👉Dope Test ਕਰਵਾਉਣ ਲਈ ਨਹੀਂ ਬਹੁੜਿਆ ਕੋਈ; ਸੈਕੜੇ ਦੀ ਗਿਣਤੀ ਵਿਚ MLA ਦੇ ਸਮਰਥਨ ‘ਚ ਪੁੱਜੇ ਲੋਕ
Moga News: ਸੂਬੇ ਵਿਚ ਪਿਛਲੇ ਕਈ ਦਹਾਕਿਆਂ ਤੋਂ ਨਸ਼ਿਆਂ ਦੇ ਮੁੱਦੇ ‘ਤੇ ਪੈ ਰਹੇ ਰੌਲੇ ਦੌਰਾਨ ਹਲਕਾ ਧਰਮਕੋਟ ਦੇ ਸਾਬਕਾ ਕਾਂਗਰਸੀ ਵਿਧਾਇਕ ਸੁਖਜੀਤ ਸਿੰਘ ਕਾਕਾ ਲੋਹਗੜ੍ਹ ਦੇ ਭਰਾ ਇਕਬਾਲ ਸਿੰਘ ਲੋਹਗੜ੍ਹ ਤੇ ਕੁੱਝ ਹੋਰਨਾਂ ਵੱਲੋਂ ਆਪ ਵਿਧਾਇਕ ਦਵਿੰਦਰ ਸਿੰਘ ਲਾਡੀ ਢੋਸ ਅਤੇ ਉਸਦੇ ਸਮਰਥਕਾਂ ਨੂੰ ਡੋਪ ਟੈਸਟ ਦੀ ਦਿੱਤੀ ਚੁਣੌਤੀ ਅੱਜ ਉਨ੍ਹਾਂ ਉਪਰ ਭਾਰੀ ਪੈਂਦੀ ਨਜ਼ਰ ਆਈ। ਬੀਤੇ ਕੱਲ ਇਹ ਚੁਣੌਤੀ ਕਬੂਲਣ ਵਾਲੇ ਵਿਧਾਇਕ ਲਾਡੀ ਢੋਸ ਅੱਜ ਐਤਵਾਰ ਨੂੰ ਆਪਣੇ ਸੈਕੜੇ ਸਮਰਥਕਾਂ ਦੇ ਨਾਲ ਪਿੰਡ ਲੋਹਗੜ੍ਹ ਦੇ ਗੁਰਦੂਆਰਾ ਸਾਹਿਬ ਵਿਖੇ ਸਵੇਰੇ 10 ਵਜੇਂ ਪੁੱਜ ਗਏ।
ਇਹ ਵੀ ਪੜ੍ਹੋ ਪੰਜਾਬੀ ਗਾਇਕਾ ਤੇ ਵਿਧਾਇਕਾ ਅਨਮੋਲ ਗਗਨ ਮਾਨ ਦੀ ਵਿਧਾਨ ਸਭਾ ਕਮੇਟੀ ਵਿਚੋਂ ਛੁੱਟੀ
ਇਸ ਦੌਰਾਨ ਉਨ੍ਹਾਂ ਵਿਰੋਧੀਆਂ ਨੂੰ ਆਪਣੀ ਡਾਕਟਰੀ ਟੀਮ ਲਿਆਉਣ ਲਈ ਕਿਹਾ ਤਾਂ ਕਿ ਉਨ੍ਹਾਂ ਅਤੇ ਉਨ੍ਹਾਂ ਦੇ ਸਮਰਥਕਾਂ ਦਾ ਡੋਪ ਟੈਸਟ ਕਰਵਾਇਆ ਜਾ ਸਕੇ। ਪ੍ਰੰਤੂ ਲਗਾਤਾਰ ਕਈ ਘੰਟੇ ਦੇ ਇੰਤਜ਼ਾਰ ਤੋਂ ਬਾਅਦ ਕੋਈ ਵਿਧਾਇਕ ਅਤੇ ਉਸਦੇ ਸਮਰਥਕਾਂ ਦਾ ਡੋਪ ਟੈਸਟ ਦਾ ਸੈਂਪਲ ਲੈਣ ਨਹੀਂ ਪੁੱਜਾ, ਜਿਸਤੋਂ ਬਾਅਦ ਲਾਡੀ ਢੋਸ ਅਤੇ ਉਸਦੇ ਸਮਰਥਕਾਂ ਵੱਲੋਂ ਗੁਰਦੂਆਰਾ ਸਾਹਿਬ ਵਿਚ ਹਲਕੇ ਦੇ ਕੰਮ ਕਰਨ ਅਤੇ ਨਸ਼ਿਆਂ ਨੂੰ ਰੋਕਣ ਦੇ ਲਈ ਗੁਰੂ ਸਾਹਿਬ ਅੱਗੇ ਤਾਕਤ ਤੋ ਸੋਝੀ ਬਖ਼ਸਣ ਦੀ ਅਰਦਾਸ ਕੀਤੀ।
