Bathinda News: ਸੰਯੁਕਤ ਰਜਿਸਟਰਾਰ ਸਹਿਕਾਰੀ ਸਭਾਵਾਂ ਫਿਰੋਜ਼ਪੁਰ ਮੰਡਲ ਵੱਲੋਂ ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਹਰਾਏਪੁਰ ਵਿਖੇ ਸਹਿਕਾਰੀ ਸਭਾ ਦੇ ਸੇਵਾਮੁਕਤ ਸਕੱਤਰ ਖ਼ਿਲਾਫ਼ ਥਾਣਾ ਨੇਹੀਆਂਵਾਲਾ ਵਿੱਚ ਮਾਮਲਾ ਦਰਜ ਕਰਵਾਇਆ ਗਿਆ ਹੈ।ਜਾਣਕਾਰੀ ਮੁਤਾਬਕ, ਸਹਿਕਾਰੀ ਸਭਾ ਹਰਾਏਪੁਰ ਦੇ ਸਾਬਕਾ ਸਕੱਤਰ ਸ਼ਮਸ਼ੇਰ ਸਿੰਘ ਵੱਲੋਂ ਵਿੱਤੀ ਸਾਲ 2021–22 ਦੌਰਾਨ 19,41,437.37 ਰੁਪਏ ਦਾ ਗ਼ਬਨ ਕੀਤਾ ਗਿਆ। ਇਸ ਵਿੱਚੋਂ ਸਿਰਫ਼ 9000 ਰੁਪਏ ਹੀ ਜਮ੍ਹਾਂ ਦਿਖਾਏ ਗਏ।
ਇਹ ਵੀ ਪੜ੍ਹੋ ਸਹਿਕਾਰੀ ਸਭਾ ’ਚ DAP ਖਾਦ ਦੇ ਨਾਲ ਨੈਨੋ ਦੀ ਸਪਲਾਈ ਦੇ ਵਿਰੋਧ ‘ਚ ਨਿੱਤਰੀ ਉਗਰਾਹਾ ਕਿਸਾਨ ਜਥੈਬੰਦੀ
ਥਾਣਾ ਨੇਹੀਆਂਵਾਲਾ ਦੇ ਤਫਤੀਸ਼ੀ ਅਫਸਰ ਬਹਾਦਰ ਸਿੰਘ ਅਨੁਸਾਰ, ਸਕੱਤਰ ਨੇ ਆਪਣੇ ਕਾਰਜਕਾਲ ਦੌਰਾਨ ਕੈਟਲ ਫੀਡ ਦੀ ਫਰਜ਼ੀ ਵਿਕਰੀ ਦਰਜ ਕਰਕੇ ਸਟਾਕ ਘਟਾ ਦਿੱਤਾ ਅਤੇ ਨਗਦੀ ਰਕਮ ਨੂੰ ਖੁਰਦਬੁਰਦ ਕਰ ਲਿਆ। ਨਾ ਹੀ ਇਸਦੀ ਕੋਈ ਅਗਲੀ ਐਂਟਰੀ ਕੀਤੀ ਗਈ। ਖ਼ਾਸ ਗੱਲ ਇਹ ਹੈ ਕਿ ਕੈਸ਼ ਬੁੱਕ, ਵਾਊਚਰ ਅਤੇ ਹੋਰ ਬੁਨਿਆਦੀ ਰਿਕਾਰਡ ਵਿੱਚ ਵੀ ਗੜਬੜੀ ਸਾਹਮਣੇ ਆਈ।ਆਡੀਟ ਦੌਰਾਨ ਜਦੋਂ ਇਹ ਗੜਬੜੀ ਸਾਹਮਣੇ ਆਈ ਤਾਂ ਥਾਣਾ ਨੇਹੀਆਂਵਾਲਾ ਵਿੱਚ ਮੁਕੱਦਮਾ ਨੰਬਰ 201 ਤਹਿਤ ਧਾਰਾਵਾਂ 420 ਅਤੇ 409 IPC ਅਧੀਨ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
