ਬਠਿੰਡਾ, 1 ਅਪਰੈਲ: ਪੰਜਾਬੀ ਸਾਹਿਤ ਸਭਾ ਰਜਿ: ਬਠਿੰਡਾ ਵੱਲੋਂ ਡਾ: ਗੁਰਸੇਵਕ ਲੰਬੀ ਦੀ ਨਿਵੇਕਲੀ ਕਿਸਮ ਦੀ ਪੁਸਤਕ ‘ਮੇਰਾ ਬਸਤਾ’ ਤੇ ਸਥਾਨਕ ਟੀਚਰਜ ਹੋਮ ਵਿਖੇ ਵਿਚਾਰ ਚਰਚਾ ਕਰਵਾਈ ਗਈ। ਇਸ ਸਮਾਗਮ ਦੀ ਪ੍ਰਧਾਨਗੀ ਉਘੇ ਵਿਦਵਾਨ ਡਾ: ਸਤੀਸ ਵਰਮਾ ਨੇ ਕੀਤੀ, ਜਦ ਕਿ ਮੁੱਖ ਮਹਿਮਾਨ ਵਜੋਂ ਗੁਰਮੀਤ ਸਿੰਘ ਸਿੱਧੂ ਨੇ ਸਿਰਕਤ ਕੀਤੀ। ਸਮਾਗਮ ਦੀ ਸੁਰੂਆਤ ਕਰਦਿਆਂ ਸਭਾ ਦੇ ਪ੍ਰਧਾਨ ਜਸਪਾਲ ਮਾਨਖੇੜਾ ਨੇ ਮਹਿਮਾਨਾਂ ਤੇ ਸਰੋਤਿਆਂ ਨੂੰ ਜੀ ਆਇਆਂ ਕਹਿੰਦਿਆਂ ਸਭਾ ਦੀਆਂ ਪਿਛਲੇ ਸਮੇਂ ਦੀਆਂ ਪ੍ਰਾਪਤੀਆਂ ਦੀ ਗੱਲ ਵੀ ਕੀਤੀ। ਇਸ ਉਪਰੰਤ ਪੁਸਤਕ ਤੇ ਵਿਚਾਰ ਚਰਚਾ ਸੁਰੂ ਕਰਦਿਆਂ ਮੁੱਖ ਬੁਲਾਰੇ ਡਾ: ਰਜਿੰਦਰਪਾਲ ਸਿੰਘ ਬਰਾੜ ਨੇ ਕਿਹਾ ਕਿ ਪੁਸਤਕ ’ਚ ਅਨੁਭਵ ਦੀ ਪ੍ਰਮਾਣਿਕਤਾ ਬਹੁਤ ਹੈ ਅਤੇ ਰੌਚਕਤਾ ਭਰਪੂਰ ਹੈ। ਲੇਖਕ ਨੇ ਪੁਸਤਕ ਦਾ ਨਾਂ ਮੇਰਾ ਬਸਤਾ ਰੱਖਿਆ ਹੈ, ਇਸ ਚੋਂ ਤੰਗ ਆਰਥਿਕਤਾ ਦੀ ਝਲਕ ਮਿਲਦੀ ਹੈ।
ਡਾ ਧਰਮਵੀਰ ਗਾਂਧੀ ਪਟਿਆਲਾ ਤੋਂ ਪ੍ਰਨੀਤ ਕੌਰ ਦਾ ਕਰਨਗੇ ਮੁਕਾਬਲਾ, ਅੱਜ ਹੋਣਗੇ ਕਾਂਗਰਸ ‘ਚ ਸਾਮਲ
ਬਸਤੇ ਤੋਂ ਬੈਗ ਤੱਕ ਦੇ ਸਫ਼ਰ ਦੀ ਦੌੜ ਦਾ ਅਨੁਭਵ ਹੁੰਦਾ ਹੈ। ਇਹ ਕਿਤਾਬ ਵਿਦਿਆਰਥੀਆਂ ਨੂੰ ਪੜ੍ਹਣੀ ਚਾਹੀਦੀ ਹੈ ਖਾਸ ਕਰਕੇ ਗਰੀਬ ਵਰਗ ਦੇ ਵਿਦਿਆਰਥੀਆਂ ਲਈ ਜਰੂਰੀ ਹੈ। ਅਧਿਆਪਕਾਂ ਨੂੰ ਇਹ ਪੁਸਤਕ ਪੜ੍ਹਾਉਣ ਵੱਲ ਧਿਆਨ ਦੇਣਾ ਚਾਹੀਦਾ ਹੈ। ਉਘੇ ਕਹਾਣੀਕਾਰ ਅਤਰਜੀਤ ਨੇ ਕਿਹਾ ਕਿ ਇਹ ਪੁਸਤਕ ਅਕਾਦਮਿਕ ਤੌਰ ਤੇ ਪੜ੍ਹੀ ਜਾਣੀ ਚਾਹੀਦੀ ਹੈ। ਇਹ ਤੰਗੀਆਂ ਤਰੁਸੀਆਂ ਦੀ ਬਾਤ ਵੀ ਪਾਉਂਦੀ ਹੈ ਅਤੇ ਮਾਪਿਆਂ ਦੀ ਸਖ਼ਤ ਮਿਹਨਤ ਨੂੰ ਉਜਾਗਰ ਕਰਦੀ ਹੋਈ ਆਰਥਿਕ ਤੰਗੀ ਦੀ ਜਿੱਲਣ ਚੋਂ ਨਿਕਲਣ ਅਤੇ ਜੀਵਨ ਸੁਧਾਰ ਦੇ ਰਾਹ ਤੁਰਨ ਦੀ ਪ੍ਰੇਰਨਾ ਦਿੰਦੀ ਹੈ।ਆਲੋਚਕ ਗੁਰਦੀਪ ਢਿੱਲੋਂ ਨੇ ਕਿਹਾ ਕਿ ਪੁਸਤਕ ’ਚ ਲੇਖਕ ਨੇ ਆਪਣਾ ਗਿਆਨ ਨਹੀਂ ਘੋਟਿਆ, ਪਰ ਛੋਟੀ ਉਮਰ ਵਿੱਚ ਹੋਣ ਕਰਕੇ ਜੋ ਵੇਖਿਆ ਹੰਢਾਇਆ ਉਹ ਗਿਆਨ ਨਾਲ ਪਾਠਕਾਂ ਦੇ ਪੇਸ਼ ਕੀਤਾ ਹੈ।
ਕੇਕ ਮਾਮਲਾ: ਲੜਕੀ ਦੀ ਮੌਤ ਦੇ ਕੇਸ ’ਚ ਬੇਕਰੀ ਦੇ ਤਿੰਨ ਮੁਲਾਜਮ ਗ੍ਰਿਫਤਾਰ, ਮਾਲਕ ਫ਼ਰਾਰ
ਸ੍ਰੀਮਤੀ ਚਰਨਜੀਤ ਕੌਰ ਬਰਾੜ ਨੇ ਚਰਚਾ ਕਰਦਿਆਂ ਕਿਹਾ ਕਿ ਇਹ ਵਾਰਤਕ ਦੀ ਕਵਿਤਾ ਵਰਗੀ ਪੁਸਤਕ ਹੈ, ਰਚਨਾ ’ਚ ਕਵਿਤਾ ਵਰਗੀ ਰਵਾਨਗੀ ਹੈ। ਬਸਤਾ ਗਿਆਨ ਦਾ ਪਹਿਲਾ ਕਦਮ ਹੁੰਦਾ ਹੈ, ਪੁਸਤਕ ਮੇਰਾ ਬਸਤਾ ਸੰਘਰਸ਼ ਦੀ ਗਾਥਾ ਹੈ। ਲਛਮਣ ਸਿੰਘ ਮਲੂਕਾ, ਜਸਵੀਰ ਸਿੰਘ ਸਿੱਧੂ, ਡਾ: ਗੁਰਜੀਤ ਮਾਨ ਨੇ ਵੀ ਪੁਸਤਕ ਬਾਰੇ ਆਪਣੇ ਵਿਚਾਰ ਪੇਸ਼ ਕੀਤੇ। ਮੁੱਖ ਮਹਿਮਾਨ ਗੁਰਮੀਤ ਸਿੰਘ ਸਿੱਧੂ ਨੇ ਕਿਹਾ ਕਿ ਪੁਸਤਕ ਹਰ ਪੱਖ ਤੋਂ ਸਫ਼ਲ ਹੈ, ਇਨਸਾਨ ਨੂੰ ਹੌਂਸਲੇ ਨਾਲ ਜਿੰਦਗੀ ਜਿਉਣ ਦਾ ਰਾਹ ਵਿਖਾਉਂਦੀ ਹੈ। ਪੁਸਤਕ ਦੇ ਲੇਖਕ ਡਾ: ਗੁਰਸੇਵਕ ਲੰਬੀ ਨੇ ਮੰਨਿਆਂ ਕਿ ਬਸਤਾ ਕੇਵਲ ਮੇਰਾ ਨਹੀਂ ਦੁਨੀਆਂ ਦੇ ਹਰ ਵਿਦਿਆਰਥੀ ਦਾ ਹੁੰਦਾ ਹੈ।
ਬਠਿੰਡਾ ਲੋਕ ਸਭਾ ਹਲਕੇ ਅੰਦਰ ‘ਭਾਜਪਾ’ ਦੇ ਬਾਈਕਾਟ ਦੇ ਪੋਸਟਰ ਲੱਗਣੇ ਸ਼ੁਰੂ
ਮੇਰੇ ਬਸਤੇ ਵਿੱਚ ਤੀਜੀ ਜਮਾਤ ਤੋਂ ਪੀ ਐੱਚ ਡੀ ਤੱਕ ਦੀਆਂ ਯਾਦਾਂ ਨੂੰ ਪਰੋਇਆ ਗਿਆ ਹੈ। ਸੁਆਲਾਂ ਦੇ ਜੁਆਬ ਦਿੰਦਿਆਂ ਡਾ: ਬਰਾੜ ਨੇ ਕਿਹਾ ਕਿ ਪੁਸਤਕ ਤੇ ਸਾਰਥਕ ਚਰਚਾ ਹੋਈ ਹੈ ਤੇ ਪ੍ਰਭਾਵ ਇਹ ਬਣਿਆ ਹੈ ਕਿ ਸਮੁੱਚੇ ਸਮਾਜ ਲਈ ਸੰਤੁਲਣ ਬਣਾ ਕੇ ਹੋਰ ਸਾਹਿਤ ਰਚਣ ਦੀ ਲੇਖਕ ਤੋਂ ਉਮੀਦ ਹੈ। ਆਪਣੇ ਪ੍ਰਧਾਨਗੀ ਭਾਸਣ ਵਿੱਚ ਡਾ: ਸਤੀਸ਼ ਕੁਮਾਰ ਵਰਮਾ ਨੇ ਕਿਹਾ ਕਿ ਇਹ ਪੁਸਤਕ ਕੇਵਲ ਸਵੈਜੀਵਨੀ ਨਹੀਂ, ਇਹ ਹਰ ਵਿਅਕਤੀ ਦੇ ਜੀਵਨ ਦੀ ਗਾਥਾ ਹੈ। ਅਖ਼ੀਰ ਵਿੱਚ ਸਭਾ ਦੇ ਮੀਤ ਪ੍ਰਧਾਨ ਬਲਵਿੰਦਰ ਸਿੰਘ ਭੁੱਲਰ ਨੇ ਮਹਿਮਾਨਾਂ, ਵਿਦਵਾਨਾਂ ਤੇ ਸਰੋਤਿਆਂ ਦਾ ਸਾਹਿਤ ਸਭਾ ਵੱਲੋਂ ਧੰਨਵਾਦ ਕੀਤਾ। ਮੰਚ ਸੰਚਾਲਨ ਸਭਾ ਦੇ ਜਨਰਲ ਸਕੱਤਰ ਰਣਜੀਤ ਗੌਰਵ ਨੇ ਬਾਖੂਬੀ ਨਿਭਾਇਆ।
