Khana News: ਖੰਨਾ ਦੇ ਵਿਚ ਇੱਕ ਸਰਕਾਰੀ ਡਾਕਟਰ ਦੇ ਡਿਊਟੀ ਦੌਰਾਨ ਗੈਰ ਹਾਜ਼ਰ ਰਹਿਣ ਦੇ ਮਾਮਲੇ ਵਿਚ ਵੱਡੀ ਕਾਰਵਾਈ ਕਰਦਿਆਂ ਸੂਬੇ ਦੇ ਸਿਹਤ ਮੰਤਰੀ ਡਾ ਬਲਵੀਰ ਸਿੰਘ ਨੇ ਉਕਤ ਡਾਕਟਰ ਨੂੰ ਮੁਅੱਤਲ ਕਰ ਦਿੱਤਾ। ਦੋ ਦਿਨ ਪਹਿਲਾਂ ਇਸ ਸ਼ਹਿਰ ਦੇ ਸਿਵਲ ਹਸਪਤਾਲ ਵਿਚ ਡਿਲਵਰੀ ਕਰਵਾਉਣ ਆਈ ਇੱਕ ਮਹਿਲਾ ਦੇ ਲਗਾਤਾਰ ਦੋ ਘੰਟੇ ਤੱਕ ਖੱਜਲ-ਖੁਆਰ ਹੋਣ ਅਤੇ ਬਾਅਦ ਵਿਚ ਡਿਲਵਰੀ ਦੌਰਾਨ ਨਵਜੰਮੇ ਬੱਚੇ ਦੀ ਮੌਤ ਹੋਣ ਦਾ ਮਾਮਲਾ ਚਰਚਾ ਵਿਚ ਆਇਆ ਸੀ। ਉਕਤ ਸਮੇਂ ਗਾਇਨੋਲਿਜਟ ਡਾ ਕਵਿਤਾ ਸ਼ਰਮਾ ਦੀ ਡਿਊਟੀ ਸੀ ਪ੍ਰੰਤੂ ਉਹ ਗੈਰ-ਹਾਜ਼ਰ ਰਹੀ। ਜਿਸਦੇ ਕਾਰਨ ਦੋ ਘੰਟੇ ਬਾਅਦ ਖੁਦ ਐਸਐਮਓ ਡਾ ਮਨਿੰਦਰਜੀਤ ਸਿੰਘ ਨੇ ਖੁਦ ਆ ਕੇ ਹਸਪਤਾਲ ਵਿਚ ਦਰਦ ਨਾਲ ਕੁਰਾਹ ਰਹੀ ਔਰਤ ਦਾ ਖੁਦ ਅਪਰੇਸ਼ਨ ਕਰਦਿਆਂ ਜਣੇਪਾ ਕਰਵਾਇਆ ਸੀ।
ਇਹ ਵੀ ਪੜ੍ਹੋ ਮੁਹਾਲੀ ਸ਼ਹਿਰ ਦੀਆਂ ਸੜਕਾਂ ‘ਤੇ ਭਾਰੀ ਵਾਹਨਾਂ ਦੇ ਦਾਖਲੇ ਉਪਰ ਲੱਗ ਸਕਦੀ ਹੈ ਪਾਬੰਦੀ,ਪ੍ਰਸ਼ਾਸਨ ਕਰ ਰਿਹਾ ਵਿਚਾਰਾਂ
ਹਾਲਾਂਕਿ ਔਰਤ ਦੀ ਹਾਲਾਤ ਠੀਕ ਹੈ ਪ੍ਰੰਤੁ ਨਵਜੰਮੀ ਬੱਚੀ ਦੀ ਹਾਲਾਤ ਗੰਭੀਰ ਹੋਣ ਕਾਰਨ ਪਹਿਲਾਂ ਪਟਿਆਲਾ ਅਤੇ ਮੁੜ ਚੰਡੀਗੜ੍ਹ ਹਸਪਤਾਲ ਵਿਚ ਰੈਫ਼ਰ ਕੀਤਾ ਸੀ ਪ੍ਰੰਤੂ ਉਸਦੀ ਮੌਤ ਹੋ ਗਈ ਸੀ। ਜਿਸਤੋਂ ਬਾਅਦ ਭੜਕੇ ਪ੍ਰਵਾਰ ਨੇ ਜਿੰਮੇਵਾਰ ਡਾਕਟਰਾਂ ਵਿਰੁਧ ਪਰਚਾ ਦਰਜ਼ ਕਰਨ ਦੀ ਮੰਗ ਕੀਤੀ ਸੀ। ਸਰਕਾਰ ਵੱਲੋਂ ਵਿਭਾਗੀ ਜਾਂਚ ਦੇ ਆਦੇਸ਼ ਦਿੱਤੇ ਸਨ। ਇਸ ਦੌਰਾਨ ਅੱਜ ਖੁਦ ਸਿਹਤ ਮੰਤਰੀ ਡਾ ਬਲਵੀਰ ਸਿੰਘ ਉਕਤ ਹਸਪਤਾਲ ਪੁੱਜੇ ਤੇ ਡਾਕਟਰ ਨੂੰ ਮੁਅੱਤਲ ਕਰਨ ਦਾ ਐਲਾਨ ਕੀਤਾ ਤੇ ਵਿਭਾਗੀ ਜਾਂਚ ਤੋਂ ਬਾਅਦ ਅਗਲੇ ਐਕਸ਼ਨ ਦੀ ਗੱਲ ਕਹੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
