Ludhiana News: ਲੰਘੀ 1 ਅਗਸਤ ਨੂੰ ਨਗਰ ਨਿਗਮ ਲੁਧਿਆਣਾ ਦੇ ਵਿਚ ਮੇਅਰ ਨਾਲ ਕਥਿਤ ਤੌਰ ‘ਤੇ ਹੰਗਾਮਾ ਕਰਨ ਦੇ ਦੋਸ਼ਾਂ ਹੇਠ ਸਿਟੀ ਪੁਲਿਸ ਨੇ ਭਾਜਪਾ ਦੇ ਅੱਧੀ ਦਰਜ਼ਨ ਕੌਸਲਰਾਂ ਸਹਿਤ 20 ਜਣਿਆਂ ਵਿਰੁਧ ਪਰਚਾ ਦਰਜ਼ ਕਰ ਲਿਆ ਹੈ। ਇਸ ਮਾਮਲੇ ਵਿਚ ਪਹਿਲਾਂ ਹੀ ਭਾਜਪਾ ਵੱਲੋਂ ਮੇਅਰ ਇੰਦਰਜੀਤ ਕੌਰ ਵਿਰੁਧ ਧਰਨਾ ਲਗਾ ਕੇ ਮੋਰਚਾ ਖੋਲਿਆ ਹੈ, ਜਿਸਦੇ ਵਿਚ ਭਾਜਪਾ ਦੇ ਸੂਬਾਈ ਕਾਰਜ਼ਕਾਰੀ ਪ੍ਰਧਾਨ ਅਸ਼ਵਨੀ ਸ਼ਰਮਾ ਵੀ ਹਾਜ਼ਰੀ ਲਗਵਾ ਚੁੱਕੇ ਹਨ।
ਇਹ ਵੀ ਪੜ੍ਹੋ ਅਦਾਲਤ ਦੇ ਬਾਹਰ ਦਿਨ-ਦਿਹਾੜੇ ਕ+ਤ+ਲ ਕਰਨ ਵਾਲੇ ਬਦਮਾਸ਼ਾਂ ਦਾ Police ਨੇ ਕੀਤਾ Encounter
ਦਸਣਾ ਬਣਦਾ ਹੈ ਕਿ ਲੰਘੀ ਸ਼ੁੱਕਰਵਾਰ ਨੂੰ ਆਪ ਦੀ ਮੇਅਰ ਪ੍ਰਿੰਸੀਪਲ ਇੰਦਰਜੀਤ ਕੌਰ ਨੂੰ ਮਿਲਣ ਗਏ ਭਾਜਪਾ ਕੌਂਸਲਰਾਂ ਵਿਚਕਾਰ ਬਹਿਸਬਾਜ਼ੀ ਹੋ ਗਈ ਸੀ, ਜੋਕਿ ਬਾਅਦ ਵਿਚ ਹੰਗਾਮੇ ਵਿਚ ਬਦਲ ਗਈ। ਜਾਣਕਾਰੀ ਮੁਤਾਬਕ ਨਿਗਮ ਦੇ ਮੁਲਾਜਮ ਸੌਦਾਗਰ ਸਿੰਘ ਦੇ ਬਿਆਨਾਂ ਉਪਰ ਬੀਐਨਐਸ ਦੀ ਧਾਰਾ 221, 132, 125(4), 351(2) ਤਹਿਤ ਦਰਜ਼ ਮੁਕੱਦਮੇ ਵਿਚ ਭਾਜਪਾ ਦੇ ਕੁਲਵੰਤ ਸਿੰਘ ਕਾਂਤੀ, ਵਿਸ਼ਾਲ ਗੁਲਾਟੀ, ਜਤਿੰਦਰ ਗੋਰਾਇਣ, ਮੁਕੇਸ਼ ਖੱਤਰੀ ਅਤੇ ਗੌਰਵਜੀਤ ਗੋਰਾ ਤੋਂ ਇਲਾਵਾ 20 ਦੇ ਕਰੀਬ ਅਣਪਛਾਤਿਆਂ ਨੂੰ ਸਾਮ ਕੀਤਾ ਗਿਆ।
ਇਹ ਵੀ ਪੜ੍ਹੋ Gurpreet Singh Maluka ਬਣੇ ਬਠਿੰਡਾ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ (ਦਿਹਾਤੀ)
ਇੰਨ੍ਹਾਂ ਉਪਰ ਮੇਅਰ ਦਫ਼ਤਰ ਵਿੱਚ ਹੰਗਾਮਾ ਕਰਨ ਅਤੇ ਮੇਅਰ ਨੂੰ ਗੈਰ-ਕਾਨੂੰਨੀ ਢੰਗ ਨਾਲ ਰੋਕਣ ਅਤੇ ਡਿਊਟੀ ਵਿਚ ਵਿਘਨ ਪਾਉਣ ਦੇ ਦੋਸ਼ ਲਗਾਏ ਗਏ ਹਨ। ਜਿਕਰਯੋਗ ਹੈ ਕਿ 1 ਅਗਸਤ ਨੂੰ ਭਾਜਪਾ ਦੇ ਕੌਸਲਰ ਆਪੋ-ਆਪਣੇ ਇਲਾਕੇ ਵਿਚ ਵਿਕਾਸ ਕਾਰਜ਼ ਨਾ ਹੋਣ ਅਤੇ ਕੌਸਲਰਾਂ ਦੀ ਪੁਛਗਿਛ ਨਾਂ ਹੋਣ ਦੇ ਮਾਮਲੇ ਵਿਚ ਸਮੂਹਿਕ ਤੌਰ ‘ਤੇ ਮੇਅਰ ਇੰਦਰਜੀਤ ਕੌਰ ਨੂੰ ਮਿਲਣ ਗਏ ਸਨ ਪ੍ਰੰਤੂ ਇਸ ਮਿਲਣੀ ਦੌਰਾਨ ਵਿਵਾਦ ਹੋ ਗਿਆ। ਉਧਰ, ਇਸ ਪਰਚੇ ਉਪਰ ਪ੍ਰਤੀਕ੍ਰਮ ਦਿੰਦਿਆਂ ਭਾਜਪਾ ਦੇ ਜ਼ਿਲ੍ਹਾ ਮੁਖੀ ਰਜਨੀਸ਼ ਧੀਮਾਨ ਨੇ ਮੀਡੀਆ ਨੂੰ ਕਿਹਾ ਕਿ ਭਾਜਪਾ ਵਰਕਰ ਅਤੇ ਕੌਂਸਲਰ ਪਰਚਿਆਂ ਤੋਂ ਨਹੀਂ ਡਰਦੇ ਅਤੇ ਲੋਕਾਂ ਦੇ ਚੁਣੇ ਹੋਏ ਪ੍ਰਤੀਨਿਧਾ ਦੀ ਅਵਾਜ਼ ਨੁੰ ਬੁਲੰਦ ਕਰਨ ਲਈ ਸੰਘਰਸ਼ ਕਰਨਗੇ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
