ਬਠਿੰਡਾ ‘ਚ ਐਕਸਾਈਜ਼ ਵਿਭਾਗ ਨੇ ਦਿਨ-ਚੜ੍ਹਦੇ ਸ਼ਹਿਰ ਦੇ ਅੱਧੇ ਸਰਾਬ ਦੇ ਠੇਕੇ ਕੀਤੇ ਸੀਲ

Bathinda News: ਬਠਿੰਡਾ ਸ਼ਹਿਰ ਵਿਚ ਐਕਸਾਈਜ਼ ਵਿਭਾਗ ਨੇ ਦਿਨ ਚੜ੍ਹਦੇ ਹੀ ਵੱਡੀ ਕਾਰਵਾਈ ਕੀਤੀ ਹੈ।ਡਿਪਟੀ ਐਕਸਾਈਜ਼ ਟੈਕਸਟੇਸ਼ਨ ਕਮਿਸ਼ਨਰ ਦੀਆਂ ਹਿਦਾਇਤਾਂ ‘ਤੇ ਦੋ ਨਾਮੀ ਸਰਾਬ ਠੇਕੇਦਾਰਾਂ ਦੇ ਸ਼ਹਿਰ ‘ਚ ਸਥਿਤ ਤਿੰਨ ਦਰਜ਼ਨ ਤੋਂ ਵੱਧ ਸਰਾਬ ਦੇ ਠੇਕਿਆਂ ਨੂੰ ਸੀਲ ਕਰ ਦਿੱਤਾ ਹੈ। ਐਕਸਾਈਜ਼ ਵਿਭਾਗ ਦੀ ਇਸ ਕਾਰਵਾਈ ਨਾਲ ਇੰਨ੍ਹਾਂ ਗਰੁੱਪਾਂ ਨੂੰ ਹੱਥਾਂ-ਪੈਰਾਂ ਦੀ ਪੈ ਗਈ ਹੈ, ਕਿਉਂਕਿ ਇੱਕ ਦਿਨ ਇਹ ਸਰਾਬ ਦੀਆਂ ਦੁਕਾਨਾਂ ਬੰਦ ਹੋਣ ਨਾਲ ਲੱਖਾਂ ਦਾ ਘਾਟਾ ਸਹਿਣਾ ਪੈਣਾ ਹੈ।

ਇਹ ਵੀ ਪੜ੍ਹੋ Love Marriage ਕਰਵਾ ਕੇ ਬਠਿੰਡਾ ਦੀ ਅਦਾਲਤ ‘ਚ ਸੁਰੱਖਿਆ ਲੈਣ ਪੁੱਜੇ ਜੋੜੇ ‘ਤੇ ਹਮਲਾ

ਮਿਲੀ ਸੂਚਨਾ ਮੁਤਾਬਕ ਸ਼ਹਿਰ ਦੇ ਅਮਰੀਕ ਸਿੰਘ ਰੋਡ ਗਰੁੱਪ ਨੂੰ ਚਲਾਉਣ ਵਾਲੇ ਕੇ ਜੀ ਵਾਈਨ ਅਤੇ ਮਿੱਤਲ ਮਾਲ ਗਰੁੱਪ ਦੇ ਸੰਚਾਲਕ ਏਡੀ ਕਾਂਝਲਾ ਗਰੁੱਪ ਦੇ ਵਿਰੁਧ ਐਕਸਾਈਜ਼ ਵਿਭਾਗ ਨੂੰ ਕੁੱਝ ਸ਼ਿਕਾਇਤਾਂ ਮਿਲੀਆਂ ਸਨ, ਜਿਸਦੇ ਵਿਚ ਪੇਟੀ ਸੇਲ ਅਤੇ ਸਸਤੇ ਰੇਟ ਉਪਰ ਸ਼ਰਾਬ ਵੇਚਣ ਦੇ ਦਾਅਵੇ ਕੀਤੇ ਗਏ ਸਨ। ਇਸ ਮਾਮਲੇ ਵਿਚ ਅਧਿਕਾਰੀਆਂ ਵੱਲੋਂ ਪੜ੍ਹਤਾਲ ਤੋਂ ਬਾਅਦ ਚਲਾਨ ਕੀਤੇ ਗਏ ਸਨ।

