Bathinda News:ਮਾਲਵਾ ਪੱਟੀ ’ਚ ਕਾਂਗਰਸ ਦਾ ਗੜ੍ਹ ਮੰਨੇ ਜਾਣ ਵਾਲੇ ਬਠਿੰਡਾ ਸ਼ਹਿਰੀ ਹਲਕੇ ’ਚ ਵੱਡਾ ਸਿਆਸੀ ਧਮਾਕਾ ਹੋ ਗਿਆ ਹੈ। ਪਿਛਲੇ ਦਿਨੀਂ ਕਾਂਗਰਸ ਪਾਰਟੀ ਨਾਲ ਸਬੰਧਤ ਸੀਨੀਅਰ ਡਿਪਟੀ ਮੇਅਰ ਅਸੋਕ ਪ੍ਰਧਾਨ ਵਿਰੁਧ ਮੇਅਰ ਮਹਿਤਾ ਧੜੇ ਵੱਲੋਂ ਲਿਆਂਦੇ ਬੇਭਰੋਸਗੀ ਦੇ ਮਤੇ ਦੌਰਾਨ ਪਾਰਟੀ ਦੇ ਉਲਟ ਭੁਗਤਣ ਵਾਲੇ ਕੌਂਸਲਰਾਂ ਤੇ ਆਗੂਆਂ ਵਿਰੁਧ ਪਾਰਟੀ ਹਾਈਕਮਾਂਡ ਨੇ ਵੱਡੀ ਕਾਰਵਾਈ ਕੀਤੀ ਹੈ। ਜ਼ਿਲ੍ਹਾ ਪ੍ਰਧਾਨ ਅਤੇ ਸ਼ਹਿਰ ਦੇ ਸੀਨੀਅਰ ਆਗੂਆਂ ਤੇ ਪਾਰਟੀ ਨਾਲ ਡਟਣ ਵਾਲੇ ਕੌਸਲਰਾਂ ਦੀ ਸਿਕਾਇਤ ’ਤੇ ਪਾਰਟੀ ਦੇ ਅਨੁਸਾਸਨੀ ਕਮੇਟੀ ਦੇ ਚੇਅਰਮੈਨ ਅਵਤਾਰ ਹੈਨਰੀ ਵੱਲੋਂ ਪੰਜਾਬ ਕਾਂਗਰਸ ਦੇ ਡੈਲੀਗੇਟ ਪਵਨ ਮਾਨੀ ਸਹਿਤ ਕੁੱਲ 11 ਕੌਸਲਰਾਂ ਨੂੰ ਬੁਧਵਾਰ ਵਾਲੇ ਦਿਨ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤੇ ਗਏ ਹਨ। ਜਦੋਂਕਿ ਅੱਜ ਹੋਰ ਨੋਟਿਸ ਵੀ ਜਾਰੀ ਹੋ ਸਕਦੇ ਹਨ। ਸੂਚਨਾ ਮੁਤਾਬਕ ਇੰਨ੍ਹਾਂ ਨੋਟਿਸਾਂ ਰਾਹੀਂ ਕੌਂਸਲਰਾਂ ਤੇ ਆਗੂਆਂ ਕੋਲੋਂ ਤਿੰਨ ਦਿਨਾਂ ਦੇ ਅੰਦਰ-ਅੰਦਰ ਜਵਾਬ ਮੰਗਿਆ ਗਿਆ ਹੈ।
ਇਹ ਵੀ ਪੜ੍ਹੋ ਮੁਲਜਮਾਂ ਖਿਲਾਫ਼ ਕਾਰਵਾਈ ਕਰਨ ਬਦਲੇ ਮੁਦਈ ਤੋਂ 10,000 ਰੁਪਏ ਦੀ ਰਿਸ਼ਵਤ ਲੈਂਦਾ ਥਾਣੇਦਾਰ ਵਿਜੀਲੈਂਸ ਵੱਲੋਂ ਕਾਬੂ
ਚਰਚਾ ਹੈ ਕਿ ਪਾਰਟੀ ਹੁਣ ਸਖ਼ਤੀ ਦੇ ਮੂਡ ਵਿਚ ਹੈ ਤੇ ਜਲਦੀ ਹੀ ਵੱਡੀ ਕਾਰਵਾਈ ਕਰਨ ਜਾ ਰਹੀ ਹੈ। ਪਾਰਟੀ ਦੇ ਜ਼ਿਲ੍ਹਾ ਪ੍ਰਧਾਨ ਰਾਜਨ ਗਰਗ ਨੇ ਅਨੁਸਾਸ਼ਨੀ ਕਮੇਟੀ ਵੱਲੋਂ ਨੋਟਿਸ ਕੱਢੇ ਜਾਣ ਦੀ ਪੁਸ਼ਟੀ ਕਰਦਿਆਂ ਦਸਿਆ, ‘‘ ਵਾਰ-ਵਾਰ ਪਾਰਟੀ ਦੇ ਅਨੁਸਾਸ਼ਨ ਭੰਗ ਕਰਨ ਵਾਲਿਆਂ ਨੂੰ ਹੁਣ ਬਖ਼ਸਿਆਂ ਨਹੀਂ ਜਾਵੇਗਾ। ’’ ਉਨ੍ਹਾਂ ਦਸਿਆ ਕਿ 2 ਮਈ ਨੂੰ ਪਾਰਟੀ ਦੇ ਸੀਨੀਅਰ ਆਗੂ ਵਿਰੁਧ ਆਏ ਬੇਭਰੋਸਗੀ ਮਤੇ ਦੌਰਾਨ ਜਿਸ ਤਰ੍ਹਾਂ ਕੌਂਸਲਰਾਂ ਨੇ ਵਿਰੋਧ ਕੀਤਾ, ਉਸਦਾ ਸਖ਼ਤ ਨੋਟਿਸ ਲਿਆ ਗਿਆ ਹੈ ਤੇ ਪਾਰਟੀ ਹਾਈਕਮਾਂਡ ਇਸ ਮਸਲੇ ’ਤੇ ਗੰਭੀਰ ਹੈ।
