Canada: ਪੀਲ ਰੀਜਨਲ ਪੁਲਿਸ ਨੇ ਇੱਕ ਅਪਰਾਧਿਕ ਸਮੂਹ ਦਾ ਪਰਦਾਫਾਸ਼ ਕੀਤਾ ਹੈ। ਇਸ ਸਮੂਹ ਨੂੰ ਜ਼ਬਰਦਸਤੀ ਵਸੂਲੀ ਅਤੇ ਦਰਜਨਾਂ ਜਾਅਲੀ ਵਾਹਨ ਟੱਕਰਾਂ ਦੇ ਮਾਮਲਿਆਂ ਨਾਲ ਜੋੜਿਆ ਜਾ ਰਿਹਾ ਹੈ। ਪੀਲ ਰੀਜਨਲ ਪੁਲਿਸ ਨੇ ਇੱਕ ਵੱਡੀ ਕਾਰਵਾਈ ਕਰਦਿਆਂ ਬਰੈਂਪਟਨ ਅਧਾਰਤ ਇੱਕ ਅਪਰਾਧਿਕ ਸਮੂਹ ਦੇ 18 ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਸ ਸਮੂਹ ਨੂੰ “ਪ੍ਰੋਜੈਕਟ ਆਊਟਸੋਰਸ” ਨਾਮੀ ਜਾਂਚ ਦੌਰਾਨ ਪਕੜਿਆ ਗਿਆ, ਜੋ ਜੁਲਾਈ 2024 ਵਿੱਚ ਸ਼ੁਰੂ ਹੋਈ ਸੀ। ਪੁਲਿਸ ਮੁਤਾਬਕ, ਇਸ ਸਮੂਹ ਨੇ ਸਾਊਥ ਏਸ਼ੀਅਨ ਕਾਰੋਬਾਰੀ ਭਾਈਚਾਰੇ ਨੂੰ ਨਿਸ਼ਾਨਾ ਬਣਾਇਆ, ਜਿਸ ਵਿੱਚ ਜ਼ਬਰਦਸਤੀ ਵਸੂਲੀ, ਅੱਗਜ਼ਨੀ, ਅਤੇ ਗੋਲੀਬਾਰੀ ਵਰਗੀਆਂ ਘਟਨਾਵਾਂ ਸ਼ਾਮਲ ਸਨ।
ਜਲੰਧਰ ‘ਚ ਪੁਰਾਣੀ ਰੰਜਿਸ ਦੇ ਚੱਲਦਿਆਂ ਨੌਜਵਾਨ ਦਾ ਕ.ਤ+ਲ
ਪੁਲਿਸ ਮੁਖੀ ਨਿਸ਼ਾਨ ਦੁਰਈਅੱਪਾ ਨੇ ਦੱਸਿਆ ਕਿ ਇਸ ਅਪਰਾਧਿਕ ਸਮੂਹ ਦੇ ਦੋ ਮੁਖੀਆਂ, ਪਰੀਤੋਸ਼ ਚੋਪੜਾ ਅਤੇ ਇੰਦਰਜੀਤ ਧਾਮੀ, ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਹ ਸਮੂਹ ਦੋ ਟੋਇੰਗ ਕੰਪਨੀਆਂ, ਹੰਬਲ ਰੋਡਸਾਈਡ ਅਤੇ ਸਰਟੀਫਾਈਡ ਰੋਡਸਾਈਡ, ਨਾਲ ਜੋਂੜਿਆ ਗਿਆ ਮੰਨਿਆ ਜਾ ਰਿਹਾ ਹੈ। ਇਨ੍ਹਾਂ ਨੇ ਬੀਮਾ ਕੰਪਨੀਆਂ ਨੂੰ ਧੋਖਾ ਦੇਣ ਲਈ ਜਾਅਲੀ ਵਾਹਨ ਟੱਕਰਾਂ ਦਾ ਸਹਾਰਾ ਲਿਆ ਅਤੇ ਟੋਇੰਗ ਕਾਰੋਬਾਰ ਉੱਤੇ ਕਬਜ਼ਾ ਕਰਨ ਲਈ ਹਥਿਆਰਾਂ ਅਤੇ ਹਿੰਸਾ ਦੀ ਵਰਤੋਂ ਕੀਤੀ। ਪੁਲਿਸ ਨੇ 18 ਟੋਅ ਟਰੱਕ, 5 ਚੋਰੀ ਹੋਏ ਵਾਹਨ, 2 