👉ਜਹਾਜ਼ ’ਚ ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਵੀ ਸਨ ਸਵਾਰ
Ahmedabad News: ਵੀਰਵਾਰ ਦੁਪਹਿਰ ਅਹਿਮਦਾਬਾਦ ਦੇ ਸਰਦਾਰ ਵੱਲਭਭਾਈ ਪਟੇਲ ਅੰਤਰ ਰਾਸ਼ਟਰੀ ਹਵਾਈ ਅੱਡੇ ਤੋਂ ਲੰਡਨ ਲਈ ਰਵਾਨਾ ਹੋਏ ਏਅਰ ਇੰਡੀਆ ਦੇ ਕਰੈਸ਼ ਹੋਏ ਜਹਾਜ਼ ’ਚ ਸਵਾਰ ਇੱਕ ਯਾਤਰੂ ਜਿੰਦਾ ਮਿਲਿਆ ਹੈ। ਕਿਸਮਤ ਦਾ ਇਹ ਧਨੀ ਯਾਤਰੀ, ਜਿਸਦੀ ਹਾਲੇ ਪਹਿਚਾਣ ਉਜ਼ਾਗਰ ਨਹੀਂ ਕੀਤੀ ਗਈ, ਜਹਾਜ਼ ਦੀ ਏ-11 ਸੀਟ ਉਪਰ ਬੈਠਾ ਮਿਲਿਆ ਹੈ। ਗੰਭੀਰ ਹਾਲਾਤ ’ਚ ਮਿਲੇ ਇਸ ਯਾਤਰੀ ਦਾ ਹਸਪਤਾਲ ਵਿਚ ਇਲਾਜ਼ ਚੱਲ ਰਿਹਾ।
ਉਂਝ 242 ਯਾਤਰੂਆਂ ਨਾਲ ਭਰੇ ਇਸ ਜਹਾਜ਼ ’ਚੋਂ ਹੁਣ ਤੱਕ 210 ਯਾਤਰੀਆਂ ਦੀਆਂ ਲਾਸ਼ਾਂ ਮਿਲ ਚੁੱਕੀਆਂ ਹਨ। ਹਾਲਾਂਕਿ ਇਸ ਸਬੰਧੀ ਅਧਿਕਾਰਤ ਤੌਰ ’ਤੇ ਹਾਲੇ ਤੱਕ ਕੋਈ ਬਿਆਨ ਨਹੀਂ ਆਇਆ ਪ੍ਰੰਤੂ ਸੰਭਾਵਨਾ ਜਤਾਈ ਜਾ ਰਹੀ ਹੈ ਹਾਦਸਾਗ੍ਰਸਤ ਹੋਣ ਸਮੇਂ ਅੱਗ ਦਾ ਗੋਲਾ ਬਣੇ ਇਸ ਜਹਾਜ਼ ਵਿਚੋਂ ਸਟਾਫ਼ ਸਹਿਤ ਕਿਸੇ ਦੇ ਵੀ ਜਿੰਦਾ ਬਚਣ ਦੀ ਸੰਭਾਵਨਾ ਬਹੁਤ ਮੁਸ਼ਕਿਲ ਸੀ। ਪ੍ਰੰਤੂ ਇੱਕ ਯਾਤਰੀ ਦੇ ਜਿੰਦਾ ਬਚਣ ਨੂੰ ਚਮਤਕਾਰ ਮੰਨਿਆ ਜਾ ਰਿਹਾ।
ਇਹ ਵੀ ਪੜ੍ਹੋ 2,000 ਰੁਪਏ ਰਿਸ਼ਵਤ ਲੈਣ ਦੇ ਦੋਸ਼ਾਂ ਹੇਠ ASI ਨੂੰ ਵਿਜੀਲੈਂਸ ਬਿਊਰੋ ਨੇ ਕੀਤਾ ਗ੍ਰਿਫ਼ਤਾਰ
ਇਸਤੋਂ ਇਲਾਵਾ ਡਾਕਟਰਾਂ ਦੇ ਜਿਸ ਹੋਸਟਲ ਉਪਰ ਇਹ ਜਹਾਜ਼ ਡਿੱਗਿਆ ਹੈ, ਉਸਦੇ ਵਿਚ ਵੀ ਕਈ ਜਣਿਆਂ ਦੀ ਮੌਤ ਦੀ ਸੰਭਾਵਨਾ ਹੈ। ਗੌਰਤਲਬ ਹੈ ਕਿ ਇਸ ਜਹਾਜ ਵਿੱਚ 242 ਯਾਤਰੀ ਸਵਾਰ ਸਨ। ਏਅਰ ਇੰਡੀਆ ਦੇ ਇਸ ਜਹਾਜ਼ ਨੇ 1. 38 ਮਿੰਟ ਤੇ ਉਡਾਨ ਭਰੀ ਅਤੇ ਇਸ ਦੇ ਕੁਝ ਮਿੰਟਾਂ ਬਾਅਦ ਹੀ ਇਹ ਕਰੈਸ਼ ਹੋ ਗਿਆ। ਜਹਾਜ਼ ਦੇ ਕਰੈਸ਼ ਹੁੰਦੇ ਹੀ ਪੂਰੇ ਇਲਾਕੇ ਵਿੱਚ ਧੂੰਏ ਦਾ ਗੁਬਾਰ ਫੈਲ ਗਿਆ। ਮੁਢਲੀ ਜਾਣਕਾਰੀ ਮੁਤਾਬਕ ਹਾਦਸੇ ਦਾ ਕਾਰਨ ਜਹਾਜ ਦੇ ਇੰਜਨ ਵਿੱਚ ਤਕਨੀਕੀ ਖਰਾਬੀ ਦੱਸਿਆ ਜਾ ਰਿਹਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