ਇਹ ਵੀ ਪੜ੍ਹੋ ਪੰਜਾਬ ਦੇ ਵੱਖ-ਵੱਖ ਆਗੂਆਂ ਨੇ ਸੰਸਦ ਮੈਂਬਰ ਮਨੀਸ਼ ਤਿਵਾੜੀ ਨਾਲ ਕੀਤੀ ਮੁਲਾਕਾਤ
ਸੂਚਨਾ ਮੁਤਾਬਕ ਜਿੰਨ੍ਹਾਂ ਕੌਸਲਰਾਂ ਨੂੰ ਨੋਟਿਸ ਕੱਢਿਆ ਗਿਆ ਹੈ, ਉਸਦੇ ਵਿਚ ਕਾਂਗਰਸ ਦੇ ਡੈਲੀਗੇਟ ਪਵਨ ਮਾਨੀ ਤੇ ਉਨ੍ਹਾਂ ਦੀ ਕੌਸਲਰ ਪਤਨੀ ਪ੍ਰਵੀਨ ਗਰਗ, ਕਾਂਗਰਸ ’ਚੋਂ ਮੁਅੱਤਲ ਕੀਤੇ ਜਾ ਚੁੱਕੇ ਕਾਰਜਕਾਰੀ ਬਲਾਕ ਪ੍ਰਧਾਨ ਵਿਪਨ ਮਿੱਤੂ ਦੀ ਕੌਸਲਰ ਪਤਨੀ ਪੁਸ਼ਪਾ ਰਾਣੀ, ਮੁਅੱਤਲ ਆਗੂ ਚਰਨਜੀਤ ਸਿੰਘ ਭੋਲਾ ਦੀ ਪਤਨੀ ਕਮਲਜੀਤ ਕੌਰ ਭੋਲਾ, ਕੌਸਲਰ ਸੁਰੇਸ਼ ਚੌਹਾਨ, ਕੌਸਲਰ ਸ਼ਾਮ ਲਾਲ ਜੈਨ, ਮਹਿਲਾ ਕੌਸਲਰ ਕੁਲਵਿੰਦਰ ਕੌਰ, ਕੌਸਲਰ ਰਾਜ ਰਾਣੀ, ਕੌਸਲਰ ਨੇਹਾ ਜਿੰਦਲ, ਕੌਸਲਰ ਮਮਤਾ ਸੈਣੀ ਤੇ ਕੌਸਲਰ ਕਮਲੇਸ਼ ਮਹਿਰਾ ਸ਼ਾਮਲ ਹੈ। ਦਸਣਾ ਬਣਦਾ ਹੈ ਕਿ ਉਕਤ ਬੇਭਰੋਸਗੀ ਮਤੇ ਦੌਰਾਨ ਕੌਸਲਰ ਬਲਰਾਜ ਪੱਕਾ , ਪ੍ਰਵੀਨ ਗਰਗ ਮਾਨੀ ਤੇ ਜਸਵੀਰ ਸਿੰਘ ਜੱਸਾ ਗੈਰ-ਹਾਜ਼ਰ ਰਹੇ ਸਨ। ਜਦੋਂਕਿ ਦੂਜਿਆਂ ਨੇ ਪਾਰਟੀ ਆਗੂ ਦੇ ਉਲਟ ਹੱਥ ਖੜੇ ਕੀਤੇ ਸਨ। ਇੱਥੇ ਇਹ ਵੀ ਦਸਣਾ ਬਣਦਾ ਹੈ ਕਿ ਇੰਨ੍ਹਾਂ ਵਿਚੋਂ ਜਿਆਦਾਤਰ ਕੌਸਲਰ 5 ਫ਼ਰਵਰੀ 2025 ਨੂੰ ਮੇਅਰ ਦੀ ਹੋਈ ਚੋਣ ਦੌਰਾਨ ਕਾਂਗਰਸ ਦੇ ਉਲਟ ਭੁਗਤੇ ਸਨ ਤੇ ਉਸ ਸਮੇਂ ਵੀ ਇੱਕ ਦਰਜ਼ਨ ਦੇ ਕਰੀਬ ਕੌਸਲਰਾਂ ਨੂੰ ਨੋਟਿਸ ਜਾਰੀ ਕੀਤੇ ਗਏ ਸਨ, ਜਿਸਦੇ ਵਿਚੋਂ ਤਿੰਨ ਕੌਸਲਰਾਂ ਸੋਨੀਆ ਬਾਂਸਲ, ਅਨੀਤਾ ਗੋਇਲ ਤੇ ਵਿਕਰਮ ਕ੍ਰਾਂਤੀ ਨੂੰ ਪਾਰਟੀ ਵਿਚੋਂ ਬਾਹਰ ਕੱਢ ਦਿੱਤਾ ਗਿਆ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
