ਪਟਿਆਲਾ 16 ਸਤੰਬਰ: ਭੁਪਿੰਦਰਾ ਰੋਡ ਪਾਰਕ ਵਿਖੇ ਸ੍ਰੀ ਕਮਲ ਵੋਹਰਾ ਸਾਬਕਾ ਨਿਗਰਾਨ ਇੰਜਨੀਅਰ ਪਬਲਿਕ ਹੈਲਥ ਪੰਜਾਬ ਨੂੰ ਉਨਾਂ ਵੱਲੋਂ ਆਪਣੇ ਮਾਤਾ ਪਿਤਾ ਜੀ ਦੀ ਯਾਦ ਵਿੱਚ ਭੁਪਿੰਦਰਾ ਰੋਡ ਪਾਰਕ ਪਟਿਆਲਾ ਵਿੱਚ ਇੱਕ ਸ਼ਾਨਦਾਰ ਅਤਿ ਸੁੰਦਰ ਫੁਆਰਾ ਲਗਵਾਉਣ ਤੇ ਸਨਮਾਨ ਕੀਤਾ ਗਿਆ । ਸੋਮ ਸਿੰਘ ਪ੍ਰਧਾਨ ਭੁਪਿੰਦਰਾ ਰੋਡ ਪਾਰਕ ਵੈਲਫੇਅਰ ਸੋਸਾਇਟੀ ਰਜਿ. ਵੱਲੋਂ ਉਨਾਂ ਨੂੰ ਇੱਕ ਯਾਦਗਾਰੀ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਸਮੇਂ ਵਿਨੋਦ ਕੁਮਾਰ, ਪਵਨ ਗੋਇਲ,ਅਬੇ ਗੋਇਲ ਭਗਵੰਤ ਸਿੰਘ, ਮੇਜਰ ਸਿੰਘ, ਜਸਵੀਰ ਸਿੰਘ ਚੰਦੀ ਬਲਕਾਰ ਸਿੰਘ,ਸਰਵਜੀਤ ਅੱਤਰੀ ਪਵਨਜੀਤ ਸਿੰਘ, ਤਰੁਨ ਜੋਸ਼ੀ, ਅਰਵਿੰਦਰ ਸਿੰਘ ਦਿਓਲ ਅਤੇ ਹੋਰ ਸਾਰੇ ਪਤਵੰਤੇ ਸੱਜਣ ਹਾਜ਼ਰ ਹੋਏ।
Sad news: NEET topper ਡਾਕਟਰ ਦੀ ਰਹੱਸਮਈ ਹਾਲਾਤਾਂ ’ਚ ਹੋਈ ਮੌ+ਤ
ਇਸ ਮੌਕੇ ਸਾਬਕਾ ਪ੍ਰਿੰਸੀਪਲ ਜੇਲ ਟ੍ਰੇਨਿੰਗ ਸਕੂਲ ਪਟਿਆਲਾ ਰਕੇਸ਼ ਸ਼ਰਮਾ ਪੀ.ਪੀ.ਐੱਸ ਰਾਸ਼ਟਰਪਤੀ ਐਵਾਰਡੀ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਅਜਿਹੇ ਸਮਾਜ ਸੇਵੀ ਕੰਮ ਸਾਨੂੰ ਅਗਾਹ ਵੱਧ ਕੇ ਕਰਨੇ ਚਾਹੀਦੇ ਹਨ ਅਤੇ ਕਮਲ ਵੋਹਰਾ ਵੱਲੋਂ ਕੀਤਾ ਗਿਆ ਇਹ ਉਪਰਾਲਾ ਬਹੁਤ ਹੀ ਸਲਾਘਾਯੋਗ ਹੈ । ਇਹ ਸਮਾਜ ਲਈ ਇੱਕ ਪ੍ਰੇਰਨਾ ਹੈ ਅਤੇ ਕਮਲ ਵੋਹਰਾ ਵੱਲੋਂ ਪਬਲਿਕ ਲਈ ਇੱਕ ਖੂਬਸੂਰਤ ਫੁਆਰਾ ਲਵਾਉਣਾ ਸਲਾਘਾਯੋਗ ਕਦਮ ਹੈ।ਇੱਥੇ ਵੀ ਵਰਨਣ ਯੋਗ ਹੈ ਕਿ ਇਸ ਫੁਆਰੇ ਤੇ ਲਗਭਗ ਪੰਜ ਲੱਖ ਦੇ ਕਰੀਬ ਖਰਚਾ ਆਇਆ ਹੈ। ਕਮੇਟੀ ਵੱਲੋਂ ਅਰਵਿੰਦਰ ਸਿੰਘ ਦਿਓਲ ਦਾ ਵੀ ਧੰਨਵਾਦ ਕੀਤਾ ਜਿਨਾਂ ਕੁਝ ਦਿਨ ਪਹਿਲਾਂ ਇੱਕ ਪੱਖਾ ਸਮੇਤ ਉਸ ਨੂੰ ਲਗਾਉਣ ਲਈ ਪੋਲ ਅਤੇ ਸਾਰਾ ਸਾਜੋ ਸਮਾਨ ਦੇ ਕੇ ਪਬਲਿਕ ਲਈ ਇੱਕ ਸਹੂਲਤ ਦਾ ਕੰਮ ਕੀਤਾ।
