Bathinda News:ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਮਹਿਮਾ ਸਰਕਾਰੀ ਦੇ ਇੱਕ ਕਿਸਾਨ ਵੱਲੋਂ ਕਰਜ਼ੇ ਤੋਂ ਪ੍ਰੇਸ਼ਾਨ ਹੋ ਕੇ ਆਪਣੀ ਲਾਇਸੰਸੀ ਬੰਦੂਕ ਦੇ ਨਾਲ ਗੋਲੀ ਮਾਰ ਕੇ ਆਤਮਹੱਤਿਆ ਕਰਨ ਦਾ ਦੁਖਦਾਈਕ ਮਾਮਲਾ ਸਾਹਮਣੇ ਆਇਆ ਹੈ। ਮ੍ਰਿਤਕ ਦੇ ਪਿਤਾ ਮੇਜਰ ਸਿੰਘ ਪੁੱਤਰ ਕਰਨੈਲ ਸਿੰਘ ਵਾਸੀ ਮਹਿਮਾ ਸਰਕਾਰੀ ਦੇ ਬਿਆਨਾਂ ਉਪਰ ਨਹਿਆਵਾਲਾ ਦੀ ਪੁਲਿਸ ਨੇ ਦੋ ਵਿਅਕਤੀਆਂ ਦੇ ਵਿਰੁਧ ਪਰਚਾ ਦਰਜ਼ ਕਰ ਲਿਆ। ਮਿਲੀ ਸੂਚਨਾ ਦੇ ਮੁਤਾਬਕ ਮ੍ਰਿਤਕ ਗੁਰਸਾਹਿਬ ਸਿੰਘ(50 ਸਾਲ) ਖੇਤੀਬਾੜੀ ਦਾ ਕੰਮ ਕਰਦਾ ਸੀ। ਉਸਦੇ ਦੋ ਬੱਚੇ ਹਨ, ਜੋਕਿ ਵਿਦੇਸ਼ ਵਿਚ ਸੈਟਲਡ ਹਨ।
ਇਹ ਵੀ ਪੜ੍ਹੋ ਇੱਕ ਹੋਰ ਪੰਜਾਬੀ ਨੌਜਵਾਨ ਦੀ ਕੈਨੇਡਾ ‘ਚ ਦਿਲ ਦਾ ਦੌਰਾ ਪੈਣ ਕਾਰਨ ਹੋਈ ਮੌ+ਤ
ਇੰਨ੍ਹਾਂ ਬੱਚਿਆਂ ਨੂੰ ਵਿਦੇਸ਼ ‘ਚ ਭੇਜਣ ਅਤੇ ਬਾਅਦ ਵਿਚ ਲੜਕੀ ਦਾ ਵਿਆਹ ਕਰਨ ਦੇ ਲਈ ਕਿਸਾਨ ਗੁਰਸਾਹਿਬ ਵੱਲੋਂ ਕਰਜ਼ਾ ਚੁੱਕਿਆ ਗਿਆ ਸੀ, ਜਿਹੜਾ ਹਾਲੇ ਤੱਕ ਮੋੜਿਆ ਨਹੀਂ ਜਾ ਸਕਿਆ ਸੀ।ਇਸ ਦੌਰਾਨ ਹੀ ਉਸਨੇ ਪਿੰਡ ਦੇ ਗਿਆਨ ਚੰਦ ਦੇ ਦੱਸਣ ਮੁਤਾਬਿਕ ਗੁਰਮੇਲ ਸਿੰਘ ਨਾਲ ਤਾਲਮੇਲ ਕੀਤਾ, ਜਿਸਨੇ ਆਪਣੇ ਇੱਕ ਸਾਥੀ ਇੰਦਰਜੀਤ ਸਿੰਘ ਦੀ ਮੱਦਦ ਨਾਂਲ ਉਸਨੂੰ ਕਰੀਬ 03 ਕਰੋੜ ਦਾ ਲੋਨ ਦਿਵਾਉਣ ਦਾ ਭਰੋਸਾ ਦਿਵਾਇਆ ਤੇ ਇਸਦੇ ਬਦਲੇ 10 ਲੱਖ ਰੁਪਏ ਕਮਿਸ਼ਨ ਲੈਣ ਦੀ ਗੱਲ ਵੀ ਕਹੀ।
ਇਹ ਵੀ ਪੜ੍ਹੋ ਫ਼ਰੀਦਕੋਟ ਦੀ ਜੇਲ੍ਹ ਮੁੜ ਚਰਚਾ ‘ਚ, ਕੈਦੀਆਂ ਤੇ ਹਵਾਲਾਤੀਆਂ ਕੋਲੋਂ ਮਿਲਿਆ ਮੋਬਾਇਲ ਫ਼ੋਨਾਂ ਦਾ ਜਖੀਰਾ
ਮ੍ਰਿਤਕ ਦੇ ਬਾਪ ਮੇਜਰ ਸਿੰਘ ਮੁਤਾਬਕ ਲੋੜੀਦੇ ਦਸਤਾਵੇਜ ਦਿੱਤੇ ਗਏ ਅਤੇ ਨਾਲ ਹੀ ਬਣਦੇ ਕਮਿਸ਼ਨ ਵਿਚ ਐਂਡਵਾਂਸ ਦੇ ਤੌਰ ‘ਤੇ ਪਹਿਲਾਂ 185,000/- ਅਤੇ ਕੁੱਝ ਸਮਾ ਬਾਅਦ 2,20,000/- ਆਪਣੇ ਖਾਤਿਆਂ ਵਿਚ ਪਵਾ ਲਵੇ। ਪ੍ਰੰਤੁ ਕਈ ਮਹੀਨੇ ਬੀਤਣ ਦੇ ਬਾਅਦ ਵੀ ਲੋਨ ਨਹੀਂ ਦਿਵਾਇਆ, ਜਿਸਦੇ ਚੱਲਦੇ ਪ੍ਰੇਸ਼ਾਨ ਹੋ ਕੇ ਗੁਰਸਾਹਿਬ ਨੇ ਇਹ ਆਖਰੀ ਕਦਮ ਚੁੱਕ ਲਿਆ। ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਮ੍ਰਿਤਕ ਦੇ ਬਾਪ ਮੇਜਰ ਸਿੰਘ ਦੇ ਬਿਆਨਾਂ ਉਪਰ ਥਾਣਾ ਨਹਿਆਵਾਲਾ ਦੇ ਵਿਚ ਗੁਰਮੇਲ ਸਿੰਘ ਤੇ ਇੰਦਰਜੀਤ ਸਿੰਘ ਵਿਰੁਧ ਬੀਐਨਐਸ ਦੀ ਧਾਰਾ 106 3(5) ਤਹਿਤ ਪਰਚਾ ਦਰਜ਼ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
