👉ਆਯੂਸਮਾ ਸਕੀਮ ਵਾਲੇ ਮਰੀਜ਼ਾਂ ਤੋਂ ਖਾਣੇ ਦੇ ਨਹੀਂ ਲਏ ਵੱਖਰੇ ਪੈਸੇ, ਏਮਜ਼ ਡਾਇਰੈਕਟਰ ਨੇ ਕੀਤੀ ਸ਼ੁਰੂਆਤ
Bathinda News: ਮਾਲਵਾ ਪੱਟੀ ਤੋਂ ਇਲਾਵਾ ਹਰਿਆਣਾ ਤੇ ਰਾਜਸਥਾਨ ਦੇ ਮਰੀਜ਼ਾਂ ਲਈ ਵਰਦਾਨ ਸਾਬਤ ਹੋ ਰਹੇ ਬਠਿੰਡਾ ਏਮਜ਼ ਵੱਲੋਂ ਹੁਣ ਹਸਪਤਾਲ ਦੇ ਮਰੀਜ਼ਾਂ ਲਈ ਵੱਡਾ ਉਪਰਾਲਾ ਕੀਤਾ ਗਿਆ ਹੈ। ਇੱਥੇ ਦਾਖਲ ਹੋਣ ਵਾਲੇ ਹਰ ਮਰੀਜ਼ ਨੂੰ ਹੁਣ ਏਮਜ਼ ਆਪਣੇ ਪੱਧਰ ‘ਤੇ ਬੈੱਡ ਉਪਰ ਖਾਣਾ ਮੁਹੱਈਆ ਕਰਵਾਏਗਾ। ਵੱਡੀ ਗੱਲ ਇਹ ਵੀ ਹੈ ਕਿ ਆਯੂਸਮਾਨ ਸਕੀਮ ਤਹਿਤ ਦਾਖਲ ਹੋਣ ਵਾਲੇ ਮਰੀਜ਼ਾਂ ਤੋਂ ਖਾਣੇ ਦੇ ਕੋਈ ਵੱਖਰੇ ਪੈਸੇ ਨਹੀਂ ਲਏ ਜਾਣਗੇ, ਬਲਕਿ ਇਹ ਖਾਣਾ ਵੀ ਕਾਰਡ ਦੇ ਵਿਚ ਮਿਲਦੇ ਪੈਕੇਜ਼ ‘ਚ ਹੀ ਉਪਲਬਣ ਹੋਵੇਗਾ।
ਇਹ ਵੀ ਪੜ੍ਹੋ ਪੰਜਾਬ ‘ਚ ਔਰਤਾਂ ਨੂੰ ਕਦ ਮਿਲਣਗੇ 1000 ਰੁਪਏ ਪ੍ਰਤੀ ਮਹੀਨਾ; ਮੁੱਖ ਮੰਤਰੀ ਨੇ ਕੀਤਾ ਅਹਿਮ ਐਲਾਨ
ਜਦਕਿ ਪ੍ਰਾਈਵੇਟ ਮਰੀਜ਼ਾਂ ਨੂੰ ਬਹੁਤ ਘੱਟ ਰੇਟਾਂ ‘ਤੇ ਇਹ ਖਾਣਾ ਉੱਪਲਬਧ ਹੋਵੇਗਾ। ਬਠਿੰਡਾ ਏਮਜ਼ ਦੇ ਪ੍ਰਬੰਧਕ ਨਿਰਦੇਸ਼ਕ ਪ੍ਰੋ. (ਡਾ.) ਰਤਨ ਗੁਪਤਾ ਦੀ ਅਗਵਾਈ ਹੇਠ ਭਰਤੀ ਮਰੀਜਾਂ ਲਈ ਕਿਚਨ ਸੇਵਾਵਾਂ ਦੀ ਸਫਲ ਸ਼ੁਰੂਆਤ ਕੀਤੀ ਗਈ ਹੈ। ਇਸ ਯੋਜਨਾ ਦੀ ਮਹੱਤਵਪੂਰਨ ਪਹਿਲੂ ਇਹ ਵੀ ਹੈ ਕਿ ਏਮਜ਼ ਦੇ ਡਾਇਟੀਸ਼ੀਅਨਾਂ ਦੀ ਨਿਗਰਾਨੀ ਹੇਠ ਸਾਫ-ਸੁਥਰਾ, ਤਾਜ਼ਾ ਅਤੇ ਪੋਸ਼ਟਿਕ ਭੋਜਨ ਮਰੀਜ਼ਾਂ ਨੂੰ ਉਪਲਬਧ ਹੋਵੇਗਾ, ਜੋਕਿ ਉਨ੍ਹਾਂ ਦੀ ਜਲਦੀ ਸਿਹਤ ਸੁਧਾਰ ਵਿਚ ਵੱਡੀ ਭੂਮਿਕਾ ਨਿਭਾਏਗਾ। ਇਸ ਯੋਜਨਾ ਦੀ ਸ਼ੁਰੂਆਤ ਮੌਕੇ ਏਮਜ਼ ਦੇ ਡਾ. ਰਾਜੀਵ ਕੁਮਾਰ (ਮੈਡੀਕਲ ਸੁਪਰਿੰਟੈਂਡੈਂਟ), ਕਰਨਲ ਰਾਜੀਵ ਸੇਨ ਰਾਏ (ਡਿਪਟੀ ਡਾਇਰੈਕਟਰ), ਡਾ. ਮੂਨੀਸ ਮਿਰਜ਼ਾ (ਹੈੱਡ, ਹਸਪਤਾਲ ਪ੍ਰਬੰਧਨ ਵਿਭਾਗ), ਇੰਜੀ. ਅਭਿਨਵ ਕੁਮਾਰ (ਐਗਜ਼ਿਕਿਊਟਿਵ ਇੰਜੀਨੀਅਰ) ਅਤੇ ਡਾਇਟੀਟਿਕਸ ਵਿਭਾਗ ਦੀ ਟੀਮ ਡਾ. ਕਾਮਨਾ ਭਾਟੀ (ਡਾਇਟੀਸ਼ੀਅਨ), ਸੁਸ਼ਰੀ ਅੰਕੀਤਾ (ਸਹਾਇਕ ਡਾਇਟੀਸ਼ੀਅਨ), ਸੁਸ਼ਰੀ ਪੂਜਾ ਕੁਮਾਰੀ (ਸਹਾਇਕ ਡਾਇਟੀਸ਼ੀਅਨ) ਆਦਿ ਵੀ ਮੌਜੂਦ ਰਹੇ।
ਇਹ ਵੀ ਪੜ੍ਹੋ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਵੱਲੋਂ 3.15 ਲੱਖ ਪੈਨਸ਼ਨਰਾਂ ਲਈ ‘ਪੈਨਸ਼ਨਰ ਸੇਵਾ ਪੋਰਟਲ’ ਦੀ ਸ਼ੁਰੂਆਤ
ਇਸ ਮੌਕੇ ‘ਤੇ ਡਾ. ਕਾਮਨਾ ਭਾਟੀ ਨੇ ਦੱਸਿਆ ਕਿ ਇੱਹ ਕਿਚਨ ਵਿਚੋਂ ਰੋਜਾਨਾ ਪੰਜ ਸੇਵਾਵਾਂ ਦਿਤੀਆਂ ਜਾਣਗੀਆਂ, ਜਿੰਨ੍ਹਾਂ ਵਿਚ ਬਰੇਕਫ਼ਾਸਟ, ਲੰਚ ਤੇ ਡਿੰਨਰ ਅਤੇ ਦੋ ਚਾਹ ਸੇਵਾਵਾਂ ਵੀ ਮੁਹੱਈਆਂ ਹੋਣਗੀਆਂ। ਮਰੀਜ਼ਾਂ ਨੂੰ ਉਨ੍ਹਾਂ ਦੀਆਂ ਚਿਕਿਤਸਾ ਸੰਬੰਧੀ ਲੋੜਾਂ ਮੁਤਾਬਕ ਆਮ ਜਾਂ ਬਿਮਾਰੀ ਮੁਤਾਬਿਕ ਖੁਰਾਕ ਦਿੱਤੀ ਜਾਵੇਗੀ। ਇਸਤੋਂ ਇਲਾਵਾ ਜੋ ਮਰੀਜ਼ ਮੂੰਹ ਰਾਹੀਂ ਭੋਜਨ ਨਹੀਂ ਕਰ ਸਕਦੇ, ਉਨ੍ਹਾਂ ਲਈ ਵਿਸ਼ੇਸ਼ ਟਿਊਬ-ਫੀਡਿੰਗ ਡਾਇਟ ਵੀ ਤਿਆਰ ਕੀਤੇ ਜਾਣਗੇ। ਸਾਰਾ ਭੋਜਨ ਤਿਆਰੀ ਅਤੇ ਸੇਵਾਵਾਂ ਡਾਇਟੀਟਿਕਸ ਵਿਭਾਗ ਦੀ ਸਖਤ ਦੇਖ-ਰੇਖ ਹੇਠ ਕੀਤੀ ਜਾਵੇਗੀ, ਜਿਸ ਨਾਲ ਉੱਚ ਸਫਾਈ, ਭੋਜਨ ਸੁਰੱਖਿਆ ਅਤੇ ਪੋਸ਼ਣ ਨੂੰ ਯਕੀਨੀ ਬਣਾਇਆ ਜਾਵੇਗਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
