ਤਲਵੰਡੀ ਸਾਬੋ, 1 ਅਪ੍ਰੈਲ : ਵਸੰਤਰਾਵ ਨਾਇਕ ਮਰਾਠਵਾੜਾ ਖੇਤੀਬਾੜੀ ਯੂਨੀਵਰਸਿਟੀ ਪਰਭਣੀ ਮਹਾਰਾਸ਼ਟਰਾ ਵਿਖੇ ਕਰਵਾਈ ਗਈ ਆਲ ਇੰਡੀਆ ਇੰਟਰ ਯੂਨੀਵਰਸਿਟੀ ਕਰਾਸ ਕੰਟਰੀ ਚੈਂਪੀਅਨਸ਼ਿਪ 10 ਕਿਲੋਮੀਟਰ ਦੀ ਦੌੜ ਗੁਰੂ ਕਾਸ਼ੀ ਯੂਨੀਵਰਸਿਟੀ ਤਲਵੰਡੀ ਸਾਬੋ ਦੇ ਐਥਲੀਟ ਮੋਹਿਤ ਕੁਮਾਰ ਨੇ ਜਿੱਤ ਕੇ ਆਲ ਇੰਡੀਆ ਇੰਟਰ ਯੂਨੀਵਰਸਿਟੀ ਚੈਂਪੀਅਨ ਹੋਣ ਦਾ ਮਾਣ ਹਾਸਿਲ ਕੀਤਾ। ਚੈਂਪੀਅਨਸ਼ਿਪ ਵਿੱਚ ਜੀ.ਕੇ.ਯੂ. ਦੇ ਤਿੰਨ ਖਿਡਾਰੀਆਂ ਨੇ ਪਹਿਲੇ 10 ਖਿਡਾਰੀਆਂ ਵਿੱਚ ਨਾਮ ਦਰਜ ਕਰਵਾ ਕੇ ਰਨਰ ਅੱਪ ਚੈਂਪੀਅਨ ਬਣਨ ਦੀ ਮਾਣਮੱਤੀ ਪ੍ਰਾਪਤੀ ਹਾਸਿਲ ਕੀਤੀ।
ਕੋਰਟ ਨੇ ਅਰਵਿੰਦ ਕੇਜਰੀਵਾਲ ਨੂੰ 15 ਦਿਨਾਂ ਦੀ ਨਿਆਂਇਕ ਹਿਰਾਸਤ ‘ਚ ਭੇਜਿਆ ਜੇਲ੍ਹ
ਇਸ ਮੌਕੇ ਚਾਂਸਲਰ ਗੁਰਲਾਭ ਸਿੰਘ ਸਿੱਧੂ ਨੇ ਜੇਤੂ ਖਿਡਾਰੀ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਉਸ ਦੀ ਇਹ ਜਿੱਤ ਉੱਭਰ ਰਹੇ ਨੌਜਵਾਨ ਖਿਡਾਰੀਆਂ ਲਈ ਪ੍ਰੇਰਣਾਸਰੋਤ ਬਣੇਗੀ। ਉਨ੍ਹਾਂ ਖਿਡਾਰੀਆਂ ਨੂੰ ਆਪਣੀ ਊਰਜਾ ਸਿਰਜਣਾਤਮਕ ਕੰਮਾਂ ਅਤੇ ਸਮਾਜ ਦੇ ਨਿਰਮਾਣ ਵਿੱਚ ਲਗਾਉਣ ਦੀ ਅਪੀਲ ਵੀ ਕੀਤੀ।ਉੱਪ ਕੁਲਪਤੀ ਪ੍ਰੋ.(ਡਾ.) ਐਸ.ਕੇ.