👉ਮੈਨੇਜਮੈਂਟ ਕਮੇਟੀ ਨੇ ਮੌਜੂਦਾ ਪ੍ਰਿੰਸੀਪਲ ਦੇ ਨਾਲ ਨਵੇਂ ਪ੍ਰਿੰਸੀਪਲ ਨੂੰ ਬਿਠਾਇਆ
Bathinda News: ਬਠਿੰਡਾ ਦੀ ਇਤਿਹਾਸਕ ਤੇ ਧਾਰਮਿਕ ਸੰਸਥਾ ਖਾਲਸਾ ਦੀਵਾਨ ਗੁਰਦੂਆਰਾ ਸਿੰਘ ਸਭਾ(ਰਜ਼ਿ) ਦੇ ਅਧੀਨ ਚੱਲ ਰਹੇ ਬਠਿੰਡਾ ਦੇ ਨਾਮੀਂ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਹੁਣ ਮੁੜ ਵਿਵਾਦਾਂ ‘ਚ ਆ ਗਿਆ ਹੈ। ਅਪ੍ਰੈਲ ਮਹੀਨੇ ‘ਚ ਖਾਲਸਾ ਦੀਵਾਨ ਦੀ ਨਵੀਂ ਚੁਣੀ ਗਈ ਕਮੇਟੀ ਵੱਲੋਂ ਵੀਰਵਾਰ ਨੂੰ ਕਥਿਤ ਤੌਰ ‘ਤੇ ਜਬਰੀ ਪੁਰਾਣੇ ਪ੍ਰਿੰਸੀਪਲ ਨੂੰ ਹਟਾਉਣ ਦੇ ਮਾਮਲੇ ਨੂੰ ਲੈ ਕੇ ਸਕੂਲ ਦਾ ਸਟਾਫ਼ ਭੜਕ ਗਿਆ। ਅਚਾਨਕ ਖਾਲਸਾ ਦੀਵਾਨ ਤੇ ਖਾਲਸਾ ਸਕੂਲ ਦੀ ਕਮੇਟੀ ਵੱਲੋਂ ਪ੍ਰਧਾਨ ਹਰਦੀਪਕ ਸਿੰਘ ਦੀ ਅਗਵਾਈ ਵਿਚ ਸਕੂਲ ‘ਚ ਪੁੱਜ ਕੇ ਮੌਜੂਦਾ ਪ੍ਰਧਾਨ ਨੂੰ ਕੁਰਸੀ ਛੱਡਣ ਦੇ ਹੁਕਮ ਸੁਣਾਉਣ ਤੋਂ ਮਾਹੌਲ ਇੱਕਦਮ ਤਲਖੀ ਵਾਲਾ ਹੋ ਗਿਆ ਤੇ ਸਕੂਲ ਦਾ ਮੌਜੂਦਾ ਸਟਾਫ਼ ਪ੍ਰਿੰਸੀਪਲ ਦੇ ਹੱਕ ਵਿਚ ਡਟ ਗਿਆ।
ਇਹ ਵੀ ਪੜ੍ਹੋ ਫਾਜ਼ਿਲਕਾ ਕਤਲ ਕੇਸ ਵਿੱਚ ਲੋੜੀਂਦੇ ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਦੋ ਕਾਰਕੁਨ ਗ੍ਰਿਫ਼ਤਾਰ; ਗਲੌਕ ਬਰਾਮਦ
ਇਸ ਦੌਰਾਨ ਦੋਨਾਂ ਧਿਰਾਂ ਵਿਚਕਾਰ ਮਾਹੌਲ ਤਲਖੀ ਵਾਲਾ ਹੋ ਗਿਆ ਤੇ ਸਕੂਲ ਸਟਾਫ਼ ਵੱਲੋਂ ਕਮੇਟੀ ਦੇ ਵਿਰੁਧ ਨਾਅਰੇਬਾਜ਼ੀ ਕਰ ਦਿੱਤੀ। ਮਾਹੌਲ ਗਰਮਾਉਣ ਦੀ ਸੂਚਨਾ ਮਿਲਦੇ ਹੀ ਥਾਣਾ ਕੋਤਵਾਲੀ ਦੇ ਐਸਐਚਓ ਇੰਸਪੈਕਟਰ ਪਰਵਿੰਦਰ ਸਿੰਘ ਪੁਲਿਸ ਫ਼ੌਰਸ ਸਮੇਤ ਮੌਕੇ ਉਪਰ ਪੁੱਜ ਗਏ ਤੇ ਦੋਨਾਂ ਧਿਰਾਂ ਨੂੰ ਸ਼ਾਂਤ ਕੀਤਾ। ਇਸ ਦੌਰਾਨ ਸਕੂਲ ਕਮੇਟੀ ਵੱਲੋਂ ਮੌਜੂਦਾ ਪ੍ਰਿੰਸੀਪਲ ਜਗਤਾਰ ਸਿੰਘ ਬਰਾੜ ਦੇ ਨਾਲ ਹੀ ਬਰਾਬਰ ਕੁਰਸੀ ਲਗਾ ਕੇ ਇੱਕ ਸਾਬਕਾ ਅਧਿਆਪਕ ਸਵਰਨਜੀਤ ਸਿੰਘ ਨੂੰ ਬਿਠਾ ਦਿੱਤਾ। ਦੂਜੇ ਪਾਸੇ ਮੌਜੂਦਾ ਪ੍ਰਿੰਸੀਪਲ ਨੇ ਕਮੇਟੀ ਦੀ ਇਸ ਕਾਰਵਾਈ ਨੂੰ ਗੈਰ ਵਿਧਾਨਕ ਕਰਾਰ ਦਿੰਦਿਆਂ ਸਕੂਲ ਹਾਜ਼ਰੀ ਵਾਲਾ ਰਜਿਸਟਰ ਦੇਣ ਤੋਂ ਮਨਾਂ ਕਰ ਦਿੱਤਾ।
ਇਹ ਵੀ ਪੜ੍ਹੋ ਵੱਡੀ ਖ਼ਬਰ; ਪੰਜਾਬ ਵਜਾਰਤ ਨੇ ਲਿਆ ਵੱਡਾ ਫੈਸਲਾ, ਲੈਂਡ ਪੂਲਿੰਗ ਪਾਲਿਸੀ ਨੂੰ ਕੀਤਾ ਡੀ-ਨੋਟੀਫਾਈ
ਆਪਣਾ ਪੱਖ ਰੱਖਦਿਆਂ ਸਕੂਲ ਪ੍ਰਿੰਸੀਪਲ ਜਗਤਾਰ ਸਿੰਘ ਬਰਾੜ ਨੇ ਨਵੀਂ ਕਮੇਟੀ ਉਪਰ ਧੱਕੇਸ਼ਾਹੀ ਕਰਨ ਦਾ ਦੋਸ਼ ਲਗਾਉਂਦਿਆਂ ਦਾਅਵਾ ਕੀਤਾ ਕਿ ਗੋਰਮਿੰਟ ਏਡਿਡ ਸਕੂਲਾਂ ਦੇ ਵਿਧਾਨ ਮੁਤਾਬਕ ਸਕੂਲ ਪ੍ਰਿੰਸੀਪਲ ਸਿਰਫ਼ ਸਕੂਲ ਦੇ ਸਟਾਫ ਵਿਚੋਂ ਹੀ ਲਗਾਇਆ ਜਾ ਸਕਦਾ, ਜਦਕਿ ਨਵੀਂ ਕਮੇਟੀ ਵੱਲੋਂ ਇੱਕ ਬਾਹਰਲੇ ਰਿਟਾਇਡ ਵਿਅਕਤੀ ਨੂੰ ਜਬਰੀ ਇੱਥੇ ਪ੍ਰਿੰਸੀਪਲ ਥੋਪਣ ਦੀ ਕੋਸਿਸ ਕੀਤੀ ਗਈ ਹੈ। ਉਨ੍ਹਾਂ ਡਿਪਟੀ ਕਮਿਸ਼ਨਰ ਨੂੰ ਅਪੀਲ ਕੀਤੀ ਕਿ ਮਾਮਲੇ ਦੀ ਜਾਂਚ ਕਰਵਾਈ ਜਾਵੇ ਤਾਂ ਕਿ ਸਕੂਲ ਸਟਾਫ਼ ਨੂੰ ਜਾਣਬੁੱਝ ਕੇ ਤੰਗ ਪ੍ਰੇਸ਼ਾਨ ਨਾਂ ਕੀਤਾ ਜਾਵੇਗਾ। ਉਧਰ, ਖਾਲਸਾ ਦੀਵਾਨ ਸੰਸਥਾ ਦੇ ਪ੍ਰਧਾਨ ਹਰਦੀਪਕ ਸਿੰਘ ਨੇ ਦਾਅਵਾ ਕੀਤਾ ਕਿ ਸਕੂਲ ਸਟਾਫ਼ ਅਤੇ ਪ੍ਰਿੰਸੀਪਲ ਵਿਰੁਧ ਕਾਫ਼ੀ ਸਿਕਾਇਤਾਂ ਮਿਲੀਆਂ ਸਨ, ਜਿਸਦੇ ਚੱਲਦੇ ਇੱਥੇ ਨਵੇਂ ਪ੍ਰਿੰਸੀਪਲ ਨੂੰ ਲਗਾਇਆ ਗਿਆ। ਪ੍ਰਧਾਨ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਵੱਲੋਂ ਇਹ ਕਾਰਵਾਈ ਨਿਯਮਾਂ ਮੁਤਾਬਕ ਹੀ ਕੀਤੀ ਗਈ ਹੈ ਤੇ ਸੰਸਥਾ ਦੀ ਕਮੇਟੀ ਵੱਲੋਂ ਇਸ ਸਬੰਧ ਵਿਚ ਮਤਾ ਪਾਇਆ ਗਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
