Bathinda News: ਬਠਿੰਡਾ ਸ਼ਹਿਰ ਦੇ ਪ੍ਰਮੁੱਖ ਸੜਕ ਮਾਨਸਾ-ਤਲਵੰਡੀ ਸਾਬੋ ਰੋਡ ਉੱਪਰ ਇੱਕ ਵਪਾਰਕ ਜਗ੍ਹਾਂ ਦੇ ਸਾਹਮਣੇ ਲੱਗੇ ਪੁਰਾਣੇ ਦਰੱਖਤਾਂ ਨੂੰ ਕੱਟਣ ਦਾ ਮਾਮਲਾ ਭਖ ਗਿਆ ਹੈ। ਇਸ ਮੁੱਦੇ ਨੂੰ ਲੈ ਕੇ ਬੀਤੇ ਕੱਲ ਤੋਂ ਅਣਮਿਥੇ ਸਮੇਂ ਲਈ ਸ਼ਹਿਰ ਦੀਆਂ ਸਮਾਜ ਸੇਵ ਸੰਸਥਾਵਾਂ ਵੱਲੋਂ ਧਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਸਦੇ ਨਾਲ ਹੀ ਦਰੱਖਤਾਂ ਦੀ ਨਜਾਇਜ਼ ਕਟਾਈ ਦੇ ਖਿਲਾਫ਼ ਸਵੇਰੇ 10 ਵਜੇਂ ਵੱਡਾ ਇਕੱਠ ਰੱਖਿਆ ਹੈ, ਜਿਸਤੋਂ ਬਾਅਦ ਦੁਪਿਹਰ ਇੱਕ ਵਜੇਂ ਸੜਕ ਜਾਮ ਦਾ ਸੱਦਾ ਦਿੱਤਾ ਗਿਆ। ਪ੍ਰਸ਼ਾਸਨ ਇਸ ਮਹੱਤਵਪੂਰਨ ਮਾਮਲੇ ‘ਤੇ ਹਾਲੇ ਚੂੱਪ ਦਿਖਾਈ ਦੇ ਰਿਹਾ। ਜਦੋਂ ਕਿ ਜੰਗਲਾਤ ਵਿਭਾਗ ਦੀ ਭੂਮਿਕਾ ਸ਼ੱਕੀ ਪਾਈ ਜਾ ਰਹੀ ਹੈ, ਜਿਸਦੇ ਵੱਲੋਂ ਇੰਨ੍ਹਾਂ ਦਰੱਖਤਾਂ ਦੀ ਕਟਾਈ ਲਈ ਲਿਖਤੀ ਮੰਨਜੂਰੀ ਦਿੱਤੀ ਗਈ ਦੱਸੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ Punjab Police ਦਾ DSP ਮੁਅੱਤਲ; DGP ਨੇ ਕੀਤੀ ਵੱਡੀ ਕਾਰਵਾਈ
ਇਸ ਮੁੱਦੇ ਨੂੰ ਲੈ ਕੇ ਸੰਘਰਸ਼ ਦੀ ਅਗਵਾਈ ਕਰ ਰਹੇ ਸਮਾਜ ਸੇਵੀ ਗੁਰਵਿੰਦਰ ਸ਼ਰਮਾ ਨੇ ਪੱਤਰਕਾਰਾਂ ਨੂੰ ਦਸਿਆ ਕਿ ਬੀਤੇ ਕੱਲ ਇਹ ਜਾਣਕਾਰੀ ਮਿਲੀ ਸੀ ਕਿ ਮਾਨਸਾ ਰੋਡ ‘ਤੇ ਡੀ-ਮਾਰਟ ਦੇ ਨਾਲ ਇੱਕ ਨਵੀਂ ਬਣ ਰਹੀ ਕਲੌਨੀ ਤੇ ਵਪਾਰਕ ਸਾਈਟ ਦੇ ਸਾਹਮਣਿਓ ਬਿਨ੍ਹਾਂ ਕਿਸੇ ਕਾਰਨ ਪੁਰਾਣੇ ਹਰੇ-ਭਰੇ ਦਰੱਖਤਾਂ ਨੂੰ ਕੱਟਿਆ ਜਾ ਰਿਹਾ। ਇੰਨ੍ਹਾਂ ਦਰੱਖਤਾਂ ਵਿਚ ਇੱਥੇ ਲੱਗੇ ਹੋਏ 30-30 ਸਾ ਪੁਰਾਣੇ ਨਿੰਮ, ਟਾਹਲੀਆਂ, ਪਿੱਪਲ ਆਦਿ ਸ਼ਾਮਲ ਹਨ। ਸ਼ਰਮਾ ਮੁਤਾਬਕ ਇਸ ਸਮੇਂ ਇੱਥੇ ਨਾਂ ਤਾਂ ਕੋਈ ਸੜਕ ਚੋੜੀ ਹੋ ਰਹੀ ਹੈ ਤੇ ਨਾਂ ਹੀ ਕੋਈ ਪ੍ਰੋਜੈਕਟ ਬਣ ਰਿਹਾ, ਜਿਸਦੇ ਵਿਚ ਇਹ ਦਰੱਖਤ ਅੜਿੱਕਾ ਬਣਦੇ ਹੋਣ।
ਇਹ ਵੀ ਪੜ੍ਹੋ ਮੰਦਭਾਗੀ ਖ਼ਬਰ; ਅਬੋਹਰ ‘ਚ ਧੀ ਨਾਲ ਛੇੜਛਾੜ ਰੋਕਣ ‘ਤੇ ਪਿਉ ਦਾ ਕ+ਤ+ਲ
ਉਸਦੇ ਮੁਤਾਬਕ ਇੰਨ੍ਹਾਂ ਦਰੱਖਤਾਂ ਨੂੰ ਕੱਟ ਰਹੇ ਠੇਕੇਦਾਰ ਨੇ ਜੰਗਲਾਤ ਵਿਭਾਗ ਵੱਲੋਂ ਇੱਥੇ 30 ਦਰੱਖਤਾਂ ਨੂੰ ਕੱਟਣ ਦੀ ਮੰਨਜੂਰੀ ਦਿਖਾਈ ਹੈ। ਸ਼ਰਮਾ ਨੇ ਸਵਾਲ ਖੜ੍ਹੇ ਕਰਦਿਆਂ ਕਿਹਾ ਕਿ ਜਦ ਇੱਥੇ ਕੋਈ ਪ੍ਰੋਜੈਕਟ ਹੀ ਨਹੀਂ ਬਣ ਰਿਹਾ ਤਾਂ ਸਿਰਫ਼ ਇੰਨ੍ਹਾਂ ਦਰੱਖਤਾਂ ਨੂੰ ਕੱਟਣ ਪਿੱਛੇ ਜੰਗਲਾਤ ਵਿਭਾਗ ਦੀ ਕੀ ਮਜਬੂਰ ਹੈ। ਉਨ੍ਹਾਂ ਕਿਹਾ ਕਿ ਜਲਦ ਹੀ ਸ਼ਹਿਰ ਦੀਆਂ ਸਮਾਜ ਸੇਵੀ ਸੰਸਥਾਵਾਂ ਵੱਲੋਂ ਗ੍ਰੀਨ ਟ੍ਰਿਬੂਨਿਲ ਨੂੰ ਸਿਕਾਇਤ ਭੇਜੀ ਜਾ ਰਹੀ ਹੈ ਤੇ ਨਾਲ ਹੀ ਪੰਜਾਬ ਸਰਕਾਰ ਕੋੋਲੋਂ ਉੱਚ ਪੱਧਰੀ ਜਾਂਚ ਦੀ ਮੰਗ ਕੀਤੀ ਜਾਵੇਗੀ। ਉਧਰ, ਸੰਪਰਕ ਕਰਨ ‘ਤੇ ਬਾਵਜੂਦ ਜੰਗਲਾਤ ਵਿਭਾਗ ਦਾ ਕੋਈ ਵੀ ਅਧਿਕਾਰੀ ਇਸ ਮੁੱਦੇ ‘ਤੇ ਬੋਲਣ ਲਈ ਤਿਆਰ ਨਹੀਂ ਹੋਇਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