ਇਹ ਵੀ ਪੜ੍ਹੋ ਮੁੱਖ ਮੰਤਰੀ ਵੱਲੋਂ ਪੰਜਾਬ ਵਾਸੀਆਂ ਨੂੰ ਨਸ਼ਿਆਂ ਅਤੇ ਭ੍ਰਿਸ਼ਟਾਚਾਰ ਵਿਰੁੱਧ ਜੰਗ ਵਿੱਚ ਸਾਥ ਦੇ ਕੇ ਸ਼ਹੀਦ ਭਗਤ ਸਿੰਘ ਦੇ ਸੁਪਨਿਆਂ ਨੂੰ ਸਾਕਾਰ ਕਰਨ ਦਾ ਸੱਦਾ

ਜਿਸਤੋਂ ਬਾਅਦ ਚਲਾਨ ਡੀਈਟੀਸੀ ਦੀ ਕੋਰਟ ‘ਚ ਪੁੱਜੇ ਤੇ ਉਨ੍ਹਾਂ ਇੰਨ੍ਹਾਂ ਦੋਨਾਂ ਗਰੁੱਪਾਂ ਦੇ ਸ਼ਹਿਰ ਵਿਚ ਸਥਿਤ ਸਾਰੇ ਸ਼ਰਾਬ ਦੇ ਠੇਕਿਆਂ ਨੂੰ ਇੱਕ ਦਿਨ ਲਈ ਸੀਲ ਕਰਨ ਦੇ ਹੁਕਮ ਦਿੱਤੇ। ਐਕਸਾਈਜ਼ ਵਿਭਾਗ ਦੇ ਈਟੀਓ ਬਿਕਰਮਜੀਤ ਸਿੰਘ ਭੁੱਲਰ ਨੇ ਪੰਜਾਬੀ ਖਬਰਸਾਰ ਵੈਬਸਾਈਟ ਨਾਲ ਗੱਲਬਾਤ ਕਰਦਿਆਂ ਇਸ ਕਾਰਵਾਈ ਦੀ ਪੁਸ਼ਟੀ ਕੀਤੀ। ਉਨ੍ਹਾਂ ਦਸਿਆ ਕ ਕੁੱਝ ਸਿਕਾਇਤਾਂ ਦੀ ਪੜ੍ਹਤਾਲ ਤੋਂ ਬਾਅਦ ਇਹ ਕਾਰਵਾਈ ਹੋਈ ਹੈ ਤੇ ਦੋਨਾਂ ਗਰੁੱਪਾਂ ਦੇ ਇੱਕ ਦਿਨ ਲਈ ਸ਼ਹਿਰ ਵਿਚ ਸਥਿਤ ਸਾਰੇ ਠੇਕਿਆਂ ਨੂੰ ਸੀਲ ਕੀਤਾ ਗਿਆ।

ਇਹ ਵੀ ਪੜ੍ਹੋ ਪੰਜਾਬ ਦੀਆਂ ਜੇਲ੍ਹਾਂ ਲਈ 60 ਮਨੋਵਿਗਿਆਨੀ ਸਲਾਹਕਾਰ ਭਰਤੀ ਕੀਤੇ ਜਾਣਗੇ: ਹਰਪਾਲ ਸਿੰਘ ਚੀਮਾ

