Bathinda News: ਬਠਿੰਡਾ ਸ਼ਹਿਰ ਦੇ ਆਈਟੀਆਈ ਕੋਲ ਸਥਿਤ ਅੱਧੀ ਦਰਜ਼ਨ ਇਲਾਕਿਆਂ ਦੇ ਇਕਲੌਤੇ ਪਾਰਕ (ਨੰਬਰ 133) ਦੀ ਹਾਲਾਤ ਸਫ਼ਾਈ ਵਿਵਸਥਾ ਬਿਨ੍ਹਾਂ ਖਰਾਬ ਹੋ ਚੱਲੀ ਹੈ। ਅਕਾਲੀ-ਭਾਜਪਾ ਸਰਕਾਰ ਦੌਰਾਨ ਵੀਰਾਨ ਪਏ ਇਸ ਪਾਰਕ ਦਾ ਮੂੰਹ-ਮੱਥਾ ਸਵਾਰਿਆ ਗਿਆ ਸੀ, ਜਿਸਤੋਂ ਬਾਅਦ ਇੱਥੇ ਸ਼ੈਰ ਕਰਨ ਵਾਲਿਆਂ ਦੀ ਰੌਣਕਾਂ ਲੱਗਣ ਲੱਗੀਆਂ ਸਨ। ਇਸਤੋਂ ਇਲਾਵਾ ਇਸ ਪਾਰਕ ਦੇ ਵਿੱਚ ਆਰ.ਓ, ਡਿਸਪੈਂਸਰੀ ਅਤੇ ਓਪਨ ਜਿੰਮ ਵੀ ਲਗਾਇਆ ਗਿਆ ਸੀ। ਇਸੇ ਤਰ੍ਹਾਂ ਇੱਥੇ ਲਾਈਟਾਂ ਤੇ ਬਹੁਤ ਵੱਡੀ ਗਿਣਤੀ ਦੇ ਵਿੱਚ ਗੁਲਾਬ ਅਤੇ ਚੰਗੇ ਚੰਗੇ ਬੂਟੇ ਲਵਾਏ ਗਏ ਸਨ।
ਇਹ ਵੀ ਪੜ੍ਹੋ ਰਿਹਾਇਸ਼ ਤੋਂ ਪਹਿਲਾਂ ਹੀ ‘ਚੋਰਾਂ’ ਨੇ ਕੀਤਾ ਕੋਠੀ ਦਾ ਮਹੂਰਤ;ਲੱਖਾਂ ਦਾ ਸਮਾਨ ਚੋਰੀ, ਦੋ ਕਾਬੂ
ਜਿਕਰਯੋਗ ਹੈ ਕਿ ਇੰਡਸਟਰੀਅਲ ਇਲਾਕੇ ਵਿਚ ਸਥਿਤ ਸੀਆਈਏ-2 ਦੀ ਇਮਾਰਤ ਅੱਗੇ ਸਥਿਤ ਇਹ ਪਾਰਕ ਹਰਬੰਸ ਨਗਰ, ਭਾਈ ਮਤੀ ਦਾਸ ਨਗਰ, ਨਛੱਤਰ ਨਗਰ ਤੇ ਆਈਟੀਆਈ ਇਲਾਕੇ ਦੇ ਲਈ ਇਕਲੌਤਾ ਪਾਰਕ ਹੈ। ਇਸ ਇਲਾਕੇ ਦੇ ਸਾਬਕਾ ਕੌਂਸਲਰ ਤੇ ਸ੍ਰੋਮਣੀ ਅਕਾਲੀ ਦਲ ਦੇ ਸ਼ਹਿਰੀ ਪ੍ਰਧਾਨ ਰਾਜਵਿੰਦਰ ਸਿੰਘ ਸਿੱਧੂ ਨੇ ਇਸ ਪਾਰਕ ਦੀ ਇੱਕ ਵੀਡੀਓ ਸਾਂਝੀ ਕਰਦਿਆਂ ਦੋਸ਼ ਲਗਾਇਆ ਹੈ ਕਿ ਨਗਰ ਨਿਗਮ ਤੇ ਚੁਣੇ ਹੋਏ ਨੁਮਾਇੰਦਿਆਂ ਦੀ ਲਾਪਰਵਾਹੀ ਕਾਰਨ ਇਸ ਪਾਰਕ ਵਿਚ ਹੁਣ ਥਾਂ ਥਾਂ ਗੰਦਗੀ ਦੇ ਢੇਰ ਹਨ।
ਇਹ ਵੀ ਪੜ੍ਹੋ Bathinda Police ‘ਚ ਵੱਡੀ ਰੱਦੋ-ਬਦਲ; ਸੈਕੜੇ ਮੁਲਾਜਮਾਂ ਦੇ ਕੀਤੇ ਤਬਾਦਲੇ, ਦੇਖੋ ਲਿਸਟ
ਉਨ੍ਹਾਂ ਮੰਗ ਕੀਤੀ ਕਿ ਤੁਰੰਤ ਇਸ ਪਾਰਕ ਵੱਲ ਧਿਆਨ ਦਿੱਤਾ ਜਾਵੇ ਤੇ ਸਫ਼ਾਈ ਵਿਵਸਥਾ ਨੂੰ ਸੁਧਾਰਿਆ ਜਾਵੇ। ਉਧਰ, ਸੰਪਰਕ ਕਰਨ ‘ਤੇ ਇਲਾਕੇ ਦੇ ਕੌਂਸਲਰ ਵਿਵੇਕ ਗਰਮ ਉਰਫ਼ ਵਿੱਕੀ ਨੰਬਰਦਾਰ ਨੇ ਕਿਹਾ ਕਿ ਰੁਟੀਨ ਵਿਚ ਇਸ ਪਾਰਕ ਦੇ ਪੂਰੇ ਇਲਾਕੇ ਦੀ ਸਫ਼ਾਈ ਵਿਵਸਥਾ ਨੂੰ ਵਧੀਆ ਤਰੀਕੇ ਨਾਲ ਕਰਵਾਇਆ ਜਾਂਦਾ ਹੈ ਪ੍ਰੰਤੂ ਜੇਕਰ ਫ਼ਿਰ ਵੀ ਕੋਈ ਕਮੀ-ਪੇਸ਼ੀ ਹੈ ਤਾਂ ਜਲਦੀ ਹੀ ਇਸਨੂੰ ਦੂਰ ਕਰਵਾ ਦਿੱਤਾ ਜਾਵੇਗਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
