ਗੁਰੂਹਰਸਹਾਏ, 8 ਮਈ: ਗੁਰੂ ਹਰਸਹਾਏ ਤੋ ਇਕ ਮੰਦਭਾਗੀ ਖਬਰ ਸਾਹਮਣੇ ਆਈ ਹੈ। ਜਿੱਥੇ ਇਕ ਦੱਸ ਸਾਲਾਂ ਬੱਚੇ ਵੱਲੋਂ ਫਾਹਾ ਲਾ ਕੇ ਖੁਦਕੁਸ਼ੀ ਕਰ ਲਈ ਗਈ ਹੈ। ਪਤਾ ਚੱਲਿਆ ਹੈ ਕਿ ਨਜ਼ਦੀਕੀ ਪਿੰਡ ਵਿਰਕ ਖੁਰਦ ਕਰਕਾਈ ਵਿਚ ਬੀਤੇ ਐਤਵਾਰ ਨੂੰ ਪਿੰਡ ਦੇ ਲੋਕਾਂ ਨੂੰ ਇੱਕ ਬੱਚੇ ਦੀ ਲਾਸ਼ ਲਟਕਦੀ ਮਿਲੀ ਸੀ। ਪਿੰਡ ਵਾਲਿਆਂ ਮੁਤਾਬਕ ਇਹ ਲਾਸ਼ ਵਾਟਰ ਵਰਕਸ ਦੀ ਇਮਾਰਤ ਦੀ ਪਾਈਪ ‘ਤੇ ਲਟਕੀ ਹੋਈ ਮਿਲੀ ਸੀ।
ਡਾ.ਬਲਬੀਰ ਸਿੰਘ ਤੇ ਮੀਤ ਹੇਅਰ ਦੇ ਹੱਕ ‘ਚ ਲੋਕਾਂ ਨੂੰ ਸੰਬੋਧਨ ਕਰਨਗੇ CM ਮਾਨ
ਜਦੋਂ ਪਿੰਡ ਵਾਸੀਆਂ ਵੱਲੋਂ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ ਤਾਂ ਮੌਕੇ ‘ਤੇ ਪਹੁੰਚੀ ਪੁਲਿਸ ਨੂੰ ਜਾਂਚ ਦੌਰਾਨ ਇਹ ਗੱਲ ਸਾਹਮਣੇ ਆਈ ਕਿ ਚੌਥੀ ਜਮਾਤ ਵਿੱਚ ਪੜ੍ਹਦੇ ਇਸ ਦਸ ਸਾਲਾਂ ਬੱਚੇ ਦੇ ਹੱਥੋਂ ਡਿੱਗ ਕੇ ਮੋਬਾਈਲ ਫੋਨ ਟੁੱਟ ਗਿਆ ਸੀ। ਬੱਚੇ ਨੂੰ ਡਰ ਸੀ ਕਿ ਮੋਬਾਈਲ ਫੋਨ ਟੁੱਟਣ ਕਰਕੇ ਉਸਨੂੰ ਘਰਦਿਆਂ ਤੋਂ ਡਾਂਟ ਪਵੇਗੀ। ਜਿਸਦੇ ਚਲਦੇ ਉਸਨੇ ਡਰਦੇ ਹੋਏ ਪਾਈਪ ਲਾਈਨ ਨਾਲ ਲਟਕ ਕੇ ਖੁਦਕੁਸ਼ੀ ਕਰ ਲਈ। ਫਿਲਹਾਲ ਪੁਲਿਸ ਨੇ ਪਰਿਵਾਰਿਕ ਮੈਂਬਰਾਂ ਦੇ ਬਿਆਨ ਦਰਜ ਕਰਕੇ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ ਹੈ।
