Bathinda News: ਬਠਿੰਡਾ ਸ਼ਹਿਰ ਦੇ ਪ੍ਰਤਾਪ ਨਗਰ ਦਾ ਰਹਿਣ ਵਾਲਾ 6ਵੀਂ ਕਲਾਸ ਦਾ ਵਿਦਿਆਰਥੀ ਵੰਸ਼ ਬੀਤੇ ਕੱਲ 3 ਜੁਲਾਈ ਨੂੰ ਅਚਾਨਕ ਲਾਪਤਾ ਹੋ ਜਾਂਦਾ ਹੈ। ਰੋਜ਼ ਦੀ ਤਰ੍ਹਾਂ ਆਟੋ ਚਾਲਕ ਇਸਨੂੰ ਸਕੂਲ ਛੱਡਣ ਜਾਂਦਾ ਹੈ ਪ੍ਰੰਤੂ ਜਦ ਛੂੱਟੀ ਸਮੇਂ ਵਾਪਸ ਘਰ ਛੱਡਣ ਲਈ ਸਕੂਲ ਅੱਗੇ ਆਉਂਦਾ ਹੈ ਤਾਂ ਵੰਸ਼ ਨਹੀਂ ਮਿਲਦਾ। ਪਤਾ ਕਰਨ ‘ਤੇ ਸਕੂਲ ਦੇ ਅਧਿਆਪਕ ਦਾਅਵਾ ਕਰਦੇ ਹਨ ਕਿ ਬੱਚਾ ਸਕੂਲ ਆਇਆ ਹੀ ਨਹੀਂ ਤੇ ਨਾਂ ਹੀ ਉਹ ਘਰ ਪੁੱਜਦਾ ਹੈ। ਅਚਾਨਕ ਬੱਚੇ ਦੇ ਲਾਪਤਾ ਹੋਣ ਦੀ ਖਬਰ ਸ਼ਹਿਰ ਵਿਚ ਅੱਗ ਵਾਂਗ ਫ਼ੈਲਦੀ ਹੈ ਤੇ ਪੁਲਿਸ ਦੀ ਹਰਕਤ ਵਿਚ ਆ ਜਾਂਦੀ ਹੈ। ਬੀਤੇ ਕੱਲ ਤੋਂ ਬੱਚੇ ਦੀ ਭਾਲ ਵਿਚ ਲੱਗੀ ਪੁਲਿਸ ਤੇ ਉਸਦੇ ਮਾਪਿਆਂ ਨੂੰ ਅੱਜ ਉਸ ਸਮੇਂ ਸੁੱਖ ਦਾ ਸਾਹ ਆਇਆ ਹੈ ਜਦ ਬੱਚਾ ਬਠਿੰਡਾ ਤੋਂ ਸੈਕੜੇ ਕਿਲੋਮੀਟਰ ਦੂਰ ਉੱਤਰ ਪ੍ਰਦੇਸ਼ ਦੇ ਸ਼ਹਿਰ ਬਾਰਾਬੰਕੀ ਤੋਂ ਮਿਲਦਾ ਹੈ।
ਇਹ ਵੀ ਪੜ੍ਹੋ ਅਮਰਜੀਤ ਮਹਿਤਾ ਦਾ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਦਾ ਮੁੜ ਪ੍ਰਧਾਨ ਬਣਨਾ ਤੈਅ, ਨਹੀਂ ਆਇਆ ਕੋਈ ਮੁਕਾਬਲੇ ‘ਚ
ਬਠਿੰਡਾ ਦੇ ਰੇਲਵੇ ਸਟੇਸ਼ਨ ਤੋਂ ਬੱਚੇ ਦੇ ਦਿੱਲੀ ਵਾਲੀ ਟਰੇਨ ‘ਤੇ ਚੜ੍ਹਣ ਦੀ ਇੱਕ ਸੀਸੀਟੀਵੀ ਫੁਟੇਜ਼ ਵੀ ਮਿਲਦੀ ਹੈ, ਜਿਸਤੋਂ ਪੁਲਿਸ ਨੂੰ ਬੱਚੇ ਬਾਰੇ ਸੁਰਾਗ ਮਿਲਦਾ ਹੈ। ਜਦ ਡੂੰਘਾਈ ਨਾਲ ਪੜਤਾਲ ਕੀਤੀ ਜਾਂਦੀ ਹੈ ਤਾਂ ਪਤਾ ਲੱਗਦਾ ਹੈ ਕਿ ਉਹ ਲਖਨਊ ਵਿਚ ਰਹਿੰਦੇ ਆਪਣੇ ਰਿਸ਼ਤੇਦਾਰਾਂ ਦੇ ਘਰ ਪੁੱਜ ਜਾਂਦਾ ਹੈ। ਜਿੱਥੇ ਪ੍ਰਵਾਰ ਵੱਲੋਂ ਵੀ ਬੱਚੇ ਦੇ ਮਿਲ ਜਾਣ ਦੀ ਪੁਸ਼ਟੀ ਕੀਤੀ ਜਾਂਦੀ ਹੈ। ਡੀਐਸਪੀ ਸੰਦੀਪ ਸਿੰਘ ਭਾਟੀ ਤੇ ਥਾਣਾ ਕੈਨਾਲ ਕਲੌਨੀ ਦੇ ਐਸਐਚਓ ਹਰਜੀਵਨ ਸਿੰਘ ਨੇ ਦਸਿਆ ਕਿ ਬੱਚਾ ਰਿਸ਼ਤੇਦਾਰ ਦੇ ਘਰ ਸਹੀ ਸਲਾਮਤ ਪੁੱਜ ਗਿਆ ਹੈ ਤੇ ਬੱਚਾ ਸਕੂਲ ਦੀ ਬਜਾਏ ਉਥੇ ਕਿਉਂ ਪੁੱਜਿਆ, ਇਸਦੀ ਜਾਂਚ ਕੀਤੀ ਜਾ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
