ਹੁਸ਼ਿਆਰਪੁਰ, 21 ਅਕਤੂਬਰ: ਬੀਤੀ ਰਾਤ ਇੱਕ ਪੁਰਾਣੀ ਰੰਜਿਸ਼ ਦੇ ਚੱਲਦੇ ਜ਼ਿਲ੍ਹੇ ਦੇ ਪਿੰਡ ਚੱਕੋਵਾਲ ਵਿਖੇ ਕੁੱਝ ਲੋਕਾਂ ਵੱਲੋਂ ਗੋਲੀਆਂ ਮਾਰ ਕੇ ਪਿਊ-ਪੁੱਤ ਦਾ ਗੋਲੀਆਂ ਮਾਰ ਕੇ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਘਟਨਾ ਸਿਵਲ ਹਸਪਤਾਲ ਦੇ ਬਾਹਰ ਵਾਪਰੀ, ਜਿੱਥੇ ਮ੍ਰਿਤਕ ਕਸ਼ਮੀਰੀ ਲਾਲ ਅਪਣੇ ਪੁੱਤਰ ਅਮਰਜੀਤ ਨਾਲ ਕਾਰ ਵਿਚ ਬਾਹਰ ਜਾ ਰਿਹਾ ਸੀ। ਸੂਚਨਾ ਮੁਤਾਬਕ ਕਸ਼ਮੀਰੀ ਲਾਲ ਦੇ ਛੋਟੇ ਬੇਟੇ ਦੇ ਘਰ ਲੜਕੇ ਨੇ ਜਨਮ ਲਿਆ ਸੀ, ਜਿਸਦੇ ਚੱਲਦੇ ਦੋਨੋਂ ਪਿਊ-ਪੁੱਤ ਹਸਪਤਾਲ ਵਿਚ ਦਾਖ਼ਲ ਆਪਣੀ ਨੂੰਹ ਰਾਣੀ ਤੇ ਹੋਰ ਪ੍ਰਵਾਰਕ ਮੈਂਬਰਾਂ ਨੂੰ ਰੋਟੀ ਦੇ ਕੇ ਵਾਪਸ ਆਏ ਸਨ।
ਇਹ ਵੀ ਪੜ੍ਹੋ:ਦੂਜੀ ਵਾਰ ਕੱਪੜਿਆਂ ਦੇ ਸੋਅਰੂਮ ’ਚ ਚੋਰੀ ਕਰਨ ਆਇਆ ‘ਚੋਰ’ ਦੂਜੀ ਮੰਜਿਲ਼ ਤੋਂ ਡਿੱਗਿਆ
ਇਸ ਦੌਰਾਨ ਜਦ ਦੋਨੋਂ ਰਾਤ ਸਮੇਂ ਆਪਣੀ ਇਨੋਵਾ ਕਾਰ ’ਤੇ ਸਵਾਰ ਹੋ ਕੇ ਵਾਪਸ ਆਪਣੇ ਪਿੰਡ ਤਲਵੰਡੀ ਅਰਾਈਆ ਵੱਲ ਘਰ ਨੂੰ ਚੱਲਣ ਲੱਗੇ ਤਾਂ ਸਿਵਲ ਹਸਪਤਾਲ ਦੇ ਗੇਟ ਅੱਗੇ ਪਹਿਲਾਂ ਤੋਂ ਹੀ ਘਾਤ ਲਗਾ ਕੇ ਬੈਠੇ ਹੋਏ ਸੱਤ-ਅੱਠ ਹਮਲਾਵਾਰਾਂ ਨੇ ਗੱਡੀ ਰੋਕ ਲਈ ਤੇ ਡਰਾਈਵਰ ਸਾਈਡ ਕਾਰ ਦਾ ਸ਼ੀਸਾ ਭੰਨ ਕੇ ਅੰਨੇਵਾਹ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਇਸ ਘਟਨਾ ਵਿਚ ਅਮਰਜੀਤ ਤੇ ਕਸ਼ਮੀਰੀ ਲਾਲ ਦੀ ਮੌਤ ਹੋ ਗਈ ਤੇ ਗੱਡੀ ਵਿਚ ਸਵਾਰ ਦੋ ਛੋਟੇ ਬੱਚੇ ਗੰਭੀਰ ਜਖਮੀ ਹੋ ਗਏ। ਉਧਰ ਮੌਕੇ ’ਤੇ ਪੁੱਜੇ ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਤੇ ਦੋਸ਼ੀਆਂ ਵਿਰੁਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਮੁਢਲੀ ਜਾਂਚ ਮੁਤਾਬਕ ਇਹ ਘਟਨਾ ਪੁਰਾਣੀ ਰੰਜਿਸ਼ ਕਾਰਨ ਵਾਪਰੀ ਹੈ।
