Bathinda News: ਬਠਿੰਡਾ ਨਗਰ ਨਿਗਮ ਵਿਚ ਮੁੜ ਸਿਆਸੀ ਹਿੱਲਜੁਲ ਸ਼ੁਰੂ ਹੋ ਗਈ ਹੈ। ਪਹਿਲਾਂ ਹੀ ਮੇਅਰ ਤੇ ਡਿਪਟੀ ਮੇਅਰ ਦਾ ਅਹੁੱਦਾ ‘ਗਵਾ’ ਚੁੱਕੀ ਕਾਂਗਰਸ ਪਾਰਟੀ ਦੇ ਹੱਥੋਂ ਹੁਣ ਸੀਨੀਅਰ ਡਿਪਟੀ ਮੇਅਰ ਦੀ ਕੁਰਸੀ ਵੀ ਜਾਂਦੀ ਦਿਖ਼ਾਈ ਦੇ ਰਹੀ ਹੈ। ਹਾਲਾਂਕਿ ਇਸਦਾ ਫੈਸਲਾ ਆਉਣ ਵਾਲੇ ਦਿਨਾਂ ਵਿਚ ਹੋਵੇਗਾ, ਪ੍ਰੰਤੂ ਚਿਰਾਂ ਤੋਂ ਉਡੀਕਿਆ ਜਾ ਰਿਹਾ ਬੇਭਰੋਸਗੀ ਦਾ ਮਤਾ ਜਰੂਰ ਆ ਗਿਆ ਹੈ। ਸੋਮਵਾਰ ਨੂੰ 50 ਮੈਂਬਰੀ ਬਠਿੰਡਾ ਨਗਰ ਨਿਗਮ ਦੇ ਹਾਊਸ ਵਿਚੋਂ 34 ਕੌਂਸਲਰਾਂ ਦੇ ਦਸਤਖ਼ਤਾਂ ਵਾਲਾ ਇਹ ਮਤਾ ਨਿਗਮ ਕਮਿਸ਼ਨਰ ਨੂੰ ਦਿੱਤਾ ਗਿਆ। ਸੰਭਾਵਿਤ ਤੌਰ ’ਤੇ ਇਸ ਹਫ਼ਤੇ ਇਸ ਮਤੇ ਉਪਰ ਵਿਸ਼ੇਸ ਮੀਟਿੰਗ ਬੁਲਾਈ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ ਦਫ਼ਤਰੀ ਸਮੇਂ ਤੋਂ ਬਾਅਦ ਅਤੇ ਛੁੱਟੀ ਵਾਲੇ ਦਿਨ ‘ਫ਼ੋਨ’ ਬੰਦ ਕਰਨ ਵਾਲੇ ਮੁਲਾਜਮਾਂ ਦੀ ਹੁਣ ਖੈਰ ਨਹੀਂ!
ਵੱਡੀ ਗੱਲ ਇਹ ਵੀ ਹੈ ਕਿ ਇਸ ਮਤੇ ਨੂੰ ਲਿਆਉਣ ਵਿਚ ਕਾਂਗਰਸ ਦੇ ਕੋਂਸਲਰਾਂ ਦੀ ਗਿਣਤੀ ਸਭ ਤੋਂ ਵੱਧ ਹੈ। ਗੌਰਤਲਬ ਹੈ ਕਿ ਪਿਛਲੇ ਕੁੱਝ ਮਹੀਨਿਆਂ ਤੋਂ ਸੀਨੀਅਰ ਡਿਪਟੀ ਮੇਅਰ ਤੋਂ ਉਸਦੀ ਆਪਣੀ ਹੀ ਪਾਰਟੀ ਦੇ ਕੋਂਸਲਰ ਇੱਕ-ਇੱਕ ਕਰਕੇ ਨਰਾਜ਼ ਹੋ ਰਹੇ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਗੱਦੀਓ ਉਤਾਰਨ ਲਈ ਅੰਦਰਖ਼ਾਤੇ ਚੱਲ ਰਹੀ ਤਿਆਰੀ ਦੀ ਚਰਚਾ ਪਿਛਲੇ ਇੱਕ ਮਹੀਨੇ ਤੋਂ ਬਠਿੰਡਾ ਸ਼ਹਿਰ ਦੀ ਸਿਆਸੀ ਫ਼ਿਜਾ ਵਿਚ ਛਾਈ ਹੋਈ ਸੀ। ਇੱਥੇ ਦਸਣਾ ਬਣਦਾ ਹੈ ਕਿ ਮਨਪ੍ਰੀਤ ਬਾਦਲ ਪੱਖੀ ਮੇਅਰ ਰਮਨ ਗੋਇਲ ਨੂੰ ਗੱਦੀਓ ਉਤਾਰਨ ਤੋਂ ਬਾਅਦ ਕਾਂਗਰਸ ‘ਘਟਦੇਕ੍ਰਮ’ ਵੱਲ ਜਾ ਰਹੀ ਹੈ।
ਇਹ ਵੀ ਪੜ੍ਹੋ ‘ਪ੍ਰੇਮਿਕਾ’ ਨੂੰ ਮਿਲਣ ਗਏ ਮੰਤਰੀ ਦੇ ਗੰਨਮੈਨ ਦੀ ਸ਼ੱਕੀ ਹਾਲਾਤਾਂ ’ਚ ਗੋ+ਲੀ ਲੱਗਣ ਕਾਰਨ ਹੋਈ ਮੌ.ਤ
ਕਾਂਗਰਸ ਦੀ ਆਪਸ ਵਿਚ ਫੁੱਟ ਦੇ ਚੱਲਦਿਆਂ ਆਮ ਆਦਮੀ ਪਾਰਟੀ ਦੀ ਟਿਕਟ ’ਤੇ ਜਿੱਤੇ ਪਦਮਜੀਤ ਸਿੰਘ ਮਹਿਤਾ ਕਰੀਬ ਦੋ ਮਹੀਨੇ ਪਹਿਲਾਂ ਮੇਅਰ ਬਣਨ ਵਿਚ ਸਫ਼ਲ ਰਹੇ। ਉਸਤੋਂ ਬਾਅਦ ਕਾਂਗਰਸ ਦੇ ਡਿਪਟੀ ਮੇਅਰ ਮਾਸਟਰ ਹਰਮਿੰਦਰ ਸਿੰਘ ਵਿਰੁਧ ਬੇਭਰੋਸਗੀ ਦਾ ਮਤਾ ਲਿਆਂਦਾ ਗਿਆ ਪ੍ਰੰਤੂ ਉਨ੍ਹਾਂ ‘ਸਿਆਣਪ’ ਵਾਚਦਿਆਂ ਆਪਣੇ ਅਹੁੱਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਸੀ। ਚਰਚਾ ਮੁਤਾਬਕ ਅਸੋਕ ਪ੍ਰਧਾਨ ਨੂੰ ਵੀ ਸਮੇਂ ਦੀ ਨਜ਼ਾਕਤ ਦੇਖਦਿਆਂ ਅਸਤੀਫ਼ਾ ਦੇਣ ਲਈ ਮਨਾਉਣ ਦੀ ਕੋਸਿਸ ਕੀਤੀ ਜਾ ਰਹੀ ਸੀ ਪ੍ਰੰਤੂ ਉਨ੍ਹਾਂ ਵੱਲੋਂ ਇੰਨਕਾਰ ਕਰਨ ਤੋਂ ਬਾਅਦ ਹੁਣ ਇਹ ਮਤਾ ਲਿਆਂਦਾ ਗਿਆ ਹੈ।
ਇਹ ਵੀ ਪੜ੍ਹੋ ਬੀਐਸਐਫ਼ ਦੇ ਜਵਾਨ ਨੂੰ ਪੰਜ ਦਿਨਾਂ ਬਾਅਦ ਵੀ ਪਾਕਿਸਤਾਨ ਰਿਹਾਅ ਕਰਨ ਤੋਂ ਇੰਨਕਾਰੀ; ਪ੍ਰਵਾਰ ਦਾ ਰੋ-ਰੋ ਕੇ ਬੁਰਾ ਹਾਲ
ਚੇਲਿਆਂ ਨੇ ਵੀ ‘ਗੁਰੂ’ ਨੂੰ ਛੱਡਿਆ!
