Himachal pardesh news: ਹਿਮਾਚਲ ਪ੍ਰਦੇਸ਼ ਦੇ ਜ਼ਿਲ੍ਹਾ ਸਿਰਮੋਰ ਦੇ ਪਿੰਡ ਆਂਜ-ਭੋਜ ਦੇ ਵਿੱਚ ਬੀਤੇ ਕੱਲ ਹੋਏ ਇੱਕ ਵਿਆਹ ਦੀਆਂ ਭਾਵੁਕ ਕਰਨ ਵਾਲੀਆਂ ਵੀਡੀਓਜ਼ ਸੋਸਲ ਮੀਡੀਆ ‘ਤੇ ਸਾਹਮਣੇ ਆਈਆਂ ਹਨ। ਦਰਅਸਲ,ਇਸ ਪਿੰਡ ਦੇ ਅਸ਼ੀਸ ਕੁਮਾਰ ਭਾਰਤੀ ਫ਼ੌਜ ਦਪ 19 ਗ੍ਰਨੇਡੀਅਰ ਬਟਾਲੀਅਨ ਵਿਚ ਦੇਸ ਦੀ ਸੇਵਾ ਕਰ ਰਿਹਾ ਸੀ। ਇਸ ਦੌਰਾਨ ਸਾਲ 2024 ਵਿਚ ਉਹ ਦੇਸ ਦੀ ਖਾਤਰ ਸ਼ਹੀਦ ਹੋ ਗਿਆ। ਮਾਪਿਆਂ ਦੇ ਇਕਲੌਤੇ ਪੁੱਤ ਦੀ ਮੌਤ ਤੋਂ ਬਾਅਦ ਪ੍ਰਵਾਰ ਕਾਫ਼ੀ ਉਦਾਸ ਸੀ ਤੇ ਹੁਣ ਉਸਦੀ ਛੋਟੀ ਭੈਣ ਅਰਾਧਨਾ ਉਰਫ਼ ਪੂਜਾ ਦਾ ਵਿਆਹ ਸੀ।
ਇਹ ਵੀ ਪੜ੍ਹੋ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਹਰਿਆਣਵਾਸੀਆਂ ਨੂੰ ਦਿੱਤੀ ਵਿਕਾਸਾਤਮਕ ਪਰਿਯੋਜਨਾਵਾਂ ਦੀ ਸੌਗਾਤ
ਭਰਾ ਦੀ ਕਮੀ ਮਹਿਸੂਸ ਨਾਂ ਹੋਵੇ, ਇਸਦੇ ਲਈ ਅਸ਼ੀਸ ਦੇ ਨਾਲ ਉਸਦੀ ਯੂਨਿਟ ਵਿਚ ਤੈਨਾਤ ਦਰਜ਼ਨ ਦੇ ਕਰੀਬ ਫ਼ੌਜੀ ਅਰੁਣਚਲ ਪ੍ਰਦੇਸ਼ ਤੋਂ ਇਸ ਵਿਆਹ ਵਿਚ ਸ਼ਾਮਲ ਹੋਣ ਲਈ ਵਿਸ਼ੇਸ ਤੌਰ ‘ਤੇ ਪੁੱਜੇ। ਵਰਦੀ ਵਿਚ ਸਜ਼ੇ ਇੰਨ੍ਹਾਂ ਫ਼ੌਜੀ ਜਵਾਨਾਂ ਨੇ ਪੂਜਾ ਦੇ ਵਿਆਹ ਦੀ ਸਾਰੀ ਜਿੰਮੇਵਾਰੀ ਚੁੱਕੀ ਤੇ ਭਰਾਵਾਂ ਵਾਲੀ ਭੂਮਿਕਾ ਨਿਭਾਈ।ਉਹ ਨਾਂ ਸਿਰਫ਼ ਪੂਜਾ ਨੂੰ ਵਿਆਹ ਵਾਲੇ ਮੰਡਪ ਵਿਚ ਲੈ ਕੇ ਪੁੱਜੇ, ਬਲਕਿ ਇੰਨ੍ਹਾਂ ਭਰਾਵਾਂ ਨੇ ਉਸਨੂੰ ਸਹੁਰੇ ਘਰ ਵਿਦਾ ਕੀਤਾ। ਇੰਨ੍ਹਾਂ ਫ਼ੌਜੀ ਜਵਾਨਾਂ ਵੱਲੋਂ ਅਸ਼ੀਸ ਦੀ ਭੈਣ ਨੂੰ ਆਪਣੇ ਕੋਲੋਂ ਇਕੱਠਾ ਕਰਕੇ ਤਿੰਨ ਲੱਖ ਦਾ ਸ਼ਗਨ ਵੀ ਦਿੱਤਾ।
ਇਹ ਵੀ ਪੜ੍ਹੋ ਪੰਜਾਬ ਕਾਂਗਰਸ ਨੇ ‘ਵੋਟ ਚੋਰੀ’ ਵਿਰੁੱਧ ਦਸਤਖ਼ਤ ਮੁਹਿੰਮ ਕੀਤੀ ਤੇਜ਼
ਫ਼ੌਜੀ ਜਵਾਨਾਂ ਦੇ ਇਸ ਜਜਬੇ ਤੇ ਦੋਸਤੀ ਵਾਲੀ ਭਾਵਨਾ ਨੂੰ ਦੇਖ ਵਿਆਹ ਵਿਚ ਸ਼ਾਮਲ ਹਰੇਕ ਮਹਿਮਾਨ ਨੂੰ ਨਾਂ ਸਿਰਫ਼ ਭਾਰਤੀ ਫ਼ੌਜ ਦੇ ਮਾਣ ਮਹਿਸੂਸ ਹੋ ਰਿਹਾ ਸੀ, ਬਲਕਿ ਇਹ ਭਾਵੁਕ ਦ੍ਰਿਸ਼ ਦੇਖ ਅੱਖਾਂ ਵੀ ਨਮ ਹੋ ਰਹੀਆਂ ਸਨ। ਹੁਣ ਇਸ ਵਿਆਹ ਵਿਚ ਮਹਿਮਾਨਾਂ ਵੱਲੋਂ ਬਣਾਈਆਂ ਹੋਈਆਂ ਵੀਡੀਓ ਸੋਸਲ ਮੀਡੀਆ ‘ਤੇ ਵਾਈਰਲ ਹੋ ਰਹੀਆਂ ਹਨ, ਜਿੰਨ੍ਹਾਂ ਨੂੰ ਦੇਖ ਕੇ ਆਮ ਲੋਕਾਂ ਵੀ ਭਾਰਤੀ ਫ਼ੌਜ ਦੇ ਇਸ ਜਜਬੇ ਨੂੰ ਸਲੂਟ ਕਰਦੇ ਨਜ਼ਰ ਆਰਹੇ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
