Bathinda News (ਅਸ਼ੀਸ਼ ਮਿੱਤਲ): ਡਾ. ਜਗਦੀਸ਼ ਸਿੰਘ ਨੇ ਇੱਥੇ ਬਤੌਰ ਮੁੱਖ ਖੇਤੀਬਾੜੀ ਅਫਸਰ ਵਜੋਂ ਆਪਣਾ ਅਹੁਦਾ ਸੰਭਾਲ ਲਿਆ ਹੈ। ਡਾ. ਜਗਦੀਸ਼ ਸਿੰਘ ਨੇ ਬੀਐਸਸੀ ਐਗਰੀਕਲਚਰ ਪੀਏਯੂ ਤੋਂ ਲੁਧਿਆਣਾ ਤੋਂ ਕੀਤੀ।ਡਾ. ਜਗਦੀਸ਼ ਸਿੰਘ ਮਾਰਚ 1990 ’ਚ ਸੰਗਤ ਬਲਾਕ ਵਿੱਚ ਬਤੌਰ ਖੇਤੀਬਾੜੀ ਇੰਸਪੈਕਟਰ/ਏ.ਡੀ.ਓ ਭਰਤੀ ਹੋਏ। ਸਾਲ 2015 ਵਿੱਚ ਇਹਨਾਂ ਦੀ ਪਹਿਲੀ ਪਰਮੋਸ਼ਨ ਬਤੌਰ ਬਲਾਕ ਖੇਤੀਬਾੜੀ ਅਫਸਰ ਵੱਜੋ ਹੋਈ ਇਸ ਉਪਰੰਤ ਜੁਲਾਈ 2022 ਤੋਂ ਦਸੰਬਰ 2022 ਤੱਕ ਸੀਨੀਅਰ ਐਨਾਲਿਸਟ ਕੀਟ ਨਾਸ਼ਕ ਪ੍ਰਯੋਗਸ਼ਾਲਾ ਵਿੱਚ ਰਹੇ ਅਤੇ ਦਸੰਬਰ 2022 ’ਚ ਇਨ੍ਹਾਂ ਦੀ ਤਰੱਕੀ ਮੁੱਖ ਖੇਤੀਬਾੜੀ ਅਫਸਰ ਬਰਨਾਲਾ ਵਜੋਂ ਹੋਈ।
ਡਾ. ਜਗਦੀਸ਼ ਸਿੰਘ ਨੇ ਆਪਣਾ ਅਹੁਦਾ ਸੰਭਾਲਣ ਉਪਰੰਤ ਖੇਤੀਬਾੜੀ ਵਿਭਾਗ ਦੇ ਸਮੂਹ ਅਧਿਕਾਰੀਆਂ/ਕਰਮਚਾਰੀਆਂ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਕਿਸਾਨੀ ਹਿੱਤ ਲਈ ਪੂਰੀ ਤਨਦੇਹੀ ਅਤੇ ਈਮਾਨਦਾਰੀ ਨਾਲ ਕੰਮ ਕੀਤਾ ਜਾਵੇ ਤਾਂ ਜੋ ਜ਼ਿਲ੍ਹੇ ਨੂੰ ਖੇਤੀ ਖੇਤਰ ਵਿੱਚ ਤਰੱਕੀ ਦੀਆਂ ਲੀਹਾਂ ’ਤੇ ਲਿਜਾਇਆ ਜਾ ਸਕੇ।ਮੁੱਖ ਖੇਤੀਬਾੜੀ ਅਫਸਰ ਨੇ ਵਿਸ਼ਵਾਸ਼ ਦਿਵਾਇਆ ਕਿ ਕਿਸਾਨਾਂ ਨੂੰ ਮਿਆਰੀ ਕਿਸਮ ਦੇ ਬੀਜ, ਖਾਦ ਅਤੇ ਕੀਟਨਾਸ਼ਕ ਮੁਹੱਈਆ ਕਰਵਾਏ ਜਾਣਗੇ ਅਤੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਪਹਿਲ ਦੇ ਆਧਾਰ ’ਤੇ ਕੀਤਾ ਜਾਵੇਗਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