ਇਹ ਵੀ ਪੜ੍ਹੋ ਅਕਾਲੀ ਦਲ ਦੇ ਸਟੇਟ ਡੈਲੀਗੇਟ ਇਜ਼ਲਾਸ ਲਈ ਮੁੜ ਜਗ੍ਹਾਂ ਬਦਲੀ, ਹੁਣ ਡੈਲੀਗੇਟਾਂ ਨੂੰ ਇੱਥੇ ਪੁੱਜਣ ਦੀ ਕੀਤੀ ਅਪੀਲ
ਇਸ ਮੌਕੇ ਉਨ੍ਹਾਂ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠਲੀ ਸੂਬੇ ਦੇ ਆਮ ਆਦਮੀ ਪਾਰਟੀ ਸਰਕਾਰ ਵੱਲੋਂ ਅਣਥਕ ਯਤਨ ਕੀਤੇ ਜਾ ਰਹੇ ਹਨ ਤੇ ਵੱਡੇ ਵੱਡੇ ਮਗਰਮੱਛਾਂ ਨੂੰ ਫ਼ੜਣ ਤੋਂ ਇਲਾਵਾ ਨਸ਼ੇ ਦੇ ਆਦੀ ਨੌਜਵਾਨਾਂ ਦਾ ਨਸ਼ਾ ਛੁਡਾਇਆ ਜਾ ਰਿਹਾ। ਐਮਐਲਏ ਲਾਡੀ ਢੋਸ ਨੇ ਇਸ ਮੌਕੇ ਇਕੱਠ ਵਿਚ ਦਾਅਵਾ ਕੀਤਾ ਕਿ ਉਸਦੇ ਪ੍ਰਵਾਰ ਦੀਆਂ ਤਿੰਨ ਪੀੜ੍ਹੀਆਂ(ਦਾਦਾ ਜੀ ਕ੍ਰਿਪਾਲ ਸਿੰਘ ਢੋਸ, ਪਿਤਾ ਜੀ ਕੁਲਦੀਪ ਸਿੰਘ ਢੋਸ) ਸਹਿਤ ਉਨ੍ਹਾਂ ਵੱਲੋਂ ਅੱਜ ਸ਼ਰਾਬ ਤਾਂ ਦੂਰ ਬੀਅਰ ਦਾ ਨਸ਼ਾ ਵੀ ਕੀਤਾ ਹੋਵੇ। ਜਦੋਂਕਿ ਉਸਨੂੰ ਆਪਣੇ ਸਿਆਸੀ ਵਿਰੋਧੀਆਂ ਬਾਰੇ ਕੱਲੀ-ਕੱਲੀ ਗੱਲ ਤਾਂ ਪਤਾ ਹੈ ਪ੍ਰੰਤੂ ਉਹ ਰਾਜਨੀਤੀਵਾਨ ਹੋਣ ਕਾਰਨ ਕਿਸੇ ਦੀ ਨਿੱਜੀ ਜਿੰਦਗੀ ਬਾਰੇ ਨਹੀਂ, ਬਲਕਿ ਆਪਣੇ ਹਲਕੇ ਦੇ ਕੰਮਾਂ ਬਾਰੇ ਚਰਚਾ ਕਰਨੀ ਪਸੰਦ ਕਰਦੇ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