ਬੁੱਲੇਟਪਰੂਫ ਜੈਕਟਾ, ਛੇ ਹਥਿਆਰ, 600 ਕਾਰਤੂਸ ਅਤੇ 4.2 ਮਿਲੀਅਨ ਡਾਲਰ ਦੀ ਜਾਇਦਾਦ ਜ਼ਬਤ ਕੀਤੀ ਹੈ। ਇਸ ਅਪਰਾਧਿਕ ਸਮੂਹ ਨੇ ਸਾਡੇ ਭਾਈਚਾਰੇ ਨੂੰ ਡਰਾਉਣ ਅਤੇ ਬੀਮਾ ਕੰਪਨੀਆਂ ਨੂੰ ਲੁੱਟਣ ਦੀ ਕੋਸ਼ਿਸ਼ ਕੀਤੀ। ਅਸੀਂ ਇਸ ਨੂੰ ਰੋਕਣ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹਾਂ।
Ludhiana Election; ਅੱਜ ਸ਼ਾਮ 6 ਵਜੇ ਹੋਵੇਗਾ ਚੋਣ ਪ੍ਰਚਾਰ ਬੰਦ,ਬਾਹਰੀ ਵਿਅਕਤੀਆਂ ਨੂੰ ਛੱਡਣਾ ਪਏਗਾ ਹਲਕਾ
ਪੁਲਿਸ ਨੇ ਦੱਸਿਆ ਕਿ 10 ਜੂਨ ਨੂੰ ਪੀਲ, ਯਾਰਕ, ਅਤੇ ਟੋਰਾਂਟੋ ਖੇਤਰਾਂ ਵਿੱਚ ਅਧਿਕਾਰੀਆਂ ਨੇ ਤਾਲਮੇਲ ਨਾਲ ਖੋਜ ਕਾਰਵਾਈਆਂ ਕੀਤੀਆਂ। ਇਸ ਦੌਰਾਨ 18 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ, ਜਿਨ੍ਹਾਂ ਉੱਤੇ ਸੰਗਠਿਤ ਅਪਰਾਧ, ਜ਼ਬਰਦਸਤੀ ਵਸੂਲੀ, ਧੋਖਾਧੜੀ, ਅਤੇ ਹਥਿਆਰਾਂ ਨਾਲ ਸਬੰਧਤ 97 ਦੋਸ਼ ਲਗਾਏ ਗਏ ਹਨ। ਪੁਲਿਸ ਨੇ ਜੀਟੀਏ ਵਿੱਚ 67 ਗਿ੍ਰਫ਼ਤਾਰੀ ਵਾਰੰਟਾ ਨੂੰ ਲਾਗੂ ਕੀਤਾ ਜਿਸ ਲਈ ਬਰੈਂਪਟਨ ਦੇ ਮੇਅਰ ਪੈਟ੍ਰਿਕ ਬ੍ਰਾਊਂਨ ਨੇ ਪੁਲਿਸ ਦਾ ਧੰਨਵਾਦ ਕੀਤਾ।
ਇਹ ਗ੍ਰਿਫਤਾਰੀਆਂ ਪੀਲ ਰੀਜਨਲ ਪੁਲਿਸ ਦੀ ਐਕਸਟੋਰਸ਼ਨ ਇਨਵੈਸਟੀਗੇਟਿਵ ਟਾਸਕ ਫੋਰਸ ਦੇ ਯਤਨਾਂ ਦਾ ਹਿੱਸਾ ਹਨ, ਜੋ 2023 ਵਿੱਚ ਸਥਾਪਿਤ ਕੀਤੀ ਗਈ ਸੀ। ਪੁਲਿਸ ਨੇ ਭਾਈਚਾਰੇ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕੋਈ ਵੀ ਵਿਅਕਤੀ ਇਸ ਅਪਰਾਧਿਕ ਸਮੂਹ ਦਾ ਸ਼ਿਕਾਰ ਹੋਇਆ ਹੈ, ਤਾਂ ਉਹ ਅੱਗੇ ਆ ਕੇ ਜਾਣਕਾਰੀ ਸਾਂਝੀ ਕਰੇ।
