👉ਭਾਜਪਾ ਤੇ ਕਾਂਗਰਸ ਨੂੰ ਮਿਲੀ 1-1 ਸੀਟ, ਭਾਜਪਾ ਸਮਰਥਕ ਅਜ਼ਾਦ ਉਮੀਦਵਾਰ ਹਾਰਿਆ
Haryana News: ਪੰਜਾਬ ਦੇ ਗੁਆਂਢੀ ਸੂਬੇ ਹਰਿਆਣਾ ਵਿਚ ਬੀਤੇ ਕੱਲ ਰਾਜ ਸਭਾ ਦੀਆਂ ਖਾਲੀ ਹੋਈਆਂ 2 ਸੀਟਾਂ ਲਈ ਹੋਈਆਂ ਵੋਟਾਂ ਦੀ ਬੀਤੀ ਅੱਧੀ ਰਾਤ ਹੋਈ ਗਿਣਤੀ ਤੋਂ ਬਾਅਦ ਭਾਜਪਾ ਤੇ ਕਾਂਗਰਸ 1-1 ਸੀਟ ਜਿੱਤਣ ਵਿਚ ਸਫ਼ਲ ਰਹੀ। ਜਦਕਿ ਭਾਜਪਾ ਦੇ ਸਮਰਥਕ ਮੰਨੇ ਜਾਂਦੇ ਉਮੀਦਵਾਰ ਸਿਰਫ਼ 1 ਵੋਟ ‘ਤੇ ਚੋਣ ਹਾਰ ਗਏ। ਕਾਂਗਰਸ ਦੀ ਸਖ਼ਤੀ ਦੇ ਬਾਵਜੂਦ 5 ਵਿਧਾਇਕਾਂ ਵੱਲੋਂ ਕ੍ਰਾਸ ਵੋਟਿੰਗ ਕੀਤੀ ਗਈ ਜਦਕਿ 4 ਵੋਟਾਂ ਰੱਦ ਹੋ ਗਈਆਂ। ਇਸਦੇ ਬਾਵਜੂਦ ਕਾਂਗਰਸ ਦੇ ਕਰਮਵੀਰ ਸਿੰਘ ਬੋਧ ਚੋਣ ਜਿੱਤ ਗਏ। ਇਸੇ ਤਰ੍ਹਾਂ ਭਾਜਪਾ ਦੇ ਸੰਜੇ ਭਾਟੀਆ ਵੀ ਚੋਣ ਜਿੱਤਣ ਵਿਚ ਸਫ਼ਲ ਰਹੇ।
ਇਹ ਵੀ ਪੜ੍ਹੋ ਸਪੀਕਰ ਵੱਲੋਂ ਪੰਜਾਬ ਵਿਧਾਨ ਸਭਾ ਹਾਲ ਵਿੱਚ ਮੌਜੂਦਾ ਵਿਧਾਇਕਾਂ ਦੀਆਂ ਲਗਾਈਆਂ ਫੋਟੋਆਂ ਦਾ ਉਦਘਾਟਨ
ਦੂਜੇ ਪਾਸੇ ਅਜ਼ਾਦ ਉਮੀਦਵਾਰ ਲੱਖ ਕੋਸ਼ਿਸਾਂ ਦੇ ਬਾਵਜੂਦ ਸਿਰਫ਼ 1 ਵੋਟ ਨਾਲ ਰਾਜ ਸਭਾ ਵਿਚ ਜਾਣ ਤੋਂ ਵਾਂਝੇ ਰਹਿ ਗਏ। ਦਸਣਾ ਬਣਦਾ ਹੈ ਹਰਿਆਣਾ ਵਿਧਾਨ ਸਭਾ ਦੀਆਂ 90 ਸੀਟਾਂ ਹਨ। ਜਿਸਦੇ ਵਿਚ ਭਾਜਪਾ ਦੇ 48, ਕਾਂਗਰਸ ਦੇ 37, ਅਜ਼ਾਦ 3 ਅਤੇ ਇਨੈਲੋ ਦੇ 2 ਵਿਧਾਇਕ ਹਨ। ਇਨੈਲੋ ਵੱਲੋਂ ਇੰਨ੍ਹਾਂ ਚੋਣਾਂ ਵਿਚ ਹਿੱਸਾ ਨਹੀਂ ਲਿਆ ਗਿਆ। ਇਸਤੋਂ ਇਲਾਵਾ ਕਾਂਗਰਸ ਦੇ 4 ਅਤੇ ਭਾਜਪਾ ਦੇ 1 ਵਿਧਾਇਕ ਦੀ ਵੋਟ ਰੱਦ ਹੋ ਗਈ। ਜਦਕਿ ਕਾਂਗਰਸ ਦੇ 5 ਵਿਧਾਇਕਾਂ ਨੇ ਕ੍ਰਾਸ ਵੋਟਿੰਗ ਕਰ ਦਿੱਤੀ। ਇਸਦੇ ਬਾਵਜੂਦ ਕਾਂਗਰਸ ਦੇ ਕਰਮਵੀਰ ਬੋਧ ਨੂੰ 28 ਵੋਟਾਂ ਮਿਲੀਆਂ, ਜਿਹੜੀਆਂ ਕਿ ਜਿੱਤ ਲਈ ਜਰੂਰੀ 27.66 ਫ਼ੀਸਦੀ ਵੋਟ ਤੋਂ ਮਾਮੂਲੀ ਵਧ ਸਨ।
ਮੁੱਖ ਮੰਤਰੀ ਨਾਇਬ ਸੈਣੀ ਨੇ ਜਿੱਥੇ ਕਾਂਗਰਸ ਉੱਪਰ ਖੁਦ ਆਪਣੇ ਵਿਧਾਇਕਾਂ ਦੀਆਂ ਵੋਟਾਂ ਕ੍ਰਾਸ ਕਰਵਾਉਣ ਦੇ ਦੋਸ਼ ਲਗਾਏ, ਉਥੇ ਕਾਂਗਰਸ ਦੇ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ਨੇ ਦਾਅਵਾ ਕੀਤਾ ਕਿ, ‘‘ਭਾਜਪਾ ਦੀਆਂ ਲੱਖ ਕੋਸ਼ਿਸ਼ਾਂ ਦੇ ਬਾਵਜੂਦ ਇਹ ਹਰਿਆਣਾ ਦੇ ਲੋਕਾਂ ਅਤੇ ਸਚਾਈ ਦੀ ਜਿੱਤ ਹੈ। ” ਜਿਕਰਯੋਗ ਹੈ ਕਿ ਕਾਂਗਰਸ ਨੇ ਆਪਣੇ ਵਿਧਾਇਕਾਂ ਨੂੰ ਕ੍ਰਾਸ ਵੋਟਿੰਗ ਦੇ ਡਰੋਂ ਹਿਮਾਚਲ ਵਿਚ ਭੇਜ ਦਿੱਤਾ ਸੀ, ਜੋਕਿ ਸਿੱਧਾ ਵੋਟ ਪਾਉਣ ਲਈ ਹੀ ਵਿਧਾਨ ਸਭਾ ਪੁੱਜੇ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
