ਕਪੂਰਥਲਾ, 7 ਜਨਵਰੀ: ਕਈ ਕਤਲਾਂ, ਫ਼ਿਰੌਤੀਆਂ ਤੇ ਹੋਰ ਸੰਗੀਨ ਦੋਸ਼ਾਂ ਦੇ ਹੇਠ ਕਪੂਰਥਲਾ ਦੀ ਕੇਂਦਰੀ ਜੇਲ੍ਹ ’ਚ ਬੰਦ ਗੈਂਗਸਟਰ ਜੱਗੂ ਭਗਵਾਨਪੂਰੀਆ ਵਲੋਂ ਜੇਲ੍ਹ ਦੇ ਅੰਦਰ ਭੰਨਤੋੜ ਕਰਨ ਦੀ ਸੂਚਨਾ ਹੈ। ਪਤਾ ਲੱਗਿਆ ਹੈ ਕਿ ਇੱਕ ਹਵਾਲਾਤੀ ਨਾਲ ਲੜਣ ਤੋਂ ਬਾਅਦ ਉਸਨੇ ਜੇਲ੍ਹ ਦੇ ਅੰਦਰ ਤੂਫ਼ਾਨ ਮਚਾਇਆ ਤੇ ਐਲ.ਸੀ.ਡੀ ਤੋਂ ਇਲਾਵਾ ਹੋਰ ਸਮਾਨ ਭੰਨ ਦਿੱਤਾ। ਕਾਫ਼ੀ ਜਦੋ ਜਹਿਦ ਦੇ ਬਾਅਦ ਉਸਨੂੰ ਕਾਬੂ ਕੀਤਾ ਗਿਆ। ਇਸ ਸਬੰਧ ਵਿਚ ਜੇਲ੍ਹ ਦੇ ਡਿਪਟੀ ਸੁਪਰਡੈਂਟ ਨਵਦੀਪ ਸਿੰਘ ਦੀ ਸਿਕਾਇਤ ਉੱਪਰ ਕੋਤਵਾਲੀ ਪੁਲਿਸ ਨੇ ਪਰਚਾ ਦਰਜ਼ ਕਰਕੇ ਮਾਮਲੇ ਦੀ ਜਾਂਚ ਸ਼ੁੁਰੂ ਕਰ ਦਿੱਤੀ ਹੈ।
ਲਾਰੇਂਸ ਬਿਸ਼ਨੋਈ ਦੀ ਇੰਟਰਵਿਊ ਦੇ 9 ਮਹੀਨਿਆਂ ਬਾਅਦ FIR ਦਰਜ
ਜੇਲ੍ਹ ਅਧਿਕਾਰੀਆਂ ਵਲੋਂ ਵੀ ਮਾਮਲੇ ਦੀ ਗੰਭੀਰਤਾ ਨਾਲ ਪੜਤਾਲ ਕੀਤੀ ਜਾ ਰਹੀ ਹੈ। ਸੂਤਰਾਂ ਮੁਤਾਬਕ ਜੱਗੂ ਨੂੰ ਪਿੱਛਲੇ ਕੁੱਝ ਦਿਨਾਂ ਤੋਂ ਜੇਲ੍ਹ ਅੰਦਰ ਇੱਕ ਚੱਕੀ ਵਿਚ ਬੰਦ ਕੀਤਾ ਹੋਇਆ ਸੀ। ਇਸ ਦੌਰਾਨ ਉਸਦੇ ਨਾਲ ਇੱਕ ਹੋਰ ਚੱਕੀ ਵਿਚ ਬੰਦ ਇੱਕ ਹਵਾਲਾਤੀ ਨਾਲ ਕਿਸੇ ਗੱਲ ਨੂੰ ਲੈਕੇ ਕਹਾਸੁਣੀ ਹੋ ਗਈ, ਜਿਸਤੋਂ ਬਾਅਦ ਜੱਗੂ ਨੇ ਜੇਲ੍ਹ ਅੰਦਰ ਭੰਨਤੋੜ ਸ਼ੁਰੂ ਕਰ ਦਿੱਤੀ। ਦਸਣਾ ਬਣਦਾ ਹੈ ਕਿ ਕੁੱਝ ਮਹੀਨੇ ਪਹਿਲਾਂ ਜੱਗੂ ਬਠਿੰਡਾ ਦੀ ਕੇਂਦਰੀ ਜੇਲ੍ਹ ਵਿਚ ਬੰਦ ਸੀ ਪ੍ਰੰਤੂ ਇੱਥੋਂ ਇਸਨੂੰ ਕਪੂਰਥਲਾ ਜੇਲ੍ਹ ਵਿਚ ਭੇਜ ਦਿੱਤਾ ਗਿਆ ਕਿਉਂਕਿ ਬਠਿੰਡਾ ਜੇਲ੍ਹ ਵਿਚ ਹੀ ਉਸਦਾ ਦੁਸਮਣ ਮੰਨੇ ਜਾਂਦੇ ਕਈ ਹੋਰ ਗੈਂਗਸਟਰ ਵੀ ਬੰਦ ਸਨ।