ਬਾਵਾ ਨੇ ਨਿਰਦੇਸ਼ਕ ਖੇਡਾਂ, ਕੋਚ, ਖਿਡਾਰੀਆਂ ਅਤੇ ਵਿਦਿਆਰਥੀਆਂ ਨੂੰ ਇਸ ਸ਼ਾਨਾਮੱਤੀ ਪ੍ਰਾਪਤੀ ਦੀ ਵਧਾਈ ਦਿੰਦਿਆਂ ਕਿਹਾ ਕਿ ਖੇਡਾਂ ਵਿੱਚ ਹਿੱਸਾ ਲੈਣ ਨਾਲ ਖਿਡਾਰੀ ਮਾਨਸਿਕ, ਸ਼ਰੀਰਿਕ ਅਤੇ ਆਤਮਿਕ ਪੱਖੋਂ ਮਜ਼ੂਬਤ ਹੁੰਦੇ ਹਨ। ਨਿਰਦੇਸ਼ਕ ਖੇਡਾਂ ਡਾ. ਬਲਵਿੰਦਰ ਕੁਮਾਰ ਸ਼ਰਮਾ ਨੇ ਦੱਸਿਆ ਕਿ ਚੈਂਪੀਅਨਸ਼ਿਪ ਵਿੱਚ ਜੀ.ਕੇ.ਯੂ. ਦੇ ਐਥਲੈਟਿਕ ਕੋਚ ਨਰਿੰਦਰ ਸਿੰਘ ਗਿੱਲ ਦੀ ਰਹਿ-ਨੁਮਾਈ ਹੇਠ ਮੋਹਿਤ ਕੁਮਾਰ ਨੇ 10 ਕਿਲੋਮੀਟਰ ਦੀ ਰੇਸ 32 ਮਿੰਟ 20 ਸੈਕਿੰਡ ਵਿੱਚ ਜਿੱਤੀ।
ਸਾਬਕਾ MP ਡਾ. ਧਰਮਵੀਰ ਗਾਂਧੀ ਨੇ ਫੜਿਆ ਕਾਂਗਰਸ ਦਾ ਪਲ੍ਹਾ
ਉਨ੍ਹਾਂ ਦੱਸਿਆ ਕਿ ਕਰਾਸ ਕੰਟਰੀ ਵਿੱਚ ਖਿਡਾਰੀਆਂ ਨੂੰ ਟੇਡੇ-ਮੇਡੇ ਰਸਤਿਆਂ, ਕੀਚੜ, ਉਤਾਰ ਚੜ੍ਹਾ ਵਾਲੇ ਪਹਾੜੀ ਰਸਤਿਆਂ ਅਤੇ ਪਾਣੀ ਦੀਆਂ ਬੌਛਾਰਾਂ ਦਾ ਵੀ ਸਾਹਮਣਾ ਕਰਨਾ ਪਿਆ। ਉਨ੍ਹਾਂ ਦੱਸਿਆ ਕਿ 628 ਖਿਡਾਰੀਆਂ ਨੇ ਦੌੜ ਪੂਰੀ ਕੀਤੀ। ਦੌੜ ਪੂਰੀ ਕਰਨ ਵਾਲਿਆਂ ਵਿੱਚ ‘ਵਰਸਿਟੀ ਦੇ ਐਥਲੀਟ ਰਵੀ ਅਤੇ ਆਸਿਫ ਖਾਨ ਪਹਿਲੇ 10 ਖਿਡਾਰੀਆਂ ਵਿੱਚ ਰਹੇ। ਚੇਤੇ ਰਹੇ ਕਿ ਵਰਸਿਟੀ ਦੇ ਦੋ ਹੋਰ ਖਿਡਾਰੀ ਮੰਨੂ ਪੰਵਾਰ ਤੇ ਭੁਪੇਂਦਰ ਨੇ ਦੌੜ ਪੂਰੀ ਕਰਕੇ ‘ਵਰਸਿਟੀ ਨੂੰ ਚੈਂਪੀਅਨ ਬਣਾਉਣ ਵਿੱਚ ਆਪਣਾ ਯੋਗਦਾਨ ਪਾਇਆ।
