Bathinda News: ਬਠਿੰਡਾ ਦੇ ਥਾਣਾ ਨਹਿਆਵਾਲਾ ਦੀ ਪੁਲਿਸ ਨੇ ਆਪਣੇ ਹੀ ਵਿਭਾਗ ਦੇ ਇੱਕ ਏਐਸਆਈ ਵਿਰੁਧ ਬੇਰੁਜਗਾਰ ਨੌਜਵਾਨ ਨੂੰ ਸਬ ਇੰਸਪੈਕਟਰ ਜਾਂ ਪਟਵਾਰੀ ਭਰਤੀ ਕਰਵਾਉਣ ਦੇ ਨਾਂ ‘ਤੇ ਲੱਖਾਂ ਦੀ ਠੱਗੀ ਮਾਰਨ ਦੇ ਦੋਸ਼ਾਂ ਹੇਠ ਪਰਚਾ ਦਰਜ਼ ਕੀਤਾ ਹੈ। ਕੋਟਕਪੂਰਾ ਨਾਲ ਸਬੰਧਤ ਇਸ ਥਾਣੇਦਾਰ ਦਰਸ਼ਨ ਸਿੰਘ ਦੇ ਨਾਂ ਬਠਿੰਡਾ ਦਾ ਇੱਕ ਹੋਮਗਾਰਡ ਜਵਾਨ ਵਿਜੈ ਸਿੰਘ ਅਤੇ ਡੇਰਾ ਬੱਸੀ ਦੇ ਇੱਕ ਲੱਖਾ ਰਾਮ ਦੇ ਵਿਅਕਤੀ ਵਿਰੁਧ ਹਰਰਾਏਪੁਰ ਦੇ ਗੁਰਸਾਹਿਬ ਸਿੰਘ ਨਾਂ ਦੇ ਨੌਜਵਾਨ ਦੇ ਬਿਆਨਾਂ ਉਪਰ 318 ਬੀਐਨਐਸ ਤਹਿਤ ਇਹ ਕਾਰਵਾਈ ਕੀਤੀ ਹੈ। ਹਾਲਾਂਕਿ ਇਸ ਮਾਮਲੇ ਵਿਚ ਕਿਸੇ ਦੀ ਗ੍ਰਿਫਤਾਰੀ ਨਹੀਂ ਹੋਈ ਹੈ।
ਇਹ ਵੀ ਪੜ੍ਹੋ ਬਿਕਰਮ ਮਜੀਠਿਆ ਕੇਸ; ਵਿਜੀਲੈਂਸ ਦਾ ਦਾਅਵਾ,ਜਾਂਚ ਦੌਰਾਨ ਨਸ਼ੀਲੇ ਪਦਾਰਥਾਂ ਦੀ ਵੱਡੀ ਮਨੀ ਲਾਂਡਰਿੰਗ ਦਾ ਖੁਲਾਸਾ
ਮਿਲੀ ਸੂਚਨਾ ਦੇ ਮੁਤਾਬਕ ਸਿਕਾਇਤਕਰਤਾ ਗੁਰਸਾਹਿਬ ਸਿੰਘ ਨੇ ਵਿਜੀਲੈਂਸ ਬਿਊਰੋ ਦੇ ਪੋਰਟਲ ‘ਤੇ ਇਹ ਸਿਕਾਇਤ ਕੀਤੀ ਸੀ ਜਿਸ ਵਿਚ ਉਸਨੇ ਦਸਿਆ ਸੀ ਕਿ ਉਸਦੇ ਵੱਲੋਂ ਪੰਜਾਬ ਪੁਲਿਸ ਵਿਚ ਸਬ ਇੰਸਪੈਕਟਰ ਅਤੇ ਪਟਵਾਰੀ ਦੀ ਪੋਸਟ ਲਈ ਅਪਲਾਈ ਕੀਤਾ ਸੀ। ਉਸਦੇ ਇੱਕ ਜਾਣਕਾਰ ਸਰਬਜੀਤ ਸਿੰਘ ਨੇ ਉਸਨੂੰ ਦਸਿਆ ਕਿ ਉਸਦੇ ਵੱਲੋਂ ਵੀ ਨਾਇਬ ਤਹਿਸੀਲਦਾਰ ਦੀ ਪੋਸਟ ਲਈ ਅਪਲਾਈ ਕੀਤਾ ਸੀ ਤੇ ਦਾਅਵਾ ਕੀਤਾ ਸੀ ਕਿ ਉਸਦੇ ਪਿਤਾ ਰਾਹੀਂ ਕਿਸੇ ਨਾਲ ਗੱਲ ਹੋ ਚੁੱਕੀ ਹੈ ਤੇ ਉਹ 15 ਲੱਖ ਰੁਪਏ ਵਿਚ ਉਸਨੂੰ ਨੌਕਰੀ ਦਿਵਾ ਦਿੱਤੀ ਜਾਵੇਗੀ।
