Bathinda News: ਬਠਿੰਡਾ ਦੀ ਸਰਹਿੰਦ ਨਹਿਰ ‘ਚ ਬੀਤੀ ਰਾਤ ਮੁੜ ਇੱਕ ਕਾਰ ਦੇ ਡਿੱਗਣ ਦੀ ਖ਼ਬਰ ਹੈ। ਇਸ ਘਟਨਾ ਵਿਚ ਕਾਰ ‘ਚ ਸਵਾਰ 3 ਜਣਿਆਂ ਵਿਚੋਂ 1 ਦੀ ਨਹਿਰ ਵਿਚ ਡੁੱਬਣ ਕਾਰਨ ਮੌਤ ਹੋ ਗਈ। ਜਦਕਿ ਦੋ ਜਣਿਆਂ ਨੂੰ ਗੋਤਾਖੋਰਾਂ ਦੀ ਮੱਦਦ ਨਾਲ ਪੁਲਿਸ ਪ੍ਰਸ਼ਾਸਨ ਨੇ ਬਚਾ ਲਿਆ। ਮ੍ਰਿਤਕ ਦੀ ਪਹਿਚਾਣ ਆਰਿਫ਼ ਅੰਸਾਰੀ (40 ਸਾਲ) ਵਾਸੀ ਪਰਸਰਾਮ ਨਗਰ ਗਲੀ ਨੰਬਰ 36 ਬਠਿੰਡਾ ਵਜੋਂ ਹੋਈ ਹੈ। ਜਦਕਿ ਉਸਦੇ ਨਾਲ ਕਾਰ ‘ਚ ਸਵਾਰ ਮੁਹੰਮਦ ਅੰਸਾਰੀ ਤੇ ਮੁਖਤਾਰ ਅੰਸਾਰੀ ਜਿੰਦਾ ਬਚ ਗਏ।
ਇਹ ਵੀ ਪੜ੍ਹੋ Bathinda ਦੀ Main Road ਤੋਂ ਪੁਰਾਣੇ ਦਰੱਖਤ ਕੱਟਣ ਦਾ ਮਾਮਲਾ ਭਖਿਆ; ਲੱਗਿਆ ਧਰਨਾ, ਹੋਵੇਗੀ ਸੜਕ ਜਾਮ
ਇਹ ਮੂਲ ਰੂਪ ਵਿਚ ਯੂਪੀ ਦੇ ਰਹਿਣ ਵਾਲੇ ਹਨ। ਜਾਣਕਾਰੀ ਮੁਤਾਬਕ ਇੰਨ੍ਹਾਂ ਵੱਲੋਂ ਬੀਤੇ ਕੱਲ ਹੀ ਸਵਿੱਫ਼ਟ ਡਿਜ਼ਾਇਰ ਕਾਰ ਖਰੀਦੀ ਗਈ ਸੀ ਤੇ ਕਾਰੀਗਰੀ ਦਾ ਕੰਮ ਕਰਦੇ ਇਹ ਤਿੰਨੋਂ ਜਣੇ ਸ਼ਾਮ ਨੂੰ ਕੰਮ ਤੋਂ ਵਿਹਲੇ ਹੋ ਕੇ ਨਵੀਂ ਕਾਰ ਦੇ ਸ਼ੌਕ ‘ਚ ਉਸਨੂੰ ਚਲਾ ਰਹੇ ਸਨ। ਇਸ ਦੌਰਾਨ ਜਦ ਆਰਿਫ਼ ਕਾਰ ਨੂੰ ਚਲਾ ਰਿਹਾ ਸੀ ਤਾਂ ਸਰਹਿੰਦ ਕੈਨਾਲ ਦੇ ਨਾਲ ਬਣੀ ਸੜਕ ਉੱਪਰ ਅਚਾਨਕ ਕਾਰ ਬੇਕਾਬੂ ਹੋ ਕੇ ਨਹਿਰ ਵਿਚ ਡਿੱਗ ਗਈ।ਪੁਲਿਸ ਅਧਿਕਾਰੀਆਂ ਮੁਤਾਬਕ ਲਾਸ਼ ਨੂੰ ਨਹਿਰ ਵਿਚੋਂ ਕੱਢ ਕੇ ਬਠਿੰਡਾ ਦੇ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿਚ ਪਹੁੰਚਾ ਦਿੱਤਾ ਗਿਆ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
