Bathinda News: Bathinda Police ‘ਤੇ ਪਿੰਡ ਰਾਏਕੇ ਕਲਾਂ ‘ਚ ਮੁੰਡਿਆਂ ਦੇ ਦੋ ਗੁੱਟਾਂ ‘ਚ ਹੋਈ ਲੜਾਈ ਭਾਰੀ ਪੈ ਗਈ ਹੈ। ਅਮਨ ਤੇ ਕਾਨੂੰਨ ਦੀ ਸਥਿਤੀ ਨੂੰ ਬਰਕਰਾਰ ਰੱਖਣ ਲਈ ਮੌਕੇ ‘ਤੇ ਪੁੱਜੀ ਥਾਣਾ ਨੰਦਗੜ੍ਹ ਦੀ ਟੀਮ ‘ਤੇ ਹਮਲਾ ਹੋ ਗਿਆ। ਇਸ ਹਮਲੇ ਵਿਚ ਥਾਣਾ ਮੁਖੀ ਇੰਸਪੈਕਟਰ ਬਲਵਿੰਦਰ ਸਿੰਘ ਸਹਿਤ ਦੋ ਥਾਣੇਦਾਰ ਗੰਭੀਰ ਰੂਪ ਵਿਚ ਜਖ਼ਮੀ ਹੋ ਗਈ। ਥਾਣਾ ਮੁਖੀ ਦੀ ਬਾਂਹ ‘ਤੇ ਮੁੰਡੀਰ ਵੱਲੋਂ ਤਲਵਾਰ ਵਰਗੀ ਤਿੱਖੀ ਵਸਤੂ ਨਾਲ ਹਮਲਾ ਕਰਨ ਕਰਕੇ ਉਸਦੀ ਹਾਲਾਤ ਜਿਆਦਾ ਗੰਭੀਰ ਹੋ ਗਈ, ਜਿਸਦੇ ਚੱਲਦੇ ਉਸਨੂੰ ਬਠਿੰਡਾ ਦੇ ਕੋਸਮੋ ਹਸਪਤਾਲ ਵਿਚ ਰੈਫ਼ਰ ਕੀਤਾ ਗਿਆ।
ਇਹ ਵੀ ਪੜ੍ਹੋ ਯੁੱਧ ਨਸ਼ਿਆਂ ਵਿਰੁੱਧ; ਮੁਹਿੰਮ ਦੇ 200 ਦਿਨ ਪੂਰੇ, 29,930 ਨਸ਼ਾ ਤਸਕਰਾਂ ਨੂੰ ਕੀਤਾ ਗਿਆ ਗ੍ਰਿਫ਼ਤਾਰ
ਥਾਣਾ ਮੁਖੀ ਦੀ ਸਿਹਤ ਦਾ ਹਾਲਚਾਲ ਪੁੱਛਣ ਆਏ ਬਠਿੰਡਾ ਦੇ ਐਸਐਸਪੀ ਅਮਨੀਤ ਕੌਂਡਲ ਨੇ ਮੀਡੀਆ ਨੂੰ ਘਟਨਾ ਦੀ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਰਾਏਕੇ ਕਲਾਂ ‘ਚ ਚੱਲ ਰਹੇ ਤਿੰਨ ਰੋਜ਼ਾਂ ਮੇਲੇ ਦੌਰਾਨ ਪੁਲਿਸ ਨੂੰ ਮੁੰਡਿਆਂ ਦੇ ਦੋ ਗੁੱਟਾਂ ਵਿਚ ਲੜਾਈ ਹੋਣ ਦੀ ਖਬਰ ਮਿਲੀ ਸੀ। ਜਿਸਤੋਂ ਬਾਅਦ ਥਾਣਾ ਮੁਖੀ ਇੰਸਪੈਕਟਰ ਬਲਵਿੰਦਰ ਸਿੰਘ ਮੌਕੇ ‘ਤੇ ਪੁਲਿਸ ਪਾਰਟੀ ਨਾਲ ਪੁੱਜੇ, ਜਿੱਥੇ ਇੱਕ ਘਰ ਵਿਚ ਵੜੇ ਹੋਏ ਨੌਜਵਾਨ ਨੂੰ ਬਾਹਰ ਕੱਢਣ ਲਈ ਵੱਡੀ ਗਿਣਤੀ ਵਿਚ ਹਜ਼ੂਮ ਇਕੱਠਾ ਹੋਇਆ ਸੀ। ਜਦ ਪੁਲਿਸ ਨੇ ਇੰਨ੍ਹਾਂ ਨੂੰ ਸਮਝਾਉਣ ਦੀ ਕੋਸਿਸ਼ ਕੀਤੀ ਤਾਂ ਇਸ ਹਜ਼ੂਮ ਨੇ ਪੁਲਿਸ ਪਾਰਟੀ ‘ਤੇ ਹੀ ਹਮਲਾ ਕਰ ਦਿੱਤਾ। ਜਿਸਦੇ ਵਿਚ ਥਾਣਾ ਮੁਖੀ ਸਹਿਤ ਦੋ ਹੋਰ ਮੁਲਾਜਮ ਜਖ਼ਮੀ ਹੋ ਗਏ।
ਇਹ ਵੀ ਪੜ੍ਹੋ Social media influencers Honey Sethi ਤੇ Prinkle ludhiana ਵਿਚਕਾਰ ਹੋਇਆ ਸਮਝੋਤਾ, ਦੇਖੋ ਵੀਡੀਓ
ਐਸਐਸਪੀ ਨੇ ਦਸਿਆ ਕਿ ਸਥਿਤੀ ‘ਤੇ ਕਾਬੂ ਪਾਉਣ ਲਈ ਪੁਲਿਸ ਨੂੰ ਹਵਾਈ ਫ਼ਾਈਰ ਵੀ ਕੱਢਣੇ ਪਏ ਅਤੇ ਲਾਠੀਚਾਰਜ਼ ਕਰਨਾ ਪਿਆ। ਇਸ ਦੌਰਾਨ ਮੌਕੇ ‘ਤੇ ਬਠਿੰਡਾ ਤੋਂ ਪੁੱਜੀ ਫ਼ੋਰਸ ਨੇ ਸਥਿਤੀ ਨੂੰ ਕਾਬੂ ਹੇਠ ਕੀਤਾ। ਉਨ੍ਹਾਂ ਦਸਿਆ ਕਿ ਇਸ ਮਾਮਲੇ ਵਿਚ ਪਿੰਡ ਰਾਏ ਕੇ ਕਲਾਂ ਦੇ 7 ਵਿਅਕਤੀਆਂ ਸਹਿਤ ਦਰਜ਼ਨਾਂ ਅਗਿਆਤ ਵਿਅਕਤੀਆਂ ਵਿਰੁਧ ਥਾਣਾ ਨੰਦਗੜ੍ਹ ਵਿਖੇ ਮੁਕੱਦਮਾ ਨੰਬਰ 91 ਅਧੀਨ ਧਾਰਾ ਪੁਰਾਣੀ ਆਈਪੀਸੀ ਦੇ 307, 353,186, 332, 323, 427, 148 ਤੇ 149 ਆਦਿ ਤਹਿਤ ਪਰਚਾ ਦਰਜ਼ ਕੀਤਾ ਗਿਆ। ਉਨ੍ਹਾਂ ਦਸਿਆ ਕਿ ਤਿੰਨ ਮੁਲਜਮਾਂ ਨੂੰ ਪੁਲਿਸ ਪਾਰਟੀਆਂ ਨੇ ਗ੍ਰਿਫਤਾਰ ਕਰ ਲਿਆ ਜਦਕਿ ਬਾਕੀਆਂ ਦੀ ਗ੍ਰਿਫਤਾਰੀ ਬਾਕੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