ਇਹ ਵੀ ਪੜ੍ਹੋ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਅੰਤ੍ਰਿਗ ਬੋਰਡ ਦੀ ਚੋਣ ‘ਚ ਹਰਮੀਤ ਸਿੰਘ ਕਾਲਕਾ ਮੁੜ ਬਣੇ ਪ੍ਰਧਾਨ
ਸਰਬਜੀਤ ਦੇ ਕਹਿਣ ‘ਤੇ ਹੀ ਗੁਰਸਾਹਿਬ ਨੇ ਆਪਣੀ ਨੌਕਰੀ ਲਈ ਸਰਬਜੀਤ ਦੇ ਪਿਤਾ ਵਿਜੇ ਸਿੰਘ ਜੋਕਿ ਹੋਮਗਾਰਡ ਦੇ ਜਵਾਨ ਹਨ, ਦੇ ਰਾਹੀਂ ਕੋਟਕਪੂਰਾ ਦੇ ਏਐਸਆਈ ਦਰਸ਼ਨ ਸਿੰਘ ਅਤੇ ਡੇਰਾ ਬੱਸੀ ਦੇ ਲੱਖਾ ਰਾਮ ਨੂੰ ਵੱਖ ਵੱਖ ਸਮਿਆਂ ਦੌਰਾਨ ਆਨਲਾਈਨ ਤਰੀਕੇ ਨਾਲ 5 ਲੱਖ ਰੁਪਏ ਦਾ ਭੁਗਤਾਨ ਕੀਤਾ ਗਿਆ।
ਇਹ ਵੀ ਪੜ੍ਹੋ Big News; ਆਸ਼ੂ ਦੀ ਹੋਈ ਹਾਰ ਤੋਂ ਬਾਅਦ Punjab Congress ਦੇ ਹੋਰ ਸਾਬਕਾ ਵਿਧਾਇਕਾਂ ਨੇ ਦਿੱਤਾ ਅਸਤੀਫ਼ਾ!
ਪ੍ਰੰਤੂ ਬਾਅਦ ਵਿਚ ਨਾਂ ਤਾਂ ਨੌਕਰੀ ਦਿਵਾਈ ਅਤੇ ਨਾਂ ਹੀ ਪੈਸੇ ਵਾਪਸ ਕੀਤੇ। ਹਾਲਾਂਕਿ ਸਿਕਾਇਤਾਂ ਦੇ ਬਾਅਦ ਕਰੀਬ ਡੇਢ ਲੱਖ ਰੁਪਏ ਵਾਪਸ ਕਰ ਦਿੱਤੇ ਗਏ ਪ੍ਰੰਤੂ ਦੂਜੇ ਪੈਸੇ ਦੇਣ ਤੋਂ ਜਵਾਬ ਦੇ ਦਿੱਤਾ। ਇਸ ਮਾਮਲੇ ਵਿਚ ਵਿਜੀਲੈਂਸ ਦੇ ਬਠਿੰਡਾ ਦਫ਼ਤਰ ਵੱਲੋਂ ਵੀ ਪੜਤਾਲ ਕੀਤੀ ਗਈ ਤੇ ਪੜਤਾਲ ਦੌਰਾਨ ਥਾਣੇਦਾਰ ਦਰਸ਼ਨ ਸਿੰਘ, ਹੋਮਗਾਰਡ ਜਵਾਨ ਵਿਜੈ ਸਿੰਘ ਤੇ ਡੇਰਾ ਬੱਸੀ ਲੱਖਾ ਰਾਮ ਅਰੋਪੀ ਪਾਏ ਗਏ। ਜਿਸਤੋਂ ਬਾਅਦ ਹੁਣ ਪੁਲਿਸ ਨੇ ਪਰਚਾ ਦਰਜ਼ ਕਰ ਲਿਆ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
