👉ਇਸਤੋਂ ਪਹਿਲਾਂ ਵੀ ਦੋ ਉਪ ਰਾਸ਼ਟਰਪਤੀ ਕਾਰਜ਼ਕਾਲ ਪੂਰਾ ਹੋਣ ਤੋਂ ਪਹਿਲਾਂ ਦੇ ਚੁੱਕੇ ਹਨ ਅਸਤੀਫ਼ਾ
New Delhi News: jagdeep dhankhar resigns as vice president ਬੀਤੇ ਕੱਲ ਆਪਣੀ ਸਿਹਤ ਕਾਰਨਾਂ ਅਚਾਨਕ ਅਸਤੀਫ਼ਾ ਦੇ ਕੇ ਸਭ ਨੂੰ ਚੌਕਾਂਉਣ ਵਾਲੇ ਜਗਦੀਪ ਧਨਖੜ੍ਹ (74 ਸਾਲ) ਅਜਿਹੇ ਪਹਿਲੇ ਉਪ ਰਾਸ਼ਟਰਪਤੀ ਹਨ, ਜਿੰਨ੍ਹਾਂ ਨੇ ਚੱਲਦੇ ਸ਼ੈਸਨ ਦੌਰਾਨ ਆਪਣਾ ਅਸਤੀਫ਼ਾ ਦਿੱਤਾ ਹੋਵੇ। ਸੰਵਿਧਾਨਿਕ ਤੌਰ ’ਤੇ ਉੱਪ ਰਾਸਟਰਪਤੀ ਦੇਸ ਦੀ ਰਾਜ ਸਭਾ ਦੇ ਚੇਅਰਮੈਨ ਵੀ ਹੁੰਦੇ ਹਨ, ਜਿੰਨ੍ਹਾਂ ਵੱਲੋਂ ਇਸਨੂੰ ਚਲਾਇਆ ਜਾਂਦਾ ਹੈ। ਬੀਤੇ ਕੱਲ ਹੀ ਸੰਸਦ ਵਿਚ ਮਾਨਸੂਨ ਸ਼ੈਸਨ ਸ਼ੁਰੂ ਹੋਇਆ ਹੈ, ਜੋ 21 ਅਗਸਤ ਤੱਕ ਚੱਲਣਾ ਹੈ।
ਇਹ ਵੀ ਪੜ੍ਹੋ AAP ਦੇ MP Raghav Chadha ਨੇ ਸੰਸਦ ਵਿਚ ਨਾਗਰਿਕਾਂ ਦੀ ਸਿਹਤ ਨਾਲ ਸਬੰਧਤ ਚੁੱਕਿਆ ਮਹੱਤਵਪੂਰਨ ਮੁੱਦਾ
ਪ੍ਰੰਤੂ ਸੈਸ਼ਨ ਦੇ ਪਹਿਲੈ ਹੀ ਦਿਨ ਉਨ੍ਹਾਂ ਸਮਾਗਮ ਨੂੰ ਚਲਾਉਣ ਤੋਂ ਬਾਅਦ ਅਚਾਨਕ ਆਪਣਾ ਅਸਤੀਫ਼ਾ ਦੇਸ ਦੇ ਰਾਸ਼ਟਰਪਤੀ ਨੂੰ ਭੇਜ ਦਿੱਤਾ, ਜਿਸਦੇ ਵਿਚ ਆਪਣੀ ਸਿਹਤ ਦੇ ਕਾਰਨਾਂ ਦਾ ਹਵਾਲਾ ਦਿੰਦਿਆਂ ਇਸਨੂੰ ਤੁਰੰਤ ਸਵੀਕਾਰ ਕਰਨ ਦੀ ਅਪੀਲ ਕੀਤੀ ਹੈ। ਜਿਕਰ ਕਰਨਾ ਬਣਦਾ ਹੈ ਕਿ ਸ਼੍ਰੀ ਧਨਖੜ੍ਹ ਦਾ ਉਪ ਰਾਸ਼ਟਰਪਤੀ ਵਜੋਂ ਹਾਲੇ ਅਗਸਤ 2027 ਤੱਕ ਕਾਰਜ਼ਕਾਲ ਪਿਆ ਸੀ ਤੇ ਉਹ ਸਾਲ 2022 ਵਿਚ ਪੰਜ ਸਾਲਾਂ ਲਈ ਚੁਣੇ ਗਏ ਸਨ।
ਇਹ ਵੀ ਪੜ੍ਹੋ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦਾ ਕਮਾਲ; ਹੁਣ ਬਿਨ੍ਹਾਂ ਡਰਾਈਵਰ ਤੋਂ ਕਿਸਾਨਾਂ ਦੇ ਖੇਤਾਂ ‘ਚ ਕੰਮ ਕਰੇਗਾ ਟਰੈਕਟਰ, ਦੇਖੋ ਵੀਡੀਓ
ਉਂਝ, ਉਨ੍ਹਾਂ ਤੋਂ ਪਹਿਲਾਂ ਹੁਣ ਤੱਕ ਦੋ ਉਪ ਰਾਸ਼ਟਰਪਤੀ ਆਪਣਾ ਅਹੁੱਦਾ ਕਾਰਜ਼ਕਾਲ ਪੂਰਾ ਹੋਣ ਤੋਂ ਪਹਿਲਾਂ ਹੀ ਛੱਡ ਚੁੱਕੇ ਹਨ, ਜਿੰਨ੍ਹਾਂ ਵਿਚ 2 ਜੁਲਾਈ 1969 ਨੂੰ ਵੀ ਵੀ ਗਿਰੀ ਅਤੇ 21 ਜੁਲਾਈ 2007 ਨੂੰ ਭੈਰੋ ਸਿੰਘ ਸੇਖਾਵਤ ਨੇ ਵੀ ਅਸਤੀਫ਼ਾ ਦੇ ਦਿੱਤਾ ਸੀ। ਜੇਕਰ ਤਰੀਕਾਂ ਦੇਖੀਆਂ ਜਾਣ ਤਾਂ ਹੁਣ ਦੇਸ ਦੇ ਦੂਜੇ ਸੰਵਿਧਾਨਕ ਅਹੁੱਦੇ ਤੋਂ ਅਸਤੀਫ਼ਾ ਦੇਣ ਵਾਲੇ ਤਿੰਨਾਂ ਰਾਸ਼ਟਰਪਤੀਆਂ ਨੇ ਜੁਲਾਈ ਮਹੀਨੇ ਵਿਚ ਹੀ ਆਪਣੇ ਅਸਤੀਫ਼ੇ ਦਿੱਤੇ ਹਨ, ਜਿੰਨ੍ਹਾਂ ਨੂੰ ਇੱਕ ਸੰਯੋਗ ਹੀ ਕਿਹਾ ਜਾ ਸਕਦਾ। ਫ਼ਿਲਹਾਲ ਜਗਦੀਪ ਧਨਖੜ੍ਹ ਦੇ ਅਸਤੀਫ਼ੇ ਤੋਂ ਬਾਅਦ ਹੁਣ ਅਗਲੇ ਉਪ ਰਾਸਟਰਪਤੀ ਦੀ ਚੋਣ ਨੂੰ ਲੈ ਕੇ ਕਿਆਸਅਰਾਈਆਂ ਸ਼ੁਰੂ ਹੋ ਗਈਆਂ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
