ਬਠਿੰਡਾ,16 ਮਈ: ਲੋਕ ਸਭਾ ਹਲਕਾ ਬਠਿੰਡਾ ਤੋਂ ਭਾਜਪਾ ਉਮੀਦਵਾਰ ਬੀਬਾ ਪਰਮਪਾਲ ਕੌਰ ਮਲੂਕਾ ਲਈ ਸਾਬਕਾ ਚੇਅਰਮੈਨ ਗੁਰਪ੍ਰੀਤ ਮਲੂਕਾ ਨੇ ਬਠਿੰਡਾ ਦੇਹਾਤੀ ਦੇ ਜੈ ਸਿੰਘ ਵਾਲਾ, ਮਸ਼ਾਣਾ, ਧੰੁਨੀਕੇ, ਫੁੱਲੋ ਮਿੱਠੀ ਤੇ ਨੰਦਗੜ ਸਮੇਤ ਇੱਕ ਦਰਜਨ ਪਿੰਡਾਂ ਚ ਚੋਣ ਪ੍ਰਚਾਰ ਕਰਦਿਆਂ ਦਾਅਵਾ ਕੀਤਾ ਹੈ ਕਿ ਪੰਜਾਬ ’ਚ ਚੋਣ ਨਤੀਜ਼ੇ ਭਾਜਪਾ ਦੇ ਹੱਕ ਵਿਚ ਆਉਣਗੇ। ਵੱਡੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਗੁਰਪ੍ਰੀਤ ਮਲੂਕਾ ਨੇ ਕਿਹਾ ਕਿ ਮੌਜੂਦਾ ਪੰਜਾਬ ਸਰਕਾਰ ਹਰ ਫਰੰਟ ਤੇ ਫਲਾਪ ਸਾਬਿਤ ਹੋਈ ਹੈ ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਕੰਮ ਸਿਰਫ ਇਸ਼ਤਿਹਾਰਬਾਜੀ ਤੱਕ ਹੀ ਸੀਮਤ ਹਨ। ਸੂਬੇ ਦੀ ਤਰੱਕੀ ਤੇ ਖੁਸ਼ਹਾਲੀ ਲਈ ਪੰਜਾਬ ਨੂੰ ਭਾਜਪਾ ਸਰਕਾਰ ਦੀ ਲੋੜ ਹੈੇ।
ਪਿੰਡਾਂ, ਸ਼ਹਿਰਾਂ, ਵਿਦਿਅਕ ਅਦਾਰਿਆਂ ਅਤੇ ਕੋਚਿੰਗ ਸੈਂਟਰਾਂ ’ਚ ਜਾਗਰੂਕਤਾ ਕੈਂਪ ਆਯੋਜਿਤ
ਉਨ੍ਹਾਂ ਕਿਹਾ ਕਿ ਲੋਕ ਸਭਾ ਚੋਣਾਂ ਚ ਮਿਲਣ ਵਾਲੀ ਕਾਮਯਾਬੀ 2027 ਦਾ ਅਧਾਰ ਬਣੇਗੀ ਅਤੇ ਭਾਜਪਾ ਨੂੰ ਸ਼ਹਿਰੀ ਖੇਤਰ ਦੇ ਨਾਲ ਨਾਲ ਪਿੰਡਾਂ ਚੋਂ ਵੀ ਭਾਰੀ ਸਮਰਥਨ ਮਿਲ ਰਿਹਾ ਹੈ। ਇਸ ਮੌਕੇ ਅਮਰਨਾਥ , ਗੁਰਦੀਪ ਸਿੰਘ ਰਾਣਾ ਜੈ ਸਿੰਘ ਵਾਲਾ, ਡਾ ਗੁਰਮੇਲ ਸਿੰਘ, ਗਗਨਦੀਪ ਕੋਟਲੀ, ਹਰਮੇਲ ਸਿੰਘ,ਚਮਨ ਲਾਲ, ਲਾਡੀ, ਲੱਖਾ ਸਿੰਘ, ਜੱਗਾ ਸਿੰਘ, ਮੇਵਾ ਸਿੰਘ, ਬੱਬੂ ਸਿੰਘ, ਭੋਲਾ ਸਿੰਘ, ਗੁਰਵਿੰਦਰ ਸਿੰਘ, ਪੱਪੂ ਬਾਬਾ, ਪਰਮਜੀਤ ਸਿੰਘ, ਜਸਕਰਨ ਸਿੰਘ, ਬੁਗਲੀ ਸ਼ਰਮਾਂ, ਪਾਲਾ ਮੈਂਬਰ, ਸੰਦੀਪ ਸਿੰਘ ਬੱਲੂਆਣਾ, ਗੁਰਦੇਵ ਸਿੰਘ, ਰੇਸ਼ਮ ਸਿੰਘ, ਬਲਵੰਤ ਸਿੰਘ, ਮਨੀਸ਼ ਕੁਮਾਰ, ਕੈਪਟਨ ਚਮਕੌਰ ਸਿੰਘ ਅਤੇ ਮੀਡੀਆ ਇੰਚਾਰਜ ਰਤਨ ਸ਼ਰਮਾ ਮਲੂਕਾ ਤੋਂ ਇਲਾਵਾ ਭਾਜਪਾ ਆਗੂ ਵੱਡੀ ਗਿਣਤੀ ਚ ਹਾਜ਼ਰ ਸਨ।