ਕੀ ਕਹਿੰਦੇ ਹਨ ਸਰਾਬ ਵੇਚਣ ਤੇ ਖਰੀਦਣ ਦੇ ਨਿਯਮ
ਆਮ ਤੌਰ ‘ਤੇ ਸਰਾਬ ਦੇ ਖਰੀਦਦਾਰਾਂ ਨੂੰ ਇਹ ਨਹੀਂ ਪਤਾ ਹੁੰਦਾ ਕਿ ਉਹ ਕਿੰਨੀਂ ਸਰਾਬ ਖਰੀਦ ਸਕਦੇ ਹਨ। ਐਕਸਾਈਜ਼ ਵਿਭਾਗ ਦੇ ਨਿਯਮਾਂ ਤਹਿਤ ਇੱਕ ਵਿਅਕਤੀ 750 ਐਮਐਲ ਦੀਆਂ ਸਿਰਫ਼ ਦੋ ਬੋਤਲਾਂ ਖਰੀਦ ਸਕਦਾ ਹੈ। ਇਸਤੋਂ ਇਲਾਵਾ ਜੇਕਰ ਪੰਜ ਵਿਅਕਤੀ ਕਿਸੇ ਵਹੀਕਲ ਵਿਚ ਸਵਾਰ ਹੋ ਕੇ ਜਾਂਦੇ ਹਨ ਤੇ ਤਾਂ ਉਹ ਪ੍ਰਤੀ ਵਿਅਕਤੀ 2-2 ਬੋਤਲਾਂ ਦੇ ਹਿਸਾਬ ਨਾਲ ਖਰੀਦੀ ਸਰਾਬ ਨੂੰ ਇਕੱਠੀ ਨਹੀਂ ਰੱਖ ਕੇ ਚੱਲ ਸਕਦੇ। ਅਜਿਹਾ ਹੋਣ ‘ਤੇ ਉਨ੍ਹਾਂ ਵਿਰੁਧ ਕਾਨੂੰਨੀ ਕਾਰਵਾਈ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ ਔਰਤ ਨਾਲ ਬਲਾਤਕਾਰ ਦੇ ਦੋਸ਼ਾਂ ਹੇਠ ਲੁਧਿਆਣਾ ਦੇ ਨਾਮੀ ਡਾਕਟਰ ਵਿਰੁਧ ਪਰਚਾ ਦਰਜ਼

ਜਿਸਦੇ ਚੱਲਦੇ ਨਿਯਮਾਂ ਤਹਿਤ ਉਨ੍ਹਾਂ ਵੱਲੋਂ ਖਰੀਦੀਆਂ ਦੋ-ਦੋ ਬੋਤਲਾਂ ਹਰ ਵਿਅਕਤੀ ਦੇ ਕੋਲ ਮੌਜੂਦ ਹੋਣੀਆਂ ਚਾਹੀਦੀਆਂ ਹਨ। ਹਾਲਾਂਕਿ ਇੱਕ ਵਿਅਕਤੀ ਬੀਅਰ ਦੀ ਇੱਕ ਪੇਟੀ ਇਕੱਠੀ ਖਰੀਦ ਸਕਦਾ ਹੈ। ਦੂਜੇ ਪਾਸੇ ਸਰਾਬ ਠੇਕੇਦਾਰ ਵੀ ਅਬਾਕਾਰੀ ਐਕਟ ਤਹਿਤ ਬਿਨ੍ਹਾਂ ਪਰਮਿਟ ਤੋਂ ਬਲਕ ਵਿਚ ਸਰਾਬ ਨਹੀਂ ਵੇਚ ਸਕਦੇ ਤੇ ਨਾਂ ਹੀ ਸਸਤੀ ਵੇਚ ਸਕਦੇ ਹਨ। ਅਜਿਹਾ ਹੋਣ ‘ਤੇ ਉਨ੍ਹਾਂ ਵਿਰੁਧ ਕਾਰਵਾਈ ਹੋ ਸਕਦੀ ਹੈ, ਜਿਸ ਤਰ੍ਹਾਂ ਦੀ ਕਾਰਵਾਈ ਅੱਜ ਬਠਿੰਡਾ ਵਿਚ ਐਕਸਾਈਜ਼ ਵਿਭਾਗ ਵੱਲੋਂ ਕੀਤੀ ਗਈ ਹੈ।

👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।

🛑https://chat.whatsapp.com/EK1btmLAghfLjBaUyZMcLK

🛑https://t.me/punjabikhabarsaarwebsite

☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।