Bathinda News: ਸੋਮਵਾਰ ਨੂੰ ਬਾਅਦ ਦੁਪਿਹਰ ਬਠਿੰਡਾ ਸ਼ਹਿਰ ਦੀ ਸਭ ਤੋਂ ਵੱਧ ਭੀੜ-ਭੜੱਕੇ ਵਾਲੀ ਮੰਨੀ ਜਾਂਦੀ ਅਮਰੀਕ ਸਿੰਘ ਰੋਡ ਉਪਰ ਇੱਕ ਵੱਡੀ ਵਾਰਦਾਤ ਵਾਪਰ ਗਈ। ਇੱਥੇ ਸਕੂਟੀ ਸਵਾਰ ਦੋ ਨੌਜਵਾਨਾਂ ਕੋਲੋਂ ਕਾਰ ‘ਤੇ ਆਏ ਲੁਟੇਰੇ ਕਰੀਬ 20 ਲੱਖ ਰੁਪਏ ਦੀ ਰਾਸ਼ੀ ਖੋਹ ਕੇ ਲੈ ਗਏ। ਘਟਨਾ ਦਾ ਪਤਾ ਲੱਗਦਿਆਂ ਹੀ ਇਲਾਕੇ ‘ਚ ਦਹਿਸ਼ਤ ਦਾ ਮਾਹੌਲ ਫ਼ੈਲ ਗਿਆ। ਸੂਚਨਾ ਮਿਲਣ ‘ਤੇ ਬਠਿੰਡਾ ਪੁਲਿਸ ਦੇ ਐਸਪੀ ਸਿਟੀ ਨਰਿੰਦਰ ਸਿੰਘ, ਐਸਪੀ ਜਸਮੀਤ ਸਿੰਘ, ਡੀਐਸਪੀ ਸਿਟੀ ਸੰਦੀਪ ਭਾਟੀ, ਐਸਐਚਓ ਕੋਤਵਾਲੀ ਇੰਸਪੈਕਟਰ ਪਰਵਿੰਦਰ ਸਿੰਘ ਸਹਿਤ ਪੀਸੀਆਰ ਟੀਮਾਂ ਮੌਕੇ ‘ਤੇ ਪੁੱਜੇੀਆਂ।
ਇਹ ਵੀ ਪੜ੍ਹੋ ਸੀਮੈਂਟ ਦੇ ਟਰਾਲੇ ‘ਚ ਲੱਦੀ 9 ਕੁਇੰਟਲ ਭੁੱਕੀ ਸਹਿਤ ਬਠਿੰਡਾ ਪੁਲਿਸ ਵੱਲੋਂ 3 ਕਾਬੂ
ਮੁਢਲੀ ਜਾਣਕਾਰੀ ਮੁਤਾਬਕ ਸਕੂਟੀ ਸਵਾਰ ਨੌਜਵਾਨ ਮਨੀ ਐਕਸਚੈਂਜ ‘ਤੇ ਕੰਮ ਕਰਦੇ ਸਨ, ਜਿਹੜੇ ਸ਼ਹਿਰ ਦੇ ਇੱਕ ਹਿੱਸੇ ਵਿਚੋਂ 20 ਲੱਖ ਦੀ ਰਾਸ਼ੀ ਚੁੱਕ ਕੇ ਜੁਝਾਰ ਸਿੰਘ ਨਗਰ ਵੱਲ ਜਾ ਰਹੇ ਸਨ। ਇੰਨ੍ਹਾਂ ਨੌਜਵਾਨਾਂ ਵੱਲੋਂ ਪੁਲਿਸ ਨੂੰ ਦੱਸੀ ਕਹਾਣੀ ਮੁਤਾਬਕ ਇਸ ਦੌਰਾਨ ਅਮਰੀਕ ਸਿੰਘ ਰੋਡ ‘ਤੇ ਪਿੱਛੇ ਤੋਂ ਇੱਕ ਐਕਜੀਲੋ ਕਾਰ ਆਈ, ਜਿਸਨੇ ਇੰਨ੍ਹਾਂ ਦੀ ਸਕੂਟੀ ਵਿਚ ਪਿੱਛੇ ਤੋਂ ਟੱਕਰ ਮਾਰ ਦਿੱਤੀ। ਜਦ ਉਹ ਸਕੂਟੀ ਸਮੇਤ ਡਿੱਗ ਪਏ ਤਾਂ ਦੋ ਨੌਜਵਾਨ ਹੇਠਾਂ ਉੱਤਰੇ ਅਤੇ ਉਨ੍ਹਾਂ ਦੇ ਕੰਨ ਉਪਰ ਪਿਸਤੌਲ ਲਗਾ ਕੇ ਗੋਲੀ ਮਾਰਨ ਦਾ ਡਰਾਵਾ ਦਿੱਤਾ ਤੇ ਉਨ੍ਹਾਂ ਕੋਲ ਮੌਜੂਦ ਕੈਸ਼ ਨੂੰ ਜਬਰੀ ਖੋਹ ਕੇ ਲੈ ਗਏ।
ਇਹ ਵੀ ਪੜ੍ਹੋ ਥਾਰ ਵਾਲੀ ਬੀਬੀ ‘ਅਮਨਦੀਪ ਕੌਰ’ ਦੀ ਜ਼ਮਾਨਤ ਅਰਜ਼ੀ ਰੱਦ
ਇੰਨ੍ਹਾਂ ਨੌਜਵਾਨਾਂ ਮੁਤਾਬਕ ਕਾਰ ਸਵਾਰ ਲੁਟੇਰੇ ਨਿਹੰਗ ਬਾਣੇ ਵਿਚ ਸਨ। ਐਸਪੀ ਸਿਟੀ ਨਰਿੰਦਰ ਸਿੰਘ ਨੇ ਮੀਡੀਆ ਨੂੰ ਦਸਿਆ ਕਿ ਮਾਮਲਾ ਗੰਭੀਰ ਹੈ ਤੇ ਪੀੜਤ ਨੌਜਵਾਨਾਂ ਕੋਲੋਂ ਵੀ ਜਾਣਕਾਰੀ ਲਈ ਜਾ ਰਹੀ ਹੈ ਤੇ ਸ਼ਹਿਰ ਵਿਚ ਨਾਕਾਬੰਦੀ ਕਰਕੇ ਸ਼ੱਕੀ ਗੱਡੀਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਪ੍ਰੰਤੂ ਕਹਾਣੀ ਤੋਂ ਪਰਦਾ ਹਟਣ ਤੱਕ ਕੁੱਝ ਵੀ ਕਹਿਣਾ ਗਲਤ ਹੋਵੇਗਾ। ਉਨ੍ਹਾਂ ਦਸਿਆ ਕਿ ਫ਼ਿਲਹਾਲ ਥਾਣਾ ਕੋਤਵਾਲੀ ਵਿਚ ਪਰਚਾ ਦਰਜ਼ ਕੀਤਾ ਜਾ ਰਿਹਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
