Bathinda News:ਜ਼ਿਲ੍ਹਾ ਬਠਿੰਡਾ ਦੇ ਥਾਣਾ ਬਾਲਿਆਵਾਲੀ ਅਧੀਨ ਆਉਂਦੇ ਪਿੰਡ ਦੋਲਤਪੁਰਾ ’ਚ ਬੀਤੇ ਕੱਲ ਇਕ ਵਾਪਰੀ ਅਣਹੋਣੀ ਘਟਨਾ ਦੇ ਵਿੱਚ ਇੱਕ ਕਲਯੁਗੀ ਪਤਨੀ ਵੱਲੋਂ ਆਪਣੇ ਪਤੀ ਨੂੰ ਮਾਰਨ ਦੇ ਲਈ ਦਹੀ ਦੇ ਵਿਚ ਜ਼ਹਿਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦਹੀ ਖਾਂਦੇ ਹੀ ਪਤੀ ਦੀ ਹਾਲਾਤ ਗੰਭੀਰ ਹੋਗਈ, ਜਿਸਨੂੰ ਉਸਦੇ ਦੂਜੇ ਪ੍ਰਵਾਰ ਵਾਲਿਆਂ ਵੱਲੋਂ ਇੱਕ ਪ੍ਰਾਈਵੇਟ ਹਸਪਤਾਲ ਵਿਚ ਦਾਖ਼ ਕਰਵਾਇਆ ਗਿਆ, ਜਿੱਥੇ ਉਸਦੀ ਹਾਲਾਤ ਗੰਭੀਰ ਦੱਸੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ ਟਰੱਕ ਤੇ ਬਲੈਰੋ ਗੱਡੀ ਵਿਚਕਾਰ ਟੱਕਰ ਦੌਰਾਨ ਮੋਟਰਸਾਈਕਲ ਸਵਾਰ ਦੋ ਨੌਜਵਾਨਾਂ ਦੀ ਹੋਈ ਦਰਦਨਾਕ ਮੌ+ਤ
ਘਟਨਾ ਦੀ ਪੁਸ਼ਟੀ ਕਰਦਿਆਂ ਥਾਣਾ ਬਾਲਿਆਵਾਲੀ ਦੇ ਮੁਖੀ ਇੰਸਪੈਕਟਰ ਬਲਤੇਜ ਸਿੰਘ ਨੇ ਇਸ ਵੈਬਸਾਈਟ ਦੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਦਸਿਆ ਕਿ ਇਸ ਸਬੰਘ ਵਿਚ ਗੁਰਵਿੰਦਰ ਸਿੰਘ ਪੁੱਤਰ ਜਸਵਿੰਦਰ ਸਿੰਘ ਵਾਸੀ ਦੋਲਤਪੁਰਾ ਵੱਲੋਂ ਪੁਲਿਸ ਕੋਲ ਸਿਕਾਇਤ ਕੀਤੀ ਗਈ ਸੀ, ਜਿਸਦੇ ਆਧਾਰ ’ਤੇ ਉਸਦੀ ਪਤਨੀ ਕਿਰਨਜੀਤ ਕੌੋਰ ਵਿਰੁਧ ਬੀਐਨਐਸ ਦੀ ਧਾਰਾ 123 ਤਹਿਤ ਕੇਸ ਦਰਜ਼ ਕੀਤਾ ਗਿਆ ਹੈ। ਉਨ੍ਹਾਂ ਦਸਿਆ ਕਿ ਮੁਢਲੀ ਜਾਂਚ ਦੌਰਾਨ ਸਾਹਮਣੇ ਆਇਆ ਹੈ ਕਿ ਦੋਨਾਂ ਦਾ ਵਿਆਹ ਕਰੀਬ 17-18 ਸਾਲ ਪਹਿਲਾਂ ਹੋਇਆ ਸੀ ਤੇ ਇੱਕ ਲੜਕਾ ਵੀ ਹੈ ਪ੍ਰੰਤੂ ਪਤੀ-ਪਤਨੀ ਵਿਚਕਾਰ ਅਣਬਣ ਰਹਿੰਦੀ ਸੀ ਤੇ ਪਤਨੀ ਵੱਲੋਂ ਆਪਣੇ ਪਤੀ ਖਿਲਾਫ਼ ਪਹਿਲਾਂ ਪਰਚਾ ਵੀ ਦਰਜ਼ ਕਰਵਾਇਆ ਗਿਆ ਸੀ ਪ੍ਰੰਤੂ ਬਾਅਦ ਵਿਚ ਪੰਚਾਇਤੀ ਰਾਜ਼ੀਨਾਮੇ ਕਾਰਨ ਉਹ ਮੁੜ ਸਹੁਰੇ ਘਰ ਆ ਗਈ। ਇਸਦੇ ਬਾਵਜੂੁਦ ਦੋਨਾਂ ਵਿਚਕਾਰ ਲੜਾਈ ਹੋਣ ਕਾਰਨ ਉਹ ਕਦੇ ਪੇਕੇ ਚਲੀ ਜਾਂਦੀ ਸੀ ਤੇ ਕਦੇ ਸਹੁਰੇ ਆ ਜਾਂਦੀ ਸੀ।
ਇਹ ਵੀ ਪੜ੍ਹੋ ਵਿਜੀਲੈਂਸ ਵੱਲੋਂ ਗ੍ਰਿਫਤਾਰ ਕੀਤੀ ਗਈ Insta queen Amandip ਦੀ ਕੋਠੀ, ਥਾਰ ਤੇ ਬੁਲਟ ਫ਼੍ਰੀਜ਼
ਥਾਣਾ ਮੁਖੀ ਮੁਤਾਬਕ ਮੁਦਈ ਦੀ ਸਿਕਾਇਤ ਮੁਤਾਬਕ 26 ਮਈ ਨੂੰ ਜਦ ਗੁਰਵਿੰਦਰ ਸਿੰਘ ਖੇਤੋਂ ਕੰਮ ਕਰਕੇ ਘਰੇ ਵਾਪਸ ਆਇਆ ਤਾਂ ਕਿਰਨਜੀਤ ਕੌਰ ਨੇ ਉਸਨੂੰ ਖਾਣ ਲਈ ਦਹੀ ਦਿੱਤਾ, ਜਿਸ ਵਿਚੋਂ ਉਸਨੇ ਥੌੜੀ ਜਿਹੀ ਦਹੀ ਖਾ ਲਈ ਪ੍ਰੰਤ 5-7 ਮਿੰਟ ਬਾਅਦ ਉਸ ਦੀ ਤਬੀਅਤ ਖਰਾਬ ਹੋ ਗਈ, ਜਿਸਦੇ ਚੱਲਦੇ ਉਸਦੇ ਭਰਾ ਨੇ ਉਸਨੂੰ ਭੁੱਚੋ ਮੰਡੀ ਦੇ ਇੱਕ ਪ੍ਰਾਈਵੇਟ ਹਸਪਤਾਲ ਵਿਚ ਦਾਖਲ ਕਰਵਾ ਦਿੱਤਾ। ਥਾਣਾ ਮੁਖੀ ਮੁਤਾਬਕ ਵਜਾ ਰੰਜਸ ਇਹ ਦੱਸੀ ਗਈ ਹੈ ਕਿ ਕਿਰਨਜੀਤ ਕੌਰ ਆਪਣੇ ਘਰਵਾਲੇ ਦੀ ਜਮੀਨ ਆਪਣੇ ਨਾਮ ਕਰਵਾਉਣਾ ਚਾਹੁੰਦੀ ਸੀ ਤੇ ਨਾਲ ਹੀ ਸਾਂਝੇ ਮਕਾਨ ਦੇ ਵਿਚਕਾਰ ਕੰਧ ਕੱਢਣ ਲਈ ਦਬਾਅ ਪਾ ਰਹੀ ਸੀ ਪ੍ਰੰਤੂ ਘਰ ਵਾਲੇ ਦੇ ਨਾਂ ਮੰਨਣ ਕਾਰਨ ਉਸਨੂੰ ਜਹਿਰੀਲਾ ਪਦਾਰਥ ਦੇ ਦਿੱਤਾ । ਉਨ੍ਹਾਂ ਦਸਿਆ ਕਿ ਫ਼ਿਲਹਾਲ ਮਾਮਲੇ ਦੀ ਜਾਂਚ ਜਾਰੀ ਹੈ ਤੇ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
