👉50 ਵਾਰਡਾਂ ‘ਤੇ ਹੀ ਹੋਵੇਗੀ ਚੋਣ; ਹੁਣ ਜਲਦੀ ਹੀ ਸ਼ਹਿਰ ਵਾਸੀਆਂ ਤੋਂ ਮੰਗੇ ਜਾਣਗੇ ਇਤਰਾਜ਼
Bathinda News: Breaking news; ਬਠਿੰਡਾ ਨਗਰ ਨਿਗਮ (Bathinda Municipal Corporation) ਦੀਆਂ ਚੋਣਾਂ ਪਹਿਲੀ ਵਾਰ ਸਮੇਂ ‘ਤੇ ਹੋਣ ਦਾ ਮੁੱਢ ਬੱਝਣ ਲੱਗਾ ਹੈ। ਇੰਨ੍ਹਾਂ ਚੋਣਾਂ ਲਈ ਨਵੀਂ ਵਾਰਡਬੰਦੀ ਲਈ ਬਣੀ ਕਮੇਟੀ ਨੇ ਆਪਣੀ ਸਹਿਮਤੀ ਰੀਪੋਰਟ ਸਰਕਾਰ ਨੂੰ ਸੌਂਪ ਦਿੱਤੀ ਹੈ। ਇਸ ਰੀਪੋਰਟ ਦੀ ਵੱਡੀ ਗੱਲ ਇਹ ਹੈ ਕਿ ਸੰਭਾਵਿਤ ਤੌਰ ‘ਤੇ ਅਗਲੇ ਸਾਲ ਦੇ ਸ਼ੁਰੂ ਵਿਚ ਨਿਗਮ ਦੀਆਂ ਹੋਣ ਵਾਲੀਆਂ ਚੋਣਾਂ ਮੌਜੂਦਾ 50 ਵਾਰਡਾਂ ਲਈ ਹੀ ਹੋਣਗੀਆਂ। ਹਾਲਾਂਕਿ ਮੌਜੂਦਾ ਵਾਰਡਾਂ ਵਿਚ ਫੇਰਬਦਲ ਕੀਤਾ ਗਿਆ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ 19 ਦਸੰਬਰ ਨੂੰ ਚੰਡੀਗੜ੍ਹ ਵਿਖੇ ਵਾਰਡਬੰਦੀ ਦੀ ਰੀਪੋਰਟ ਸੌਂਪਣ ਸਬੰਧੀ ਮੀਟਿੰਗ ਹੋਈ ਸੀ।
ਇਹ ਵੀ ਪੜ੍ਹੋ ਦਿਨ ਸਮੇਂ ਜਮੈਟੋ ਦੀ ਡਿਲਵਰੀ ਤੇ ਰਾਤ ਨੂੰ ਚੋਰੀ ਦਾ ਧੰਦਾ ਕਰਨ ਵਾਲਾ ਗਿਰੋਹ ਬਠਿੰਡਾ ਪੁਲਿਸ ਵੱਲੋਂ ਕਾਬੂ
ਮੀਟਿੰਗ ਦੇ ਵਿਚ ਐਮਟੀਪੀ ਐਸਐਸ ਬਿੰਦਰਾ ਦੀ ਅਗਵਾਈ ਹੇਠ ਟੀਮ ਵੱਲੋਂ ਤਿਆਰ ਕੀਤੀ ਵਾਰਡਬੰਦੀ ਉੱਪਰ ਚਰਚਾ ਹੋਈ। ਜਿਸਤੋਂ ਬਾਅਦ ਇਸ ਵਾਰਡਬੰਦੀ ਦੇ ਨਕਸ਼ੇ ਨੂੰ ਮੌਜੂਦ ਵਾਰਡਬੰਦੀ ਦੀ ਕਮੇਟੀ ਵੱਲੋਂ ਸਵੀਕਾਰ ਕੀਤਾ ਗਿਆ। ਸੂਚਨਾ ਮੁਤਾਬਕ ਪਿਛਲੇ ਵਾਰਡਬੰਦੀ ਦੌਰਾਨ ਰੇਲਵੇ ਲਾਈਨਾਂ ਨੂੰ ਕਰਾਸ ਕਰਕੇ ਬਣਾਏ ਗਏ ਵਾਰਡਾਂ ਨੂੰ ਵੀ ਹੁਣ ਖ਼ਤਮ ਕੀਤਾ ਗਿਆ ਤੇ ਉਨ੍ਹਾਂ ਦੀ ਜਗ੍ਹਾਂ ਨਵੇਂ ਵਾਰਡ ਬਣਾਏ ਗਏ ਹਨ। ਇਸੇ ਤਰ੍ਹਾਂ ਕਮੇਟੀ ਵੱਲੋਂ ਹੋਰਨਾਂ ਕਈ ਵਾਰਡਾਂ ਵਿਚ ਵੀ ਭੂਗੋਲਿਕ ਖੇਤਰ ਵਿਚ ਅਦਲਾ-ਬਦਲੀ ਕਰਨ ਦਾ ਸੁਝਾਅ ਦਿੱਤਾ ਗਿਆ।
ਇਹ ਵੀ ਪੜ੍ਹੋ Bathinda Vigilance ਨੇ ਕੀਤੀ ਵੱਡੀ ਕਾਰਵਾਈ; ਪਨਗਰੇਨ ਦੇ ਇੰਸਪੈਕਟਰ ਤੇ ਆੜਤੀ ਵਿਰੁਧ ਪਰਚਾ ਦਰਜ਼
ਕਮੇਟੀ ਵਿਚ ਵਿਧਾਇਕ ਤੇ ਮੇਅਰ ਤੋਂ ਇਲਾਵਾ ਹੇਠ ਲਿਖੇ ਹਨ ਮੈਂਬਰ
ਇਸ ਕਮੇਟੀ ਦੇ ਵਿਚ ਮੌਜੂਦਾ ਵਿਧਾਇਕ ਜਗਰੂਪ ਸਿੰਘ ਗਿੱਲ ਤੋਂ ਇਲਾਵਾ ਮੇਅਰ ਪਦਮਜੀਤ ਸਿੰਘ ਮਹਿਤਾ, ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਬੀਬੀ ਸੰਤੋਸ਼ ਮਹੰਤ, ਆਪ ਵੱਲੋਂ ਉਮੇਸ਼ ਗੋਗੀ ਤੇ ਬਲਜੀਤ ਕੌਰ ਪਤਨੀ ਰਜਿੰਦਰ ਸਿੰਘ ਸਿੱਧੂ, ਕਾਂਗਰਸ ਵੱਲੋਂ ਬਲਰਾਜ ਸਿੰਘ ਪੱਕਾ ਤੇ ਮਨਜੀਤ ਕੌਰ ਬੁੱਟਰ ਪਤਨੀ ਟਹਿਲ ਸਿੰਘ ਬੁੱਟਰ ਸ਼ਾਮਲ ਸਨ। ਇਸੇ ਤਰ੍ਹਾਂ ਅਧਿਕਾਰੀਆਂ ਦੇ ਵਿਚ ਡਾਇਰੈਕਟਰ ਸਥਾਨਕ ਸਰਕਾਰਾਂ ਇੰਚਾਰਜ਼, ਡਿਪਟੀ ਕਮਿਸ਼ਨਰ ਬਠਿੰਡਾ, ਕਮਿਸ਼ਨਰ ਨਗਰ ਨਿਗਮ, ਜੁਆਇੰਟ ਕਮਿਸ਼ਨਰ, ਏਡੀਸੀ(ਯੂਡੀ) ਤੋਂ ਇਲਾਵਾ ਸਰਕਾਰ ਵੱਲੋਂ ਨਾਮਜਦ ਦੋ ਮੈਂਬਰਾਂ ਵਿਚ ਚੇਅਰਮੈਨ ਰਾਕੇਸ਼ ਪੁਰੀ ਤੇ ਬਲਜੀਤ ਬੱਲੀ ਇਸ ਕਮੇਟੀ ਦਾ ਹਿੱਸਾ ਹਨ।
ਇਹ ਵੀ ਪੜ੍ਹੋ ਲੁਧਿਆਣਾ ‘ਚ ਔਰਤ ਦਾ ਕ+ਤ+ਲ ਕਾਂਡ; ਜਵਾਈ ਹੀ ਨਿਕਲਿਆ ਸੱਸ ਦਾ ਕਾ+ਤ+ਲ