ਨਗਰ ਨਿਗਮ ਦੇ ਕੋਂਸਲਰਾਂ ਵੱਲੋਂ ਲਿਆਂਦੇ ਬੇਭਰੋਸਗੀ ਦੇ ਮਤੇ ਵਿਚ ਸਭ ਤੋਂ ਵੱਡੀ ਗੱਲ ਇਹ ਵੀ ਸਾਹਮਣੇ ਆਈ ਹੈ ਕਿ ਸੀਨੀਅਰ ਡਿਪਟੀ ਮੇਅਰ ਨੂੰ ਹੁਣ ਉਸਦੇ ‘ਚੇਲੇ’ ਵੀ ਛੱਡ ਗਏ ਹਨ। ਜਿਸਦੇ ਚੱਲਦੇ ਇਸ ਗੱਲ ਦੀ ਵੀ ਸ਼ਹਿਰ ਵਿਚ ਕਾਫ਼ੀ ਚਰਚਾ ਹੈ ਕਿ ਜੇਕਰ ਚੇਲੇ ਹੀ ਨਾਲ ਨਹੀਂ ਰਹੇ ਤਾਂ ਦੂਜੇ ਕਿੰਨਾਂ ਕੁ ਸਾਥ ਨਿਭਾਉਣਗੇ। ਅੰਦਰਖ਼ਾਤੇ ਸਿਆਸੀ ਸਰਗੋਸ਼ੀਆ ਇਹ ਵੀ ਸੁਣਾਈ ਦੇ ਰਹੀਆਂ ਹਨ ਕਿ ਕਾਂਗਰਸ ਨਾਲ ਖੜੇ ਕੁੱਝ ਕੋਂਸਲਰਾਂ ਨੇ ਵੀ ਹਾਈਕਮਾਂਡ ਕੋਲ ‘ਪ੍ਰਧਾਨ ਜੀ’ ਨਾਲ ਆਪਣੇ ਮਤਭੇਦਾਂ ਨੂੰ ਸਪੱਸ਼ਟ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ ਜ਼ਿਲ੍ਹੇ ਦੀਆਂ ਮੰਡੀਆਂ ਵਿੱਚ ਕਣਕ ਦੀ ਖਰੀਦ ਨਿਰਵਿਘਨ ਜਾਰੀ : ਡਿਪਟੀ ਕਮਿਸ਼ਨਰ
ਮਤਾ ਦੇਣ ’ਚ ਮਹਿਲਾ ਕੌਂਸਲਰਾਂ ਦੇ ਪਤੀ ਰਹੇ ਅੱਗੇ!
ਉਧਰ ਅੱਜ ਇਸ ਬੇਭਰੋਸਗੀ ਮਤੇ ਸਬੰਧੀ ਕਮਿਸ਼ਨਰ ਨਾਲ ਸਾਹਮਣੇ ਆਈ ਫ਼ੋਟੋ ਵਿਚ ਕਈ ਮਹਿਲਾਂ ਕੋਂਸਲਰਾਂ ਦੀ ਬਜਾਏ ਉਨ੍ਹਾਂ ਦੇ ਪਤੀ ਨਜ਼ਰ ਆਏ। ਕਾਂਗਰਸ ਨੇ ਇਸ ਉਪਰ ਇਤਰਾਜ਼ ਜਤਾਇਆ ਹੈ।ਇੱਕ ਆਗੂ ਨੇ ਕਿਹਾ ਕਿ ‘‘ਵੋਟਰਾਂ ਨੇ ਆਪਣੀ ਨੁਮਾਇੰਦਗੀ ਕਰਨ ਲਈ ਸਬੰਧਤ ਵਾਰਡਾਂ ਵਿਚੋਂ ਔਰਤਾਂ ਨੂੰ ਚੁਣਿਆ ਹੈ ਤੇ ਉਨ੍ਹਾਂ ਦੇ ਪਤੀ ਕਿਸ ਤਰਾਂ ਇਹ ਹੱਕ ਖੋ ਸਕਦੇ ਹਨ। ’’
ਉਧਰ ਸੰਪਰਕ ਕਰਨ ‘ਤੇ ਸੀਨੀਅਰ ਡਿਪਟੀ ਮੇਅਰ ਅਸ਼ੋਕ ਪ੍ਰਧਾਨ ਨੇ ਆਪਣੇ ਵਿਰੁੱਧ ਬੇਭਰੋਸਗੀ ਦਾ ਮਤਾ ਆਉਣ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਉਹ ਪਿਛਲੇ ਲੰਬੇ ਸਮੇਂ ਤੋਂ ਲੋਕਾਂ ਦੀ ਸੇਵਾ ਕਰ ਰਹੇ ਹਨ ਤੇ ਹੁਣ ਵੀ ਉਹ ਇਸ ਮਤੇ ਦਾ ਸਾਹਮਣਾ ਕਰਨਗੇ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
