ਆਪ ਦੀ ਮਹਿਲਾ ਆਗੂ ਸਤਵੀਰ ਕੌਰ ਸਿੱਧੂ ਬਣੇ ਪਿੰਡ ਕਾਲਝਰਾਣੀ ਦੇ ਸਰਪੰਚ

ਬਠਿੰਡਾ, 19 ਅਕਤੂਬਰ: ਆਮ ਆਦਮੀ ਪਾਰਟੀ ਪੰਜਾਬ ਦੀ ਜੁਆਇਟ ਸਕੱਤਰ ਸਤਵੀਰ ਕੌਰ ਸਿੱਧੂ ਆਪਣੇ ਜੱਦੀ ਪਿੰਡ ਕਾਲਝਰਾਣੀ ਤੋਂ ਸਰਪੰਚ ਚੁਣੀ ਗਈ ਆਪਣੀ ਜਿੱਤ ’ਤੇ ਖ਼ੁਸੀ ਦਾ ਪ੍ਰਗਟਾਵਾ ਕਰਦਿਆਂ ਬੀਬੀ ਸਤਵੀਰ ਕੌਰ ਨੇ ਪਿੰਡ ਵਾਸੀਆਂ ਦਾ ਧੰਨਵਾਦ ਕਰਦਿਆਂ ਚਹੁੰ ਮੁਖੀ ਵਿਕਾਸ ਕਰਨ ਦਾ ਭਰੋਸਾ ਦਿਵਾਇਆ। ਉਨ੍ਹਾਂ ਦਾਅਵਾ ਕੀਤਾ ਕਿ ਇਹ ਚੋਣ ਪਿੰਡ ਦੇ ਲੋਕਾਂ ਦੇ ਸਹਿਯੋਗ ਨਾਂਲ ਬਿਨਾਂ ਨਸ਼ਾ ਵੰਡੇ ਅਤੇ ਬਿਨਾ ਪੈਸੇ ਵੰਡੇ ਜਿੱਤੀ ਹੈ । ਉਨ੍ਹਾਂ ਕਿਹਾ ਕਿ ਉਹ ਪਿੰਡ ਵੱਲੋਂ ਦਿੱਤੇ ਗਏ ਸਹਿਯੋਗ ਨੂੰ ਕਦੇ ਨਹੀਂ ਭੁੱਲਣਗੇ ਅਤੇ ਇਮਾਨਦਾਰੀ ਅਤੇ ਬਿਨਾਂ ਭੇਦਭਾਵ ਕੀਤੇ ਪਿੰਡ ਦਾ ਵਿਕਾਸ ਕਰਨਗੇ। ਓਹਨਾਂ ਨੇ ਕਿਹਾ ਕਿ ਉਹ ਪਿੰਡ ਵਾਸੀਆਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਨ ਜਿਨ੍ਹਾਂ ਨੇ ਓਹਨਾਂ ਨੂੰ ਪਿੰਡ ਕਾਲਝਰਾਣੀ ਦੀ ਸੇਵਾ ਕਰਨ ਦਾ ਮੌਕਾ ਦਿੱਤਾ।