ਕਮੇਟੀ ਦੀ ਸਹਿਮਤੀ ਤੋਂ ਬਾਅਦ ਹੁਣ ਸਰਕਾਰ ਬਠਿੰਡਾ ਦੀ ਜਨਤਾ ਤੋਂ ਮੰਗੇਗੀ ਇਤਰਾਜ਼
ਨਿਗਮ ਅਧਿਕਾਰੀਆਂ ਮੁਤਾਬਕ ਵਾਰਡਬੰਦੀ ਲਈ ਬਣੀ ਕਮੇਟੀ ਵੱਲੋਂ ਤਿਆਰੀ ਕੀਤੀ ਰੀਪੋਰਟ ‘ਤੇ ਸਹਿਮਤੀ ਹੋਣ ਤੋਂ ਬਾਅਦ ਹੁਣ ਸਰਕਾਰ ਦੇ ਵੱਲੋਂ ਜਨਤਕ ਤੌਰ ‘ਤੇ ਬਠਿੰਡਾ ਦੇ ਲੋਕਾਂ ਕੋਲੋਂ ਇਤਰਾਜ਼ ਮੰਗੇ ਜਾਣਗੇ।ਇੰਨ੍ਹਾਂ ਇਤਰਾਜ਼ਾਂ ਤੋਂ ਬਾਅਦ ਨਵੇਂ ਬਣ ਵਾਲੇ ਵਾਰਡ ਫ਼ਾਈਨਲ ਹੋਣਗੇ ਅਤੇ ਇੰਨ੍ਹਾਂ ਵਾਰਡਾਂ ਵਿਚ ਆਬਾਦੀ, ਵੋਟਰ, ਐਸਸੀ, ਬੀਸੀ ਵੋਟ ਆਦਿ ਸਾਰੇ ਪੱਖਾਂ ਨੂੰ ਧਿਆਨ ਵਿਚ ਰੱਖਿਆ ਜਾਵੇਗਾ। ਜਿਸਤੋਂ ਬਾਅਦ ਫ਼ਾਈਨਲ ਨੋਟੀਫਿਕੇਸ਼ਨ ਜਾਰੀ ਹੋਵੇਗਾ।
ਇਹ ਵੀ ਪੜ੍ਹੋ MLA Harmeet Singh Pathanmajra ਦੀਆਂ ਮੁਸ਼ਕਿਲਾਂ ਵਧੀਆਂ; ਅਦਾਲਤ ਨੇ ਦਿੱਤਾ ਭਗੋੜਾ ਕਰਾਰ
ਫ਼ਰਵਰੀ 26 ਵਿਚ ਹੋਣੀ ਹੈ ਬਠਿੰਡਾ ਨਗਰ ਦੇ ਹਾਊਸ ਦੀ ਮਿਆਦ ਖ਼ਤਮ
ਸੂਬੇ ਦੇ ਪੰਜਵੇਂ ਮਹਾਂਨਗਰ ਬਠਿੰਡਾ ਨਗਰ ਨਿਗਮ ਦੇ ਜਨਰਲ ਹਾਊਸ ਦੀ ਮਿਆਦ ਫ਼ਰਵਰੀ 2026 ਦੇ ਵਿਚ ਖ਼ਤਮ ਹੋਣ ਜਾ ਰਹੀ ਹੈ। ਹਾਲਾਂਕਿ ਇਸਤੋਂ ਪਹਿਲਾਂ ਕਦੇ ਵੀ ਮਿਆਦ ਖ਼ਤਮ ਹੋਣ ਤੋਂ ਬਾਅਦ ਸਮੇਂ ਸਿਰ ਚੋਣ ਨਹੀਂ ਹੋਏ ਪ੍ਰੰਤੂ ਹੁਣ ਜਿਸ ਤਰ੍ਹਾਂ ਤੇਜ਼ੀ ਨਾਲ ਪ੍ਰੀਕ੍ਰਿਆ ਸਿਰੇ ਚੜ੍ਹ ਰਹੀ ਹੈ, ਉਸਤੋਂ ਇਸ ਵਾਰ ਸਮੇਂ ਸਿਰ ਚੋਣਾਂ ਹੋਣ ਦੀ ਉਮੀਦ ਬੱਝ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
