Moga News: ਮੋਗਾ ਸ਼ਹਿਰ ਦੀ ਕਰਤਾਰ ਕਲੌਨੀ ਵਿਚ ਇੱਕ ਪ੍ਰਵਾਰ ਵੱਲੋਂ ਚਾਵਾਂ ਨਾਲ ਖ਼ਰੀਦੀ ਗਈ ਕੋਠੀ ਵਿਚ ਰਿਹਾਇਸ਼ ਕਰਨ ਤੋਂ ਪਹਿਲਾਂ ਚੋਰਾਂ ਵੱਲੋਂ ਚੋਰੀ ਦੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਦੀ ਸੂਚਨਾ ਮਿਲੀ ਹੈ। ਇਸ ਸਬੰਧ ਵਿਚ ਥਾਣਾ ਸਿਟੀ ਸਾਊਥ ਮੋਗਾ ਦੀ ਪੁਲਿਸ ਨੇ ਸੰਜੀਵ ਕੁਮਾਰ ਦੀ ਸਿਕਾਇਤ ਉੱਪਰ ਦੋ ਮੁਲਜ਼ਮਾਂ ਵਿਰੁਧ ਪਰਚਾ ਦਰਜ਼ ਕਰਕੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਮੁਲਜਮਾਂ ਦੀ ਪਹਿਚਾਣ ਬੱਬੂ ਵਾਸੀ ਲਾਲ ਸਿੰਘ ਰੋਡ ਅਤੇ ਕੁਲਦੀਪ ਸਿੰਘ ਉਰਫ ਕੀਪਾ ਵਾਸੀ ਬੇਦੀ ਨਗਰ, ਮੋਗਾ ਵਜੋਂ ਹੋਈ ਹੈ। ਮੁਦਈ ਵੱਲੋਂ ਪੁਲਿਸ ਕੋਲ ਦਰਜ਼ ਕਰਵਾਈ ਸਿਕਾਇਤ ਵਿਚ ਦਸਿਆ ਸੀ ਕਿ ਕਰਤਾਰ ਕਲੋਨੀ ਮੋਗਾ ਵਿਖੇ ਉਸਨੇ ਆਪਣੀ ਭੈਣ ਤ੍ਰਿਪਤਾ ਪ੍ਰਮਾਰ ਪਤਨੀ ਅਤੁਲ ਪ੍ਰਮਾਰ ਵਾਸੀ ਅਪੈਕਸ ਕਲੋਨੀ ਮੋਗਾ ਲਈ ਇਕ ਕੋਠੀ ਖਰੀਦੀ ਸੀ। ਇਸ ਕੋਠੀ ਵਿਚ ਹਾਲੇ ਰਿਹਾਇਸ਼ ਕਰਨੀ ਬਾਕੀ ਸੀ ਤੇ ਤਿਆਰ ਕਰਵਾਈ ਜਾ ਚੁੱਕੀ ਸੀ।
ਇਹ ਵੀ ਪੜ੍ਹੋ Bathinda Police ‘ਚ ਵੱਡੀ ਰੱਦੋ-ਬਦਲ; ਸੈਕੜੇ ਮੁਲਾਜਮਾਂ ਦੇ ਕੀਤੇ ਤਬਾਦਲੇ, ਦੇਖੋ ਲਿਸਟ
ਇਸ ਦੌਰਾਨ 10-03-2026 ਨੂੰ ਜਦ ਉਹ ਕੋਠੀ ਅੰਦਰ ਗੇੜਾ ਮਾਰਨ ਲਈ ਗਿਆ ਤਾਂ ਉਸਨੇ ਦੇਖਿਆ ਕਿ ਕੋਠੀ ਦਾ ਅੰਦਰ ਦਾ ਲੋਕ ਟੁੱਟਿਆ ਹੋਇਆ ਸੀ, ਦਰਵਾਜਾ ਆਰੀ ਨਾਲ ਵੱਢਿਆ ਹੋਇਆ ਸੀ ਅਤੇ ਘਰ ਵਿਚੋ ਬਿਜਲੀ ਦੇ ਸਵਿੱਚ, ਤਾਰਾਂ, ਛੱਤ ਵਾਲੇ ਪੱਖੇ, ਟੂਟੀਆਂ, ਟੁੱਲੂ ਪੰਪ ਚੋਰੀ ਹੋ ਚੁੱਕੇ ਸਨ। ਮੁਦਈ ਵੱਲੋਂ ਆਪਣੇ ਤੌਰ ਤੇ ਪੜਤਾਲ ਕਰਨ ਤੇ ਪਤਾ ਲੱਗਾ ਕਿ ਕਥਿਤ ਦੋਸ਼ੀ ਬੱਬੂ ਅਤੇ ਕੁਲਦੀਪ ਸਿੰਘ ਨੇ ਮੁਦਈ ਦੀ ਭੈਣ ਦੇ ਘਰ ਵਿੱਚੋਂ ਚੋਰੀ ਕੀਤੀ ਹੈ।ਚੋਰੀ ਹੋਏ ਕੁੱਲ ਮਾਲ ਦੀ ਕੀਮਤ 2 ਲੱਖ ਰੁਪਏ ਦੱਸੀ ਜਾ ਰਹੀ ਹੈ। ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਮੁਲਜਮਾਂ ਕੋਲੋਂ ਇੱਕ ਐਕਟਿਵਾ ਸਕੂਟਰੀ ਰੰਗ ਚਿੱਟਾ ਬਿਨਾ ਨੰਬਰੀ ਬਰਾਮਦ ਹੋਈ ਹੈ ਤੇ ਹੋਰ ਪੁਛਗਿਛ ਕੀਤੀ ਜਾ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
