Bathinda News: ਪੰਜਾਬ ਸਰਕਾਰ ਵੱਲੋਂ ਲੈਂਡ ਪੁਲਿੰਗ ਸਕੀਮ ਵਾਪਸ ਲੈਣ ਦੀ ਖੁਸ਼ੀ ਵਿੱਚ ਜਿਲਾ ਕਾਂਗਰਸ ਕਮੇਟੀ ਬਠਿੰਡਾ ਸ਼ਹਿਰੀ ਦੀ ਸਮੁੱਚੀ ਲੀਡਰਸ਼ਿਪ ਵੱਲੋਂ ਜ਼ਿਲਾ ਪ੍ਰਧਾਨ ਰਾਜਨ ਗਰਗ ਦੀ ਅਗਵਾਈ ਵਿੱਚ ਕਾਂਗਰਸ ਭਵਨ ਵਿਖੇ ਅੱਜ ਲੱਡੂ ਵੰਡੇ ਗਏ ਅਤੇ ਸਰਕਾਰ ਦੇ ਇਸ ਫੈਸਲੇ ਨੂੰ ਕਿਸਾਨੀ ਅਤੇ ਕਾਂਗਰਸ ਦੇ ਸੰਘਰਸ਼ ਦੀ ਜਿੱਤ ਦੱਸਿਆ। ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਰਾਜਨ ਗਰਗ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਲੈਂਡ ਪੁਲਿੰਗ ਸਕੀਮ ਕਿਸਾਨ ਅਤੇ ਪੰਜਾਬ ਵਿਰੋਧੀ ਸੀ ਜਿਸ ਖਿਲਾਫ ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੀ ਅਗਵਾਈ ਵਿੱਚ ਕਾਂਗਰਸ ਵੱਲੋਂ ਜਿਲਾ ਪੱਧਰ ‘ਤੇ ਵੱਡੇ ਪੱਧਰ ਉਪਰ ਪ੍ਰਦਰਸ਼ਨ ਕੀਤੇ ਗਏ, ਲੋਕ ਸਭਾ ਵਿੱਚ ਵੀ ਆਵਾਜ਼ ਉਠਾਈ ਗਈ, ਅਤੇ ਇਸ ਸਕੀਮ ਨੂੰ ਰੱਦ ਕਰਾਉਣ ਦੀ ਮੰਗ ਕੀਤੀ ਗਈ।
ਇਹ ਵੀ ਪੜ੍ਹੋ ਚੱਲਦੀ ਬੱਸ ‘ਚ ਮੋਬਾਇਲ ‘ਤੇ ਰੀਲਾਂ ਵੇਖਦੇ PRTC ਦੇ ਬੱਸ ਡਰਾਈਵਰ ਦੀ ਵੀਡੀਓ ਵਾਈਰਲ, ਹੋਈ ਵੱਡੀ ਕਾਰਵਾਈ
ਜਿਸ ਕਰਕੇ ਉਸ ਸੰਘਰਸ਼ ਨੂੰ ਬੂਰ ਪਿਆ ਤੇ ਸਰਕਾਰ ਨੇ ਉਹ ਸਕੀਮ ਵਾਪਸ ਲੈ ਲਈ। ਉਹਨਾਂ ਸ਼੍ਰੋਮਣੀ ਅਕਾਲੀ ਦਲ ਤੇ ਤੰਜ ਕਸਦਿਆਂ ਕਿਹਾ ਕਿ ਉਹਨਾਂ ਨੇ ਤਾਂ ਤਿੰਨ ਕਾਲੇ ਕਾਨੂੰਨਾਂ ਦੀ ਹਮਾਇਤ ਕੀਤੀ ਸੀ ਉਹ ਇਸ ਸਕੀਮ ਤੋਂ ਪਾਸੇ ਸਨ ਅਤੇ ਬੀਜੇਪੀ ਤਾਂ ਕਿਸਾਨਾਂ ਨਾਲ ਹਮਦਰਦੀ ਰੱਖਦੀ ਹੀ ਨਹੀਂ ਕਿਉਂਕਿ ਖੁਦ ਬੀਜੇਪੀ ਨੇ ਤਿੰਨ ਕਾਲੇ ਕਾਨੂੰਨ ਲਿਆਂਦੇ ਜਿਸ ਦਾ ਕਿਸਾਨਾਂ ਨੇ ਵੱਡੀ ਗਿਣਤੀ ਵਿੱਚ ਕੁਰਬਾਨੀਆਂ ਦੇ ਕੇ ਫੈਸਲਾ ਰੱਦ ਕਰਵਾਇਆ ਗਿਆ ਅਤੇ ਹੁਣ ਮਾਨ ਸਰਕਾਰ ਬੀਜੇਪੀ ਦੇ ਇਸ਼ਾਰਿਆਂ ਤੇ ਕੰਮ ਕਰਦੇ ਹੋਏ ਲੈਂਡ ਪੁਲਿੰਗ ਸਕੀਮ ਲਿਆਈ ਪਰ ਹੁਣ ਇਸ ਨੂੰ ਵੀ ਪੰਜਾਬੀਆਂ ਨੇ ਰੱਦ ਕਰਵਾ ਦਿੱਤਾ ਹੈ।
ਇਹ ਵੀ ਪੜ੍ਹੋ ਪੈਸਿਆਂ ਬਦਲੇ ‘ਔਰਤ’ ਨੂੰ ਦੋਸਤੀ ਲਈ ਮਜਬੂਰ ਕਰਨ ਵਾਲੇ ‘ਥਾਣੇਦਾਰ’ ਵਿਰੁੱਧ ਪਰਚਾ ਦਰਜ਼
ਇਸ ਮੌਕੇ ਕੇਕੇ ਅਗਰਵਾਲ ਸਾਬਕਾ ਚੇਅਰਮੈਨ, ਸਾਬਕਾ ਮੇਅਰ ਅਸ਼ੋਕ ਕੁਮਾਰ, ਬਲਜਿੰਦਰ ਸਿੰਘ ਠੇਕੇਦਾਰ ਸੀਨੀ ਮੀਤ ਪ੍ਰਧਾਨ , ਮੀਤ ਪ੍ਰਧਾਨ ਰੁਪਿੰਦਰ ਬਿੰਦਰਾ, ਬਲਾਕ ਪ੍ਰਧਾਨ ਮਾਧੋ ਰਾਮ ਸ਼ਰਮਾ ਤੇ ਹਰਵਿੰਦਰ ਲੱਡੂ, ਸੁਨੀਲ ਕੁਮਾਰ ਚੇਅਰਮੈਨ, ਕੌਸਲਰ ਮਲਕੀਤ ਸਿੰਘ ਗਿੱਲ, ਅਸ਼ੋਕ ਭੋਲਾ, ਸਨੀ ਬਰਾਰ ,ਸੁਖਦੇਵ ਸਿੰਘ ਬੁੱਟਰ, ਸੁੱਖਦੇਵ ਸਿੰਘ ਬਾਇਆ,ਨਾਜਰ ਸਿੰਘ, ਬਲਵਿੰਦਰ ਉੱਪਲ, ਸੁਦਰਸ਼ਨ ਸ਼ਰਮਾ ਗੁਰਚਰਨ ਸਿੰਘ,, ਗੰਡਾ ਸਿੰਘ, ਅਮਰਜੀਤ ਓਂਕਾਰ, ਕੁਲਦੀਪ ਸਿੰਘ, ਸ਼ੰਕਰ ਟਾਂਕ, ਹਰੀ ਓਮ ਕਪੂਰ, ਦੁਲੀ ਚੰਦ ਕਲਾਣਿਆ, ਕੈਲਾਸ਼ ਸ਼ਰਮਾ, ਗੁਰਵਿੰਦਰ ਸਿੰਘ ਚਹਿਲ, ਕਰਤਾਰ ਮੇਹਣਾ, ਹਰਵਿੰਦਰ ਸਿੰਘ ਸਿੱਧੂ, ਮੇਹਰ ਸਿੰਘ, ਸੋਮ ਨਾਥ, ਭੂਸ਼ਣ ਸ਼ਰਮਾ, ਰਾਧੇ ਸ਼ਾਮ, ਜਗਦੀਸ ਖੁਰਾਣਾ ਕਰਨਲ ਦਯਾ ਸਿੰਘ, ਨੱਥੂ ਰਾਮ ਪ੍ਰਕਾਸ਼ ਚੰਦ ਸਰਦੁਲ ਸਿੰਘ ਸਮੇਤ ਵੱਡੀ ਗਿਣਤੀ ਵਿੱਚ ਕਾਂਗਰਸੀ ਆਗੂ ਅਤੇ ਵਰਕਰ ਹਾਜ਼ਰ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
