ਲੁਧਿਆਣਾ, 8 ਅਪ੍ਰੈਲ: ਲੁਧਿਆਣਾ ਦੇ ਸਿਵਲ ਹਸਪਤਾਲ ਵਿਚ ਬੀਤੀ ਰਾਤ ਭਿਆਨਕ ਅੱਗ ਲੱਗਣ ਦੀ ਸੂਚਨਾ ਹੈ। ਹਾਲਾਂਕਿ ਇਸ ਘਟਨਾ ਵਿਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਪ੍ਰੰਤੂ ਇਸ ਅੱਗੇ ’ਤੇ ਕਾਬੂ ਪਾਉਣ ਲਈ ਪ੍ਰਸਾਸ਼ਨ ਤੇ ਫ਼ਾਈਰ ਬ੍ਰਿਗੇਡ ਨੂੰ ਕਾਫ਼ੀ ਮੁਸ਼ੱਕਤ ਕਰਨੀ ਪਈ। ਇਹ ਅੱਗ ਲੱਗਣ ਦੀ ਘਟਨਾ ਦੇਰ ਰਾਤ ਵਾਪਰੀ ਦੱਸੀ ਜਾ ਰਹੀ ਹੈ ਤੇ ਇਸਦੇ ਪਿੱਛੇ ਕਾਰਨ ਹਸਪਤਾਲ ਵਿਚ ਲੱਗੇ ਆਕਸ਼ੀਜਨ ਪਲਾਂਟ ਦੇ ਇਲੈਕਟ੍ਰਾਨਿਕ ਪੈਨਲ ਵਿਚ ਕੋਈ ਗੜਬੜੀ ਹੋਣਾ ਦਸਿਆ ਜਾ ਰਿਹਾ। ਘਟਨਾ ਦਾ ਪਤਾ ਲੱਗਦੇ ਹੀ ਫ਼ਾਈਰ ਬ੍ਰਿਗੇਡ ਤੇ ਹੋਰ ਅਮਲਾ ਫੈਲਾ ਪੁੱਜਿਆ ਤੇ ਅੱਗ ’ਤੇ ਕਾਬੁੂ ਪਾ ਲਿਆ ਗਿਆ।
