਿਲ੍ਹੇ ਦੇ ਜੀਰਾ ਦੇ ਬਜ਼ਾਰ ਵਿਚ ਤਿੰਨ ਬਦਮਾਸ਼ਾਂ ਵੱਲੋਂ ਸ਼ਰੇਆਮ ਇੱਕ ਸੁਨਿਆਰੇ ਦੀ ਦੁਕਾਨ ਵਿਚ ਦਾਖ਼ਲ ਹੋ ਕੇ ਗੋਲੀਆਂ ਚਲਾਉਣ ਦੀ ਖਬਰ ਮਿਲੀ ਹੈ। ਇਸ ਘਟਨਾ ਦੇ ਵਿਚ ਗੋਲੀ ਲੱਗਣ ਕਾਰਨ ਮੰਜੂ ਜਵੈਲਰਜ਼ ਨੂੰ ਚਲਾਉਣ ਵਾਲਾ ਸੁਨਿਆਰਾ ਰਤਨ ਲਾਲ ਗੰਭੀਰ ਰੂਪ ਵਿਚ ਜਖ਼ਮੀ ਹੋ ਗਿਆ, ਜਿਸਦਾ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ਼ ਵਿਚ ਇਲਾਜ਼ ਚੱਲ ਰਿਹਾ। ਚਰਚਾ ਮੁਤਾਬਕ ਉਕਤ ਦੁਕਾਨਦਾਰ ਨੂੰ ਕੁੱਝ ਸਮੇਂ ਲਈ ਗੈਗਸਟਰਾਂ ਵੱਲੋਂ ਫ਼ਿਰੌਤੀ ਲਈ ਫ਼ੋਨ ਵੀ ਕੀਤੇ ਗਏ ਸਨ ਪ੍ਰੰਤੂ ਉਨ੍ਹਾਂ ਫ਼ਿਰੌਤੀ ਦੇਣ ਤੋਂ ਮਨਾਂ ਕਰ ਦਿੱਤਾ ਸੀ।
ਇਹ ਵੀ ਪੜ੍ਹੋ ਪੰਜਾਬ ਸਰਕਾਰ ਨੇ ਗਾਇਕ ਬੱਬੂ ਮਾਨ ਤੇ ਪੱਤਰਕਾਰ ਜਤਿੰਦਰ ਪੰਨੂ ਸਹਿਤ 13 ਲਈ ਮੰਗੇ ‘ਪਦਮ ਅਵਾਰਡ’
ਕਿਹਾ ਜਾ ਰਿਹਾ ਕਿ ਗੈਗਸਟਰਾਂ ਦੇ ਫ਼ੋਨ ਆਉਣੇ ਲਗਾਤਾਰ ਜਾਰੀ ਸਨ ਪ੍ਰੰਤੂ ਰਤਨ ਲਾਲ ਨੇ ਫ਼ੋਨ ਚੁੱਕਣੇ ਹੀ ਬੰਦ ਕਰ ਦਿੱਤੇ ਸਨ। ਜਿਸਦੇ ਚੱਲਦੇ ਬੀਤੀ ਸ਼ਾਮ ਇੱਕ ਪਲਸਰ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਤਿੰਨ ਨੌਜਵਾਨ ਆਏ, ਜਿਹੜੇ ਦੁਕਾਨ ਵਿਚ ਦਾਖਲ ਹੋ ਗਏ ਤੇ ਸੋਨੇ ਦੀ ਛਾਪ ਦਿਖਾਉਣ ਲਈ ਕਿਹਾ। ਇਸ ਦੌਰਾਨ ਹੀ ਦੋ ਜਣਿਆਂ ਨੇ ਪਿਸਤੌਲ ਕੱਢ ਲਈ ਅਤੇ ਰਤਨ ਲਾਲ ਦੁਕਾਨ ਵਿਚ ਪਏ ਪੈਸੇ ਤੇ ਸੋਨਾ ਦੇਣ ਲਈ ਕਿਹਾ।
ਇਹ ਵੀ ਪੜ੍ਹੋ 79th independence day; CM Bhagwant Mann ਨੇ ਫ਼ਰੀਦਕੋਟ ‘ਚ ਲਹਿਰਾਇਆ ਕੌਮੀ ਤਿਰੰਗਾ
ਕਿਹਾ ਜਾ ਰਿਹਾ ਕਿ ਜਦ ਦੁਕਾਨਦਾਰ ਰਤਨ ਲਾਲ ਵੱਲੋਂ ਅਪਣੀ ਸੁਰੱਖਿਆ ਲਈ ਰੱਖਿਆ ਪਿਸਤੌਲ ਕੱਢਣ ਲਈ ਦਰਾਜ਼ ਖੋਲਣ ਲੱਗਿਆ ਤਾਂ ਬਦਮਾਸ਼ਾਂ ਨੇ ਗੋਲੀ ਚਲਾ ਦਿੱਤੀ, ਜੋ ਉਸਦੇ ਮੂੰਹ ਵਿਚੋਂ ਹੁੰਦੀ ਹੋਈ ਗਲੇ ਰਾਹੀਂ ਨਿਕਲ ਗਈ ਤੇ ਨੌਜਵਾਨ ਫ਼ਰਾਰ ਹੋ ਗਏ। ਘਟਨਾ ਦਾ ਪਤਾ ਲੱਗਦੇ ਹੀ ਐਸਐਚਓ, ਡੀਐਸਪੀ ਗੁਰਦੀਪ ਸਿੰਘ ਤੇ ਐਸਐਸਪੀ ਭੁਪਿੰਦਰ ਸਿੰਘ ਮੌਕੇ ‘ਤੇ ਪੁੱਜੇ ਅਤੇ ਉਨ੍ਹਾਂ ਪ੍ਰਵਾਰ ਤੇ ਦੁਕਾਨਦਾਰਾਂ ਨੂੰ ਭਰੋਸਾ ਦਿਵਾਇਆ ਕਿ ਜਲਦੀ ਹੀ ਮੁਲਜਮਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